Mga Awit 146

1 Purihin ninyo ang Panginoon. Purihin mo ang Panginoon, Oh kaluluwa ko.

הללו-יה הללי נפשי את-יהוה

2 Samantalang ako'y nabubuhay ay pupurihin ko ang Panginoon: ako'y aawit ng mga pagpuri sa aking Dios, samantalang ako'y may buhay.

אהללה יהוה בחיי אזמרה לאלהי בעודי

3 Huwag ninyong ilagak ang inyong tiwala sa mga pangulo, ni sa anak man ng tao, na walang pagsaklolo.

אל-תבטחו בנדיבים-- בבן-אדם שאין לו תשועה

4 Ang hininga niya ay pumapanaw, siya'y nanunumbalik sa kaniyang pagkalupa; sa araw ding yaon ay mawawala ang kaniyang pagiisip.

תצא רוחו ישב לאדמתו ביום ההוא אבדו עשתנתיו

5 Maginhawa ang may pinaka saklolo sa Dios ni Jacob, na ang pagasa ay nasa Panginoon niyang Dios:

אשרי--שאל יעקב בעזרו שברו על-יהוה אלהיו

6 Na gumawa ng langit at lupa, ng dagat, at ng lahat na nandoon; na nagiingat ng katotohanan magpakailan man:

עשה שמים וארץ-- את-הים ואת-כל-אשר-בם השמר אמת לעולם

7 Na nagsasagawa ng kahatulan sa napipighati; na nagbibigay ng pagkain sa gutom: pinawawalan ng Panginoon ang mga bilanggo;

עשה משפט לעשוקים--נתן לחם לרעבים יהוה מתיר אסורים

8 Idinidilat ng Panginoon ang mga mata ng bulag; ibinabangon ng Panginoon ang mga nasusubasob; iniibig ng Panginoon ang matuwid;

יהוה פקח עורים--יהוה זקף כפופים יהוה אהב צדיקים

9 Iniingatan ng Panginoon ang mga taga ibang lupa; kaniyang inaalalayan ang ulila at babaing bao; nguni't ang lakad ng masama ay kaniyang ibinabaligtad.

יהוה שמר את-גרים--יתום ואלמנה יעודד ודרך רשעים יעות

10 Maghahari ang Panginoon magpakailan man. Ang iyong Dios, Oh Sion, sa lahat ng sali't saling lahi. Purihin ninyo ang Panginoon.

ימלך יהוה לעולם-- אלהיך ציון לדר ודר הללו-יה