Jobho 28
1 “Mugodhi wesirivha uripo, nenzvimbo inonatswa goridhe.
| כי יש לכסף מוצא ומקום לזהב יזקו׃ |
2 Simbi inocherwa pasi, uye ndarira inonyautswa ichibva pamhangura.
| ברזל מעפר יקח ואבן יצוק נחושה׃ |
3 Munhu anoita kuti rima ripere; anotsvakisisa kusvikira kumucheto chaiko, mhangura iri murima rakasviba kwazvo.
| קץ שם לחשך ולכל תכלית הוא חוקר אבן אפל וצלמות׃ |
4 Anovhura mugodhi kure nokunogara vanhu, kunzvimbo dzakakanganikwa norutsoka rwomunhu; kure navanhu anorezuka ndokuzeya uku nokuku.
| פרץ נחל מעם גר הנשכחים מני רגל דלו מאנוש נעו׃ |
5 Iyo nyika, zvokudya zvichibva mairi, inoshandurwa nechapasi seinoshandurwa nemoto,
| ארץ ממנה יצא לחם ותחתיה נהפך כמו אש׃ |
6 safire inobva mumatombo ayo, uye guruva rayo rine upfu hwegoridhe,
| מקום ספיר אבניה ועפרת זהב לו׃ |
7 Hakuna gondo rinoziva nzira iyo yakavanzika, hakuna ziso rorukodzi rakaiona.
| נתיב לא ידעו עיט ולא שזפתו עין איה׃ |
8 Mhuka dzinozvikudza hadziisi rutsokapo, uye hakuna shumba inofambapo.
| לא הדריכהו בני שחץ לא עדה עליו שחל׃ |
9 Ruoko rwomunhu runorova dombo romusarasara uye ronoisa midzi yamakomo pachena.
| בחלמיש שלח ידו הפך משרש הרים׃ |
10 Anochera mugero nomumatombo; meso ake anoona pfuma yawo yose.
| בצורות יארים בקע וכל יקר ראתה עינו׃ |
11 Anotsvakisisa panotangira nzizi uye anobudisa zvinhu zvakavanzika pachena.
| מבכי נהרות חבש ותעלמה יצא אור׃ |
12 “Asi uchenjeri hungawanikwepiko? Kunzwisisa kunogarepiko?
| והחכמה מאין תמצא ואי זה מקום בינה׃ |
13 Munhu haanzwisisi kukosha kwahwo; hahungawanikwi munyika yavapenyu.
| לא ידע אנוש ערכה ולא תמצא בארץ החיים׃ |
14 Pakadzika panoti, ‘Hahuzi mandiri.’ Gungwa rinoti, ‘Hahuzi pandiri.’
| תהום אמר לא בי היא וים אמר אין עמדי׃ |
15 Hahungatengwi negoridhe yakaisvonaka, uye mutengo wahwo haungayerwi nesirivha.
| לא יתן סגור תחתיה ולא ישקל כסף מחירה׃ |
16 Hahungatengwi negoridhe reOfiri, namatombo anokosha eonikisi kana esafire.
| לא תסלה בכתם אופיר בשהם יקר וספיר׃ |
17 Hahungaenzaniswi negoridhe kana kristari, uye hahungatsinhaniswi nezvishongo zvegoridhe.
| לא יערכנה זהב וזכוכית ותמורתה כלי פז׃ |
18 Korari nejasipa hazvingatongorehwi; mutengo wouchenjeri unokunda maparera.
| ראמות וגביש לא יזכר ומשך חכמה מפנינים׃ |
19 Topazi yeEtiopia haingaenzaniswi nahwo; hahungatongotengwi negoridhe rakaisvonaka.
| לא יערכנה פטדת כוש בכתם טהור לא תסלה׃ |
20 “Zvino uchenjeri hunobvepiko? Kunzwisisa kunogarepiko?
| והחכמה מאין תבוא ואי זה מקום בינה׃ |
21 Kwakavanzirwa meso ezvipenyu zvose, zvakavigwa kunyange kushiri dzedenga.
| ונעלמה מעיני כל חי ומעוף השמים נסתרה׃ |
22 Kuparadza noRufu zvinoti, ‘Runyerekupe rwahwo chete ndirwo rwakasvika munzeve dzedu.’
| אבדון ומות אמרו באזנינו שמענו שמעה׃ |
23 Mwari oga ndiye anonzwisisa nzira inoenda kwahuri, uye ndiye oga anoziva kwahunogara,
| אלהים הבין דרכה והוא ידע את מקומה׃ |
24 nokuti anoona magumo enyika, uye anoona zvinhu zvose zviri pasi pamatenga.
| כי הוא לקצות הארץ יביט תחת כל השמים יראה׃ |
25 Paakasimbisa simba remhepo uye akayera mvura,
| לעשות לרוח משקל ומים תכן במדה׃ |
26 paakaita chirevo chemvura negwara rokutinhira wemheni,
| בעשתו למטר חק ודרך לחזיז קלות׃ |
27 ipapo akatarira kuuchenjeri akahunzvera; akahusimbisa uye akahuedza.
| אז ראה ויספרה הכינה וגם חקרה׃ |
28 Zvino akati kumunhu, ‘Kutya Ishe, ndihwo uchenjeri, uye kusiya zvakaipa ndiko kunzwisisa.’”
| ויאמר לאדם הן יראת אדני היא חכמה וסור מרע בינה׃ |
