Mapisarema 114

1 Israeri akati abuda muIjipiti, imba yaJakobho ichibva kurudzi runo mutauro wokumwe,

When Israel left Egypt, the house of Jacob from a people who spoke a foreign language,

2 Judha akava imba tsvene yaMwari, Israeri ushe hwake.

Judah became his holy place, Israel his kingdom.

3 Gungwa rakazviona rikatiza, Jorodhani rwakadzokera shure;

The sea looked and fled; the Jordan turned back.

4 makomo akakwakuka samakondobwe, zvikomo samakwayana.

The mountains skipped like rams, the hills skipped like lambs.

5 Haiwa gungwa, wakatizeiko, iwe Jorodhani zvawakadzokera shure,

Why did you flee, sea? Jordan, why did you turn back?

6 imi makomo zvamakakwakuka samakondobwe, nemi zvikomo, samakwayana?

Mountains, why did you skip like rams? You little hills, why did you skip like lambs?

7 Dedera, iwe nyika pamberi paShe, pamberi paMwari waJakobho,

Tremble, earth, before the Lord, at the presence of the God of Jacob.

8 akashandura dombo rikava dziva, dombo rakaoma rikava matsime emvura.

He turned the rock into a pool of water, the hard rock into a spring of water.