Mmebusɛm 16
1 Koma mu nhyehyɛe yɛ onipa de, na tɛkrɛma mmuae fi Awurade.
| לאדם מערכי לב ומיהוה מענה לשון׃ |
2 Ɛyɛ onipa sɛ nʼakwan nyinaa yɛ kronkron, nanso Awurade na ɔpɛɛpɛɛ adwene mu.
| כל דרכי איש זך בעיניו ותכן רוחות יהוה׃ |
3 Fa nea woyɛ nyinaa hyɛ Awurade nsam, na wo nhyehyɛe besi yiye.
| גל אל יהוה מעשיך ויכנו מחשבתיך׃ |
4 Awurade yɛ biribiara ma nʼankasa botae, mpo, ɔhwɛ omumɔyɛfo so kosi amanehunu da.
| כל פעל יהוה למענהו וגם רשע ליום רעה׃ |
5 Awurade kyi koma mu ahantanfo nyinaa. Nya saa ntease yi sɛ, wɔremfa wɔn ho nni.
| תועבת יהוה כל גבה לב יד ליד לא ינקה׃ |
6 Wɔnam ɔdɔ ne nokware so pata bɔne; onipa nam Awurade suro so yi bɔne akwa.
| בחסד ואמת יכפר עון וביראת יהוה סור מרע׃ |
7 Sɛ onipa akwan sɔ Awurade ani a, ɔma nʼatamfo mpo ne no tena asomdwoe mu.
| ברצות יהוה דרכי איש גם אויביו ישלם אתו׃ |
8 Kakraa bi a wɔnam trenee kwan so nya no ye sen mfaso pii a wɔnam ntɛnkyew so nya.
| טוב מעט בצדקה מרב תבואות בלא משפט׃ |
9 Onipa yɛ ne nhyehyɛe wɔ ne koma mu, nanso Awurade na ɔhwɛ nʼanammɔntu.
| לב אדם יחשב דרכו ויהוה יכין צעדו׃ |
10 Ɔhene anom kasa te sɛ nkɔmhyɛ, enti ɛnsɛ sɛ nʼano ka nea ɛnyɛ atɛntrenee.
| קסם על שפתי מלך במשפט לא ימעל פיו׃ |
11 Nsania ne abrammo a asisi nni mu fi Awurade; nkaribo a ɛwɔ kotoku mu no, ɔno na ɔyɛe.
| פלס ומאזני משפט ליהוה מעשהו כל אבני כיס׃ |
12 Ahemfo kyi bɔneyɛ, efisɛ ahengua si trenee so.
| תועבת מלכים עשות רשע כי בצדקה יכון כסא׃ |
13 Ahemfo ani sɔ ano a ɛka nokware; na wobu onipa a ɔka nokware.
| רצון מלכים שפתי צדק ודבר ישרים יאהב׃ |
14 Ɔhene abufuwhyew yɛ owu somafo, nanso onyansafo bedwudwo ano.
| חמת מלך מלאכי מות ואיש חכם יכפרנה׃ |
15 Sɛ ɔhene anim tew a, ɛyɛ nkwa, nʼadom te sɛ asusowbere mu omununkum.
| באור פני מלך חיים ורצונו כעב מלקוש׃ |
16 Eye sɛ wubenya nyansa sen sɛ wubenya sikakɔkɔɔ, sɛ wubenya nhumu sen sɛ wubenya dwetɛ!
| קנה חכמה מה טוב מחרוץ וקנות בינה נבחר מכסף׃ |
17 Ɔtreneeni tempɔn kwati bɔne; nea ɔhwɛ nʼakwan yiye no bɔ ne nkwa ho ban.
| מסלת ישרים סור מרע שמר נפשו נצר דרכו׃ |
18 Ahantan di ɔsɛe anim, na ahomaso honhom nso di asehwe anim.
| לפני שבר גאון ולפני כשלון גבה רוח׃ |
19 Eye sɛ wobɛyɛ honhom mu hiani wɔ wɔn a wɔhyɛ wɔn so mu sen sɛ wo ne ahantanfo bɛkyɛ asade.
| טוב שפל רוח את עניים מחלק שלל את גאים׃ |
20 Nea ɔyɛ osetie ma nkyerɛkyerɛ no nya nkɔso; nhyira nka nea ɔde ne ho to Awurade so.
| משכיל על דבר ימצא טוב ובוטח ביהוה אשריו׃ |
21 Wɔfrɛ koma mu anyansafo se nhumufo, na kasa pa ma nkyerɛkyerɛ kɔ so.
| לחכם לב יקרא נבון ומתק שפתים יסיף לקח׃ |
22 Ntease yɛ nkwa asuti ma wɔn a wɔwɔ bi, nanso agyimisɛm de asotwe brɛ nkwaseafo.
| מקור חיים שכל בעליו ומוסר אולים אולת׃ |
23 Onyansafo koma kyerɛ nʼano kwan, na nʼanofafa ma nkyerɛkyerɛ kɔ so.
| לב חכם ישכיל פיהו ועל שפתיו יסיף לקח׃ |
24 Abodwosɛm te sɛ ɛwokyɛm; ɛyɛ ɔkra dɛ, na ɛsa nnompe yare.
| צוף דבש אמרי נעם מתוק לנפש ומרפא לעצם׃ |
25 Ɔkwan bi wɔ hɔ a ɛteɛ wɔ onipa ani so, nanso awiei no, ɛkɔ owu mu.
| יש דרך ישר לפני איש ואחריתה דרכי מות׃ |
26 Apaafo akɔnnɔ ma wɔyɛ adwumaden; efisɛ wɔpɛ sɛ wokum wɔn kɔm.
| נפש עמל עמלה לו כי אכף עליו פיהו׃ |
27 Ohuhuni bɔ pɔw bɔne, ne kasa te sɛ ogya a ɛhyew ade.
| איש בליעל כרה רעה ועל שפתיו כאש צרבת׃ |
28 Onipa kɔntɔnkye de mpaapaemu ba, na ɔsututufo tetew nnamfonom ntam.
| איש תהפכות ישלח מדון ונרגן מפריד אלוף׃ |
29 Kitikitiyɛni daadaa ne yɔnko, na ɔde no fa ɔkwammɔne so.
| איש חמס יפתה רעהו והוליכו בדרך לא טוב׃ |
30 Nea obu nʼani no redwene bɔneyɛ ho; na nea omua nʼano no ani wɔ bɔne so.
| עצה עיניו לחשב תהפכות קרץ שפתיו כלה רעה׃ |
31 Dwen yɛ anuonyam abotiri; trenee mu asetena na ɛde ba.
| עטרת תפארת שיבה בדרך צדקה תמצא׃ |
32 Nea ɔwɔ abodwokyɛre no ye sen ɔkofo, na nea ɔmfa abufuw ye sen nea ɔko fa kuropɔn.
| טוב ארך אפים מגבור ומשל ברוחו מלכד עיר׃ |
33 Wɔbɔ ntonto de hwehwɛ nea Awurade pɛ, nanso ne gyinaesi biara fi Awurade.
| בחיק יוטל את הגורל ומיהוה כל משפטו׃ |
