Zaburi 124

1 Wimbo wa kwenda juu. Wa Daudi. Kama Bwana asingalikuwa upande wetu; Israeli na aseme sasa:

“Kama Yahwe asingekuwa upande wetu,” Israeli na aseme sasa,

2 kama Bwana asingalikuwa upande wetu, wakati watu walipotushambulia,

“Kama asingekuwa Yahwe ambaye alikuwa upande wetu wakati watu walipoinuka dhidi yetu,

3 wakati hasira yao ilipowaka dhidi yetu, wangalitumeza tungali hai,

basi wangekuwa wametumeza tungali hai hasira yao lipozidi dhidi yetu.

4 mafuriko yangalitugharikisha, maji mengi yangalitufunika,

Maji yangetugharikisha; mto ungetuzidia.

5 maji yaendayo kasi yangalituchukua.

Kisha maji yafurikayo yangetuzamisha.”

6 Bwana asifiwe, yeye ambaye hakuruhusu turaruliwe kwa meno yao.

Atukuzwe Yahwe, ambaye hajaruhusu tuwe mawindo kwa meno yao.

7 Tumeponyoka kama ndege kutoka mtego wa mwindaji; mtego umevunjika, nasi tukaokoka.

Tumetoroka kama ndege mtegoni mwa wawindaji; mtego umevunjika, nasi tumetoroka.

8 Msaada wetu ni katika jina la Bwana, Muumba wa mbingu na dunia.

Msaada wetu uko katika Yahwe, aliyeziumba mbingu na nchi.