Mapisarema 26

1 Pisarema raDhavhidhi. Nditongerei, imi Jehovha, nokuti ndakararama upenyu husina chahungapomerwa; ndakavimba naJehovha ndisingazungunuki.

לדוד שפטני יהוה-- כי-אני בתמי הלכתי וביהוה בטחתי לא אמעד

2 Ndiedzei, imi Jehovha, ndinzverei, nzverai mwoyo wangu nendangariro dzangu;

בחנני יהוה ונסני צרופה (צרפה) כליותי ולבי

3 nokuti rudo rwenyu rwuri pamberi pangu nguva dzose, uye ndinogara ndichifamba muzvokwadi yenyu.

כי-חסדך לנגד עיני והתהלכתי באמתך

4 Handigari navanhu vanonyengera, kana kufambidzana navanyengeri;

לא-ישבתי עם-מתי-שוא ועם נעלמים לא אבוא

5 ndinovenga ungano yavaiti vezvakaipa, uye ndinoramba kugara navakaipa.

שנאתי קהל מרעים ועם-רשעים לא אשב

6 Ndinoshamba maoko angu ndisina mhaka, uye ndinofamba-famba paaritari yenyu, imi Jehovha,

ארחץ בנקיון כפי ואסבבה את-מזבחך יהוה

7 ndichiparidza rumbidzo yenyu nenzwi guru, uye ndichireva zvamabasa enyu ose anoshamisa.

לשמע בקול תודה ולספר כל-נפלאותיך

8 Ndinoda imba yamunogara, imi Jehovha, nzvimbo inogara kubwinya kwenyu.

יהוה--אהבתי מעון ביתך ומקום משכן כבודך

9 Regai kubatanidza mweya wangu navatadzi, noupenyu hwangu navanoteura ropa,

אל-תאסף עם-חטאים נפשי ועם-אנשי דמים חיי

10 vana maoko akabata zvakaipa, vazere nefufuro mumaoko avo orudyi.

אשר-בידיהם זמה וימינם מלאה שחד

11 Asi ini ndinogara upenyu husina chahungapomerwa; ndidzikinurei uye mundinzwire ngoni.

ואני בתמי אלך פדני וחנני

12 Tsoka dzangu dzimire pakati chechetere; ndicharumbidza Jehovha paungano huru.

רגלי עמדה במישור במקהלים אברך יהוה