Mapisarema 26

1 Pisarema raDhavhidhi. Nditongerei, imi Jehovha, nokuti ndakararama upenyu husina chahungapomerwa; ndakavimba naJehovha ndisingazungunuki.

Judge me, O LORD; for I have walked in my integrity: I have trusted also in the LORD; therefore I shall not slide.

2 Ndiedzei, imi Jehovha, ndinzverei, nzverai mwoyo wangu nendangariro dzangu;

Examine me, O LORD, and prove me; try my reins and my heart.

3 nokuti rudo rwenyu rwuri pamberi pangu nguva dzose, uye ndinogara ndichifamba muzvokwadi yenyu.

For your loving kindness is before my eyes: and I have walked in your truth.

4 Handigari navanhu vanonyengera, kana kufambidzana navanyengeri;

I have not sat with vain persons, neither will I go in with dissemblers.

5 ndinovenga ungano yavaiti vezvakaipa, uye ndinoramba kugara navakaipa.

I have hated the congregation of evil doers; and will not sit with the wicked.

6 Ndinoshamba maoko angu ndisina mhaka, uye ndinofamba-famba paaritari yenyu, imi Jehovha,

I will wash my hands in innocence: so will I compass your altar, O LORD:

7 ndichiparidza rumbidzo yenyu nenzwi guru, uye ndichireva zvamabasa enyu ose anoshamisa.

That I may publish with the voice of thanksgiving, and tell of all your wondrous works.

8 Ndinoda imba yamunogara, imi Jehovha, nzvimbo inogara kubwinya kwenyu.

LORD, I have loved the habitation of your house, and the place where your honor dwells.

9 Regai kubatanidza mweya wangu navatadzi, noupenyu hwangu navanoteura ropa,

Gather not my soul with sinners, nor my life with bloody men:

10 vana maoko akabata zvakaipa, vazere nefufuro mumaoko avo orudyi.

In whose hands is mischief, and their right hand is full of bribes.

11 Asi ini ndinogara upenyu husina chahungapomerwa; ndidzikinurei uye mundinzwire ngoni.

But as for me, I will walk in my integrity: redeem me, and be merciful to me.

12 Tsoka dzangu dzimire pakati chechetere; ndicharumbidza Jehovha paungano huru.

My foot stands in an even place: in the congregations will I bless the LORD.