Saame 33
1 Fiefia ʻia Sihova, ʻakimoutolu ʻoku māʻoniʻoni: he ʻoku taau mo e angatonu ʻae fakafetaʻi.
| רננו צדיקים ביהוה לישרים נאוה תהלה׃ |
2 Fakafetaʻi kia Sihova ʻaki ʻae haʻape: hiva kiate ia ʻaki ʻae saliteli ʻoku filo ʻe hongofulu.
| הודו ליהוה בכנור בנבל עשור זמרו לו׃ |
3 Hiva kiate ia ʻi he hiva foʻou; tā ke mālie mo leʻo lahi.
| שירו לו שיר חדש היטיבו נגן בתרועה׃ |
4 He ko e folofola ʻa Sihova ʻoku totonu; pea ʻoku fai ʻene ngaahi ngāue kotoa pē ʻi he moʻoni.
| כי ישר דבר יהוה וכל מעשהו באמונה׃ |
5 ʻOku ʻofa ia ki he māʻoniʻoni mo e fakamaau: ʻoku fonu ʻa māmani ʻi he ʻaloʻofa ʻa Sihova.
| אהב צדקה ומשפט חסד יהוה מלאה הארץ׃ |
6 Naʻe ngaohi ʻe he folofola ʻa Sihova ʻae ngaahi langi; mo honau nāunau kotoa pē ʻe he mānava ʻo hono fofonga.
| בדבר יהוה שמים נעשו וברוח פיו כל צבאם׃ |
7 ʻOku ne tānaki fakataha ʻae vai ʻoe tahi ʻo hangē ko e tafungofunga: ʻoku ne faʻoaki ʻae moana ʻi he ngaahi feleoko.
| כנס כנד מי הים נתן באצרות תהומות׃ |
8 Ke manavahē ʻa māmani kotoa pē kia Sihova: ke maluʻia ʻae kakai kotoa pē ʻo māmani kiate ia.
| ייראו מיהוה כל הארץ ממנו יגורו כל ישבי תבל׃ |
9 He naʻe folofola ia, pea hoko leva; naʻa ne fekau, pea tuʻumaʻu ia.
| כי הוא אמר ויהי הוא צוה ויעמד׃ |
10 ʻOku ikuʻi ʻe Sihova ʻae fakakaukau ʻae hiteni: ʻoku ne fakataʻeʻaongaʻi ʻae ngaahi tuʻutuʻuni ʻae kakai.
| יהוה הפיר עצת גוים הניא מחשבות עמים׃ |
11 Ko e akonaki ʻa Sihova ʻoku tuʻumaʻu ʻo taʻengata, mo e ngaahi mahalo ʻo hono finangalo ki he toʻutangata kotoa pē.
| עצת יהוה לעולם תעמד מחשבות לבו לדר ודר׃ |
12 ʻOku monūʻia ʻae puleʻanga ko ia ʻoku ʻOtua ʻaki ʻa Sihova; pea mo e kakai kuo ne fili ko e tofiʻa ʻoʻona.
| אשרי הגוי אשר יהוה אלהיו העם בחר לנחלה לו׃ |
13 ʻOku ʻafio ʻa Sihova mei he langi; ʻoku ne vakai ki he ngaahi foha ʻoe tangata.
| משמים הביט יהוה ראה את כל בני האדם׃ |
14 Mei he potu ʻo hono ʻafioʻanga ʻoku ne ʻafioʻi ʻae kakai kotoa pē ʻo māmani.
| ממכון שבתו השגיח אל כל ישבי הארץ׃ |
15 ʻOku ne ngaohi honau loto kotoa pē; ʻoku ne tokanga ki heʻenau ngāue kotoa pē.
| היצר יחד לבם המבין אל כל מעשיהם׃ |
16 ʻOku ʻikai ha tuʻi ʻoku moʻui ʻi he fuʻu tokolahi ʻoe kautau: pea ʻoku ʻikai haohaofaki ʻae tangata mālohi ʻe he mālohi lahi.
| אין המלך נושע ברב חיל גבור לא ינצל ברב כח׃ |
17 Ko e meʻa vaʻinga ʻae hoosi ki he fakamoʻui: pea ʻe ʻikai te ne fakamoʻui ha tokotaha ʻi heʻene mālohi lahi.
| שקר הסוס לתשועה וברב חילו לא ימלט׃ |
18 Vakai, ko e fofonga ʻo Sihova ʻoku ʻiate kinautolu ʻoku manavahē kiate ia, ʻio, kiate kinautolu ʻoku manavahē lelei ki heʻene ʻaloʻofa;
| הנה עין יהוה אל יראיו למיחלים לחסדו׃ |
19 Ke fakahaofi honau laumālie mei he mate, pea ke fakamoʻui ʻakinautolu ʻi he honge.
| להציל ממות נפשם ולחיותם ברעב׃ |
20 ʻOku tatali hotau laumālie kia Sihova: ko hotau tokoni ia mo hotau fakaū.
| נפשנו חכתה ליהוה עזרנו ומגננו הוא׃ |
21 Koeʻuhi ʻe fiefia hotau loto ʻiate ia, he ʻoku tau falala ki hono huafa māʻoniʻoni.
| כי בו ישמח לבנו כי בשם קדשו בטחנו׃ |
22 ʻE Sihova, ke ʻiate kimautolu ʻa hoʻo ʻaloʻofa, ʻo hangē ko ʻemau ʻamanaki lelei kiate koe.
| יהי חסדך יהוה עלינו כאשר יחלנו לך׃ |
