Mga Salmo 113

1 Dayegon ninyo si Jehova. Dayegon ninyo, Oh kamong mga alagad ni Jehova, Dayega ang ngalan ni Jehova

alleluia laudate pueri Dominum laudate nomen Domini

2 Dalayegon ang ngalan ni Jehova Sukad karon ngadto sa umalabut ug sa walay katapusan.

sit nomen Domini benedictum ex hoc nunc et usque in saeculum

3 Gikan sa pagsilang sa adlaw ngadto sa pagsalop niini Pagadayegon ang ngalan ni Jehova.

a solis ortu usque ad occasum laudabile nomen Domini

4 Si Jehova labing labaw sa tanang mga nasud, Ug ang iyang himaya ibabaw sa kalangitan.

excelsus super omnes gentes Dominus super caelos gloria eius

5 Kinsa ba ang sama kang Jehova nga atong Dios, Nga atua sa kahitas-an ang iyang lingkoranan,

quis sicut Dominus Deus noster qui in altis habitat

6 Nga nagapaubos sa iyang kaugalingon aron sa pagtan-aw Sa mga butang nga atua sa langit ug dinhi sa yuta?

et humilia respicit in caelo et in terra

7 Gibangon niya ang kabus gikan sa abug, Ug gisakwat niya ang hangul gikan sa pundok sa kinalibang;

suscitans a terra inopem et de stercore erigens pauperem

8 Aron siya magapalingkod kaniya uban sa mga principe, Bisan uban sa mga principe sa iyang katawohan.

ut conlocet eum cum principibus cum principibus populi sui

9 Ang babaye nga apuli ginapabantay niya sa balay, Ug mahimo siya nga inahan nga malipayon sa mga anak. Dayegon ninyo si Jehova.

qui habitare facit sterilem in domo matrem filiorum laetantem