Nnwom 109
1 Dawid dwom. Ao Onyankopɔn a mekamfo woɔ, mmua wʼano,
| למנצח לדוד מזמור אלהי תהלתי אל-תחרש |
2 na amumuyɛfoɔ ne nkontompofoɔ atu wɔn ano agu me so; wɔde atorɔ tɛkrɛma akasa atia me.
| כי פי רשע ופי-מרמה--עלי פתחו דברו אתי לשון שקר |
3 Wɔde nitansɛm atwa me ho ahyia na wɔto hyɛ me so a menkaa wɔn.
| ודברי שנאה סבבוני וילחמוני חנם |
4 Wɔka nsɛm to me so de tua me nnamfoyɛ so ka, nanso meyɛ obi a ɔpɛ mpaeɛbɔ.
| תחת-אהבתי ישטנוני ואני תפלה |
5 Wɔde bɔne tua me papayɛ so ka, na wɔde ɔtan tua me nnamfoyɛ so ka.
| וישימו עלי רעה תחת טובה ושנאה תחת אהבתי |
6 Ma onipa bɔne bi nsɔre ntia no; na Satan nnyina ne nsa nifa so.
| הפקד עליו רשע ושטן יעמד על-ימינו |
7 Wɔdi nʼasɛm a, ma ɔnni fɔ, na ne mpaeɛbɔ mmu no kumfɔ.
| בהשפטו יצא רשע ותפלתו תהיה לחטאה |
8 Ma ne nkwa nna nyɛ kakraa bi; na ɔfoforɔ nsi nʼanan mu sɛ ɔkandifoɔ.
| יהיו-ימיו מעטים פקדתו יקח אחר |
9 Ma ne mma nyɛ nwisiaa na ne yere nyɛ okunafoɔ.
| יהיו-בניו יתומים ואשתו אלמנה |
10 Ma ne mma nkyinkyini nsrɛsrɛ adeɛ; ma wɔmpam wɔn mfiri wɔn afie a abubuo no mu.
| ונוע ינועו בניו ושאלו ודרשו מחרבותיהם |
11 Ma ɔdefirifoɔ bi mfa deɛ ɔwɔ nyinaa; na amanfrafoɔ mfom nʼadwuma so aba.
| ינקש נושה לכל-אשר-לו ויבזו זרים יגיעו |
12 Mma obiara nhunu no mmɔbɔ Mma obiara nhunu ne nwisiaa nso mmɔbɔ.
| אל-יהי-לו משך חסד ואל-יהי חונן ליתומיו |
13 Ma nʼase nhye, na wɔn din nyera wɔ awoɔ ntoatoasoɔ a ɛreba no mu.
| יהי-אחריתו להכרית בדור אחר ימח שמם |
14 Ma wɔnkae nʼagyanom nnebɔne wɔ Awurade anim; na ne maame bɔne no ntena hɔ daa.
| יזכר עון אבתיו--אל-יהוה וחטאת אמו אל-תמח |
15 Wɔn bɔne nyinaa nka Awurade anim, na wɔankae wɔn bio wɔ asase so.
| יהיו נגד-יהוה תמיד ויכרת מארץ זכרם |
16 Ɛfiri sɛ wannwene da sɛ ɔbɛyɛ adɔeɛ, na mmom ɔtaa ahiafoɔ mmɔborɔfoɔ ne wɔn a wɔn werɛ ahoɔ de kɔɔ owuo mu.
| יען-- אשר לא זכר עשות חסד וירדף איש-עני ואביון--ונכאה לבב למותת |
17 Nʼani gyee sɛ ɔbɛdome enti nnome mmra ne so; wampɛ sɛ ɔbɛhyira enti nhyira mmɔ no.
| ויאהב קללה ותבואהו ולא-חפץ בברכה ותרחק ממנו |
18 Ɔhyɛɛ nnome sɛ atadeɛ; ɛnonom kɔɔ ne onipadua mu sɛ nsuo, ne ne nnompe mu sɛ ngo.
| וילבש קללה כמדו ותבא כמים בקרבו וכשמן בעצמותיו |
19 Ma ɛnyɛ sɛ atadeɛ a ɛkyekyere ne ho, ne abɔsoɔ a ɛbɔ no daa.
| תהי-לו כבגד יעטה ולמזח תמיד יחגרה |
20 Ma yei nyɛ Awurade akatua a ɔde ma me kwaadubɔfoɔ, wɔn a wɔka nsɛmmɔne fa me ho no.
| זאת פעלת שטני מאת יהוה והדברים רע על-נפשי |
21 Nanso, wo Ao Asafo Awurade, wo din enti, wo ne me nni no yie; firi wʼadɔeɛ mu gye me.
| ואתה יהוה אדני-- עשה-אתי למען שמך כי-טוב חסדך הצילני |
22 Ɛfiri sɛ meyɛ ohiani ne deɛ onnibie, na mʼakoma atɔ baha wɔ me mu.
| כי-עני ואביון אנכי ולבי חלל בקרבי |
23 Metwam sɛ anwummerɛ sunsumma; wɔwoso me kyene sɛ ntutummɛ.
| כצל-כנטותו נהלכתי ננערתי כארבה |
24 Abuadadie ama me kotodwe mu agogo; mafɔn na ama aka me nnompe.
| ברכי כשלו מצום ובשרי כחש משמן |
25 Mayɛ aseredeɛ ama wɔn a wɔbɔ me soboɔ; sɛ wohunu me a, wɔwoso wɔn ti.
| ואני הייתי חרפה להם יראוני יניעון ראשם |
26 Boa me, Ao Awurade me Onyankopɔn; gye me sɛdeɛ wʼadɔeɛ teɛ.
| עזרני יהוה אלהי הושיעני כחסדך |
27 Ma wɔnhunu sɛ ɛyɛ wo nsa, na wo na woayɛ, Ao Awurade.
| וידעו כי-ידך זאת אתה יהוה עשיתה |
28 Wɔbɛdome, nanso wobɛhyira; sɛ wɔto hyɛ me so a, wɔn anim bɛgu ase, nanso wo ɔsomfoɔ ani bɛgye.
| יקללו-המה ואתה תברך קמו ויבשו--ועבדך ישמח |
29 Animguaseɛ bɛdura mʼatamfoɔ ho; na akyekyere wɔn ho sɛ atadeɛ.
| ילבשו שוטני כלמה ויעטו כמעיל בשתם |
30 Mede mʼano bɛma Awurade so ayɛ no kɛseɛ; mɛkamfo no wɔ nnipadɔm mu.
| אודה יהוה מאד בפי ובתוך רבים אהללנו |
31 Ɛfiri sɛ, ɔgyina onnibie nsa nifa so sɛ ɔbɛgye no nkwa afiri wɔn a wɔbu no kumfɔ nsam.
| כי-יעמד לימין אביון-- להושיע משפטי נפשו |
