Nnwom 9
1 Wɔde ma dwomkyerɛfoɔ. Wɔto no sɛdeɛ wɔto “Ɔba no wuo”. Dawid dwom. Ao Awurade, mefiri mʼakoma nyinaa mu mekamfo wo. Mɛka wʼanwanwadeɛ no nyinaa.
| למנצח על-מות לבן מזמור לדוד ב אודה יהוה בכל-לבי אספרה כל-נפלאותיך |
2 Mɛma mʼani agye na madi ahurisie wɔ wo mu. Mɛto ayɛyie dwom ama wo din, Ao Ɔsorosoroni.
| אשמחה ואעלצה בך אזמרה שמך עליון |
3 Mʼatamfoɔ sane wɔn akyi; wɔtete hwe, na wɔwuwu wɔ wʼanim.
| בשוב-אויבי אחור יכשלו ויאבדו מפניך |
4 Woadi mʼasɛm ama me, na mɛnya mʼahofadie; woatena wʼahennwa so, abu atɛntenenee.
| כי-עשית משפטי ודיני ישבת לכסא שופט צדק |
5 Woatwe amanaman no aso, na woasɛe amumuyɛfoɔ. Woapepa wɔn din a wɔrenkae wɔn bio.
| גערת גוים אבדת רשע שמם מחית לעולם ועד |
6 Ɔsɛeɛ a ɛnni awieeɛ ato ɔtamfoɔ no, woatutu wɔn nkuropɔn; na wɔnnkae wɔn bio mpo.
| האויב תמו חרבות--לנצח וערים נתשת--אבד זכרם המה |
7 Awurade di ɔhene daa daa; wasi nʼatemmuo ahennwa.
| ויהוה לעולם ישב כונן למשפט כסאו |
8 Ɔde tenenee bɛbu ewiase atɛn; ɔde atɛntenenee bɛdi nnipa no so.
| והוא ישפט-תבל בצדק ידין לאמים במישרים |
9 Awurade yɛ dwanekɔbea ma wɔn a wɔhyɛ wɔn so, ɔyɛ abandenden wɔ ahohia mmrɛ mu.
| ויהי יהוה משגב לדך משגב לעתות בצרה |
10 Wɔn a wɔnim wo din no de wɔn ho bɛto wo so, ɛfiri sɛ, wo Awurade, wonnyaa obiara a ɔhwehwɛ wo no mu da.
| ויבטחו בך יודעי שמך כי לא-עזבת דרשיך יהוה |
11 Monto ayɛyie dwom mma Awurade a ɔte ahennwa so wɔ Sion; mompae mu nka deɛ wayɛ wɔ amanaman no mu.
| זמרו--ליהוה ישב ציון הגידו בעמים עלילותיו |
12 Na ɔkae deɛ ɔtɔ mogya so were no; ɔmmu nʼani ngu ɔbrɛfoɔ sufrɛ so.
| כי-דרש דמים אותם זכר לא-שכח צעקת עניים (ענוים) |
13 Ao Awurade, hwɛ sɛdeɛ mʼatamfoɔ teetee me! Hu me mmɔbɔ na yi me firi owuo apono ano,
| חננני יהוה--ראה עניי משנאי מרוממי משערי מות |
14 na matumi apae mu aka wʼayɛyie wɔ Ɔbabaa Sion apono ano na ɛhɔ, madi ahurisie wɔ wo nkwagyeɛ no mu.
| למען אספרה כל-תהלתיך בשערי בת-ציון--אגילה בישועתך |
15 Aman amanmufoɔ atɔ amena a wɔatu no mu; afidie a wɔsum hintaaeɛ no ayi wɔn nan.
| טבעו גוים בשחת עשו ברשת-זו טמנו נלכדה רגלם |
16 Awurade atɛntenenee da no adi; amumuyɛfoɔ nsa ano adwuma ayi wɔn.
| נודע יהוה--משפט עשה בפעל כפיו נוקש רשע הגיון סלה |
| ישובו רשעים לשאולה כל-גוים שכחי אלהים (Sheol h7585) |
18 Nanso ɛnyɛ daa na ne werɛ bɛfiri ohiani, anaa sɛ mmɔborɔni anidasoɔ bɛyera korakora.
| כי לא לנצח ישכח אביון תקות ענוים (עניים) תאבד לעד |
19 Sɔre! Ao Awurade, mma ɔdasani nni nkonim, bu amanaman no atɛn wɔ wʼanim.
| קומה יהוה אל-יעז אנוש ישפטו גוים על-פניך |
20 Hunahuna wɔn, Ao Awurade; na ma wɔnhunu sɛ, wɔyɛ adasamma.
| שיתה יהוה מורה--להם ידעו גוים--אנוש המה סלה |
