VaFiripi 1

1 Pauro naTimoti, varanda vaKristu Jesu, kuvatsvene vose muna Kristu Jesu vari paFiripi, pamwe chete navatariri navadhikoni vekereke:

Paul and Timotheus, the servants of Yahushua the Messiah, to all the saints in the Messiah Yahushua which are at Philippi, with the bishops and deacons:

2 Nyasha norugare zvinobva kuna Mwari Baba nokuna Ishe Jesu Kristu ngazvive kwamuri.

Favour be unto you, and peace, from YHWH our Father, and from the Master Yahushua the Messiah.

3 Ndinovonga Mwari wangu nguva dzose pandinokurangarirai.

I thank my Elohim upon every remembrance of you,

4 Muminyengetero yangu yose nokuda kwenyu mose, ndinogara ndichinyengetera nomufaro

Always in every prayer of mine for you all making request with joy,

5 nokuda kwokubata pamwe kwenyu muvhangeri kubvira pazuva rokutanga kusvikira zvino,

For your fellowship in the glad tidings from the first day until now;

6 ndichiziva izvi, kuti iye akatanga basa rakanaka mamuri acharipedzisa kusvikira pazuva raKristu Jesu.

Being confident of this very thing, that he which hath begun a good work in you will perform it until the day of Yahushua the Messiah:

7 Zvakanaka kwandiri kuti ndifunge saizvozvo pamusoro penyu mose, sezvo ndinemi mumwoyo; nokuti kunyange ndakasungwa nengetani kana kuti ndichidzivirira nokusimbisa vhangeri, imi mose munogovana neni munyasha dzaMwari.

Even as it is meet for me to think this of you all, because I have you in my heart; inasmuch as both in my bonds, and in the defence and confirmation of the glad tidings, ye all are partakers of my favour.

8 Mwari anogona kupupura kuti ndinokufungai sei imi mose norudo rwaKristu Jesu.

For YHWH is my record, how greatly I long after you all in the bowels of Yahushua the Messiah.

9 Uye uyu ndiwo munyengetero wangu: kuti rudo rwenyu ruwande uye muwanze kuziva nokunzwisisa,

And this I pray, that your love may abound yet more and more in knowledge and in all judgment;

10 kuitira kuti mugogona kunzwisisa kuti zvakaisvonaka ndezvipi uye muve vakachena uye mushayiwe chamungapomerwa kusvikira pazuva raKristu,

That ye may approve things that are excellent; that ye may be sincere and without offence till the day of the Messiah;

11 muzere nechibereko chokururama chinouya kubudikidza naJesu Kristu, kuti kubwinya nokurumbidzwa zvive kuna Mwari.

Being filled with the fruits of righteousness, which are by Yahushua the Messiah, unto the glory and praise of YHWH.

12 Zvino ndinoda kuti muzive, hama dzangu, kuti zvakaitika kwandiri zvakabatsira zvikuru kufambisa vhangeri.

But I would ye should understand, brethren, that the things which happened unto me have fallen out rather unto the furtherance of the glad tidings;

13 Nokuda kwaizvozvo, zvava pachena kuvarindi vomuzinda wamambo nokuna vose kuti ndiri mungetani nokuda kwaKristu.

So that my bonds in the Messiah are manifest in all the palace, and in all other places;

14 Nokuda kwengetani dzangu, hama zhinji muna She dzakakurudzirwa kuti vataure shoko raMwari vakashinga zvikuru uye vasingatyi.

And many of the brethren in the Master, waxing confident by my bonds, are much more bold to speak the word without fear.

15 Ichokwadi kuti vamwe vanoparidza Kristu negodo uye negakava, asi vamwe nenzira yakanaka.

Some indeed preach the Messiah even of envy and strife; and some also of good will:

16 Vamwe vanoita izvozvo murudo, vachiziva kuti ndakaiswa muno nokuda kwokudzivirira vhangeri.

The one preach the Messiah of contention, not sincerely, supposing to add affliction to my bonds:

17 Vamwe vaiparidza Kristu nomwoyo woruchiva, vasina kutendeka, vachifungidzira kuti vangandimutsira dambudziko ndichiri mungetani.

But the other of love, knowing that I am set for the defence of the glad tidings.

18 Asi zvisinei hazvo, chinhu chinokosha ndechokuti munzira dzose, dzingava ndangariro dzenhema kana dzechokwadi, Kristu ari kuparidzwa hake. Uye nokuda kwaizvozvi ndinofara. Hongu, uye ndicharamba ndichifara,

What then? notwithstanding, every way, whether in pretence, or in truth, the Messiah is preached; and I therein do rejoice, yea, and will rejoice.

19 nokuti ndinoziva kuti kubudikidza neminyengetero yenyu uye norubatsiro runopiwa noMweya waJesu Kristu, zvakaitika kwandiri zvichashanduka zvikava kusunungurwa kwangu.

For I know that this shall turn to my salvation through your prayer, and the supply of the Spirit of Yahushua the Messiah,

20 Ndinoshuva zvikuru nokutarira kuti handingazonyadziswi, asi ndichava nokushinga kwakakwana kuitira kuti zvino senguva dzose Kristu achakudzwa mumuviri wangu, muupenyu kana murufu.

According to my earnest expectation and my hope, that in nothing I shall be ashamed, but that with all boldness, as always, so now also the Messiah shall be magnified in my body, whether it be by life, or by death.

21 Nokuti kwandiri, kurarama ndiKristu uye kufa kupfuma.

For to me to live is the Messiah, and to die is gain.

22 Kana ndikaramba ndichirarama mumuviri, izvi zvichareva kubata kune zvibereko kwandiri. Asi ndichasarudzeiko? Handizivi!

But if I live in the flesh, this is the fruit of my labour: yet what I shall choose I wot not.

23 Ndiri pakati pezvinhu zviviri zvinoti: Ndinoda kuenda kuti ndive naKristu, zvinova ndizvo zviri nani nokupfuuridza;

For I am in a strait betwixt two, having a desire to depart, and to be with the Messiah; which is far better:

24 asi zvinokoshawo zvikuru kwamuri kuti ndirambe ndiri mumuviri uyu.

Nevertheless to abide in the flesh is more needful for you.

25 Ndichitenda chinhu ichi, ndinoziva kuti ndichagara, uye ndicharamba ndinemi mose kuti mupfuurire mberi uye mufare mukutenda kwenyu,

And having this confidence, I know that I shall abide and continue with you all for your furtherance and joy of faith;

26 kuitira kuti ndichinge ndadzoka kwamuri zvakare, mufaro wenyu muna Kristu Jesu ugozadziswa nokuda kwangu.

That your rejoicing may be more abundant in Yahushua the Messiah for me by my coming to you again.

27 Zvisinei kuti chii chaitika kwandiri, murambe muchifamba nenzira yakafanira vhangeri raKristu. Ipapo, kunyange ndikauya kuzokuonai kana kunzwa nezvenyu ndisipo hangu, ndichaziva kuti mumire nesimba mumweya mumwe, muchirwa somunhu mumwe nokuda kwokutenda kwevhangeri,

Only let your conversation be as it becometh the evangel of the Messiah: that whether I come and see you, or else be absent, I may hear of your affairs, that ye stand fast in one spirit, with one mind striving together for the faith of the glad tidings;

28 musingatyiswi nenzira ipi zvayo neavo vanopikisana nemi. Ichi ndicho chiratidzo kwavari kuti vachaparadzwa, uye kuti imi muchaponeswa naMwari.

And in nothing terrified by your adversaries: which is to them an evident token of perdition, but to you of salvation, and that of Elohim.

29 Nokuti makapiwa imi, nokuda kwaKristu, kuti musangotenda kwaari bedzi, asi kuti mutambudzike nokuda kwake,

For unto you it is given in the behalf of the Messiah, not only to believe on him, but also to suffer for his sake;

30 sezvo muri mukurwa kumwe chete uku kwamakandiona ndinako, uye kwamunoziva zvino kuti ndichinako.

Having the same conflict which ye saw in me, and now hear to be in me.