Mapisarema 26

1 Pisarema raDhavhidhi. Nditongerei, imi Jehovha, nokuti ndakararama upenyu husina chahungapomerwa; ndakavimba naJehovha ndisingazungunuki.

A Psalm of David. Judge me, O LORD, for I have walked in mine integrity, and I have trusted in the LORD without wavering.

2 Ndiedzei, imi Jehovha, ndinzverei, nzverai mwoyo wangu nendangariro dzangu;

Examine me, O LORD, and try me; test my reins and my heart.

3 nokuti rudo rwenyu rwuri pamberi pangu nguva dzose, uye ndinogara ndichifamba muzvokwadi yenyu.

For Thy mercy is before mine eyes; and I have walked in Thy truth.

4 Handigari navanhu vanonyengera, kana kufambidzana navanyengeri;

I have not sat with men of falsehood; neither will I go in with dissemblers.

5 ndinovenga ungano yavaiti vezvakaipa, uye ndinoramba kugara navakaipa.

I hate the gathering of evil doers, and will not sit with the wicked.

6 Ndinoshamba maoko angu ndisina mhaka, uye ndinofamba-famba paaritari yenyu, imi Jehovha,

I will wash my hands in innocency; so will I compass Thine altar, O LORD,

7 ndichiparidza rumbidzo yenyu nenzwi guru, uye ndichireva zvamabasa enyu ose anoshamisa.

That I may make the voice of thanksgiving to be heard, and tell of all Thy wondrous works.

8 Ndinoda imba yamunogara, imi Jehovha, nzvimbo inogara kubwinya kwenyu.

LORD, I love the habitation of Thy house, and the place where Thy glory dwelleth.

9 Regai kubatanidza mweya wangu navatadzi, noupenyu hwangu navanoteura ropa,

Gather not my soul with sinners, nor my life with men of blood;

10 vana maoko akabata zvakaipa, vazere nefufuro mumaoko avo orudyi.

In whose hands is craftiness, and their right hand is full of bribes.

11 Asi ini ndinogara upenyu husina chahungapomerwa; ndidzikinurei uye mundinzwire ngoni.

But as for me, I will walk in mine integrity; redeem me, and be gracious unto me.

12 Tsoka dzangu dzimire pakati chechetere; ndicharumbidza Jehovha paungano huru.

My foot standeth in an even place; in the congregations will I bless the LORD.