Hiob 20
1 Na Naamani Sofar buae se,
| ויען צפר הנעמתי ויאמר׃ |
2 Me tirim mu ntew me, na ɛhyɛ me sɛ mimmua efisɛ me ho yeraw me yiye.
| לכן שעפי ישיבוני ובעבור חושי בי׃ |
3 Mate animka bi a egu me ho fi, na ntease a minya no hyɛ me sɛ mimmua.
| מוסר כלמתי אשמע ורוח מבינתי יענני׃ |
4 “Ampa ara wunim sɛnea nneɛma te fi tete, efi bere a wɔde nnipa duaa asase so no,
| הזאת ידעת מני עד מני שים אדם עלי ארץ׃ |
5 sɛ amumɔyɛfo ani gye bere tiaa bi mu, na wɔn a wonsuro nyame nso anigye nkyɛ.
| כי רננת רשעים מקרוב ושמחת חנף עדי רגע׃ |
6 Ɛwɔ mu sɛ nʼahohoahoa kodu ɔsoro, na ne ti kɔpem omununkum koraa a,
| אם יעלה לשמים שיאו וראשו לעב יגיע׃ |
7 ɔbɛyera afebɔɔ te sɛ nʼankasa nʼagyanan; na wɔn a wohuu no no bebisa se, ‘Ɔwɔ he?’
| כגללו לנצח יאבד ראיו יאמרו איו׃ |
8 Otu kɔ te sɛ ɔdae, na wɔrenhu no bio, wɔn werɛ fi te sɛ anadwo mu anisoadehu.
| כחלום יעוף ולא ימצאוהו וידד כחזיון לילה׃ |
9 Ani a ehuu no no renhu no bio; na ne sibea nso renhu no bio.
| עין שזפתו ולא תוסיף ולא עוד תשורנו מקומו׃ |
10 Ne mma bɛpata ahiafo; ɛsɛ sɛ nʼankasa de nʼahonya san ma.
| בניו ירצו דלים וידיו תשבנה אונו׃ |
11 Ne mmerantebere mu ahoɔden a ahyɛ ne nnompe ma no ne no bɛkɔ mfutuma mu.
| עצמותיו מלאו עלומו ועמו על עפר תשכב׃ |
12 “Ɛwɔ mu sɛ bɔne yɛ nʼanom dɛ na ɔde sie ne tɛkrɛma ase,
| אם תמתיק בפיו רעה יכחידנה תחת לשונו׃ |
13 ɛwɔ mu sɛ ontumi nnyaa mu na ɔma ɛka ne dudom,
| יחמל עליה ולא יעזבנה וימנענה בתוך חכו׃ |
14 nanso, nʼaduan bɛyɛ nwen wɔ ne yafunu mu; ɛbɛyɛ ɔwɔ ano bɔre wɔ ne mu.
| לחמו במעיו נהפך מרורת פתנים בקרבו׃ |
15 Ɔbɛfe ahonyade a ɔmenee no; Onyankopɔn bɛma ne yafunu apuw agu.
| חיל בלע ויקאנו מבטנו יורשנו אל׃ |
16 Ɔbɛfefe awɔ bɔre; Ɔnanka se bekum no.
| ראש פתנים יינק תהרגהו לשון אפעה׃ |
17 Ɔrennya nsuwansuwa no nnom nsubɔnten a nufusu ne ɛwo sen wɔ mu no.
| אל ירא בפלגות נהרי נחלי דבש וחמאה׃ |
18 Ɔbɛdan nea ɔbrɛ nyae no aba a ɔrenni bi; ɔremfa nʼaguadi mu mfaso nnye nʼani.
| משיב יגע ולא יבלע כחיל תמורתו ולא יעלס׃ |
19 Efisɛ ɔhyɛɛ ahiafo so ma wodii ohia buruburoo; ɔde ne nsa ato afi a ɛnyɛ ɔno na osii so.
| כי רצץ עזב דלים בית גזל ולא יבנהו׃ |
20 “Ampa ara ɔrennya ahomegye mfi nea wapere anya no mu; ɔrentumi mfa nʼademude nnye ne ho nkwa.
| כי לא ידע שלו בבטנו בחמודו לא ימלט׃ |
21 Wafom nneɛma nyinaa awie; ne nkɔso nnu baabiara.
| אין שריד לאכלו על כן לא יחיל טובו׃ |
22 Nʼadedodow nyinaa mu no, ɔbɛkɔ ɔhaw mu; na amanehunu a emu yɛ den bɛto no.
| במלאות שפקו יצר לו כל יד עמל תבואנו׃ |
23 Bere a nʼafuru ayɛ ma no, Onyankopɔn bɛtɔ nʼabufuw gya agu ne so na wabobɔ no basabasa.
| יהי למלא בטנו ישלח בו חרון אפו וימטר עלימו בלחומו׃ |
24 Ɛwɔ mu sɛ oguan fi dade akode ano nanso bɛmma a ano yɛ kɔbere mfrafrae bɛwɔ no.
| יברח מנשק ברזל תחלפהו קשת נחושה׃ |
25 Ɔtwe bɛmma no fi nʼakyi, ano hyɛnhyɛn no fi ne brɛbo mu. Ehu bɛba ne so;
| שלף ויצא מגוה וברק ממררתו יהלך עליו אמים׃ |
26 sum kabii retwɛn nʼademude. Ogya a ɛnnɛw mu bɛhyew no, na asɛe nea aka wɔ ne ntamadan mu.
| כל חשך טמון לצפוניו תאכלהו אש לא נפח ירע שריד באהלו׃ |
27 Ɔsoro bɛda nʼafɔdi adi, na asase asɔre atia no.
| יגלו שמים עונו וארץ מתקוממה לו׃ |
28 Nsuyiri bɛtwe ne fi akɔ, saa ara na asuworo bɛyɛ Onyankopɔn abufuwhyew da no.
| יגל יבול ביתו נגרות ביום אפו׃ |
29 Eyi ne nkrabea a Onyankopɔn de ma amumɔyɛfo, agyapade a Onyankopɔn de ato hɔ ama wɔn ne no.”
| זה חלק אדם רשע מאלהים ונחלת אמרו מאל׃ |
