Zaburi 128

1 Wimbo wa kwenda juu. Heri ni wale wote wamchao Bwana, waendao katika njia zake.

Amebarikiwa kila mtu amchaye Yahwe, atembeaye katika njia zake.

2 Utakula matunda ya kazi yako; baraka na mafanikio vitakuwa vyako.

Kazi ya mikono yako, wewe utaifurahia; utabarikiwa na kufanikiwa.

3 Mke wako atakuwa kama mzabibu uzaao ndani ya nyumba yako; wana wako watakuwa kama machipukizi ya mizeituni kuizunguka meza yako.

Mke wako atakuwa kama mzabibu uzaao katika nyumba yako; wanao watakuwa kama miche ya mimea ya mizeituni wakaapo kuzunguka meza yako.

4 Hivyo ndivyo atakavyobarikiwa mtu amchaye Bwana.

Ndiyo, hakika, mtu anaye muheshimu Yahwe atabarikiwa.

5 Bwana na akubariki kutoka Sayuni siku zote za maisha yako, na uone mafanikio ya Yerusalemu,

Mungu na akubariki toka Sayuni; na uweze kuona mafanikio ya Yerusalemu siku zote za maisha yako.

6 nawe ujaliwe kuishi uone watoto wa watoto wako. Amani iwe juu ya Israeli.

Uishi uwaone wana wa wanao. Amani iwe na Israli.