Jobho 23
1 Ipapo Jobho akapindura akati:
| ויען איוב ויאמר׃ |
2 “Kunyange nanhasi ndinonyunyuta ndine shungu; ruoko rwake runondiremera kunyange ndiri pakugomera kwangu.
| גם היום מרי שחי ידי כבדה על אנחתי׃ |
3 Dai chete ndaiziva kwandingamuwana; dai chete ndaigona kuenda kwaanogara!
| מי יתן ידעתי ואמצאהו אבוא עד תכונתו׃ |
4 Ndaitaura hangu mhaka yangu pamberi pake, uye ndaizadza muromo wangu nenharo.
| אערכה לפניו משפט ופי אמלא תוכחות׃ |
5 Ndaizoziva hangu zvaaizondipindura, uye ndaizocherechedza zvaaizoreva.
| אדעה מלים יענני ואבינה מה יאמר לי׃ |
6 Kuti aizondidzivisa nesimba guru here? Kwete, haaizondipomera mhaka.
| הברב כח יריב עמדי לא אך הוא ישם בי׃ |
7 Ipapo munhu akarurama aigona kuzotaura mhaka yake pamberi pake, uye ndaizosunungurwa kubva pamutongi wangu nokusingaperi.
| שם ישר נוכח עמו ואפלטה לנצח משפטי׃ |
8 “Asi kana ndikaenda kumabvazuva, iye haako; kana ndikaenda kumavirira, handimuwani.
| הן קדם אהלך ואיננו ואחור ולא אבין לו׃ |
9 Paanenge ari pabasa nechokumusoro, handimuoni; paanotsaukira zasi, handikwanisi kumuona.
| שמאול בעשתו ולא אחז יעטף ימין ולא אראה׃ |
10 Asi iye anoziva nzira yandinofamba nayo; kana apedza kundiedza, ndichabuda ndava segoridhe.
| כי ידע דרך עמדי בחנני כזהב אצא׃ |
11 Tsoka dzangu dzakanyatsotevera paakatsika; ndakarambira panzira dzake ndisingambotsaukiri parutivi.
| באשרו אחזה רגלי דרכו שמרתי ולא אט׃ |
12 Handina kumbobva pamirayiro yemiromo yake; ndakakoshesa mashoko omuromo wake kupfuura chingwa changu chamazuva ose.
| מצות שפתיו ולא אמיש מחקי צפנתי אמרי פיו׃ |
13 “Asi iye anomira oga, uye ndiani angapikisana naye? Anoita zvaanoda.
| והוא באחד ומי ישיבנו ונפשו אותה ויעש׃ |
14 Anoita zvaakatema pamusoro pangu, uye urongwa huzhinji hwakadai achinahwo mudura rake.
| כי ישלים חקי וכהנה רבות עמו׃ |
15 Ndokusaka ndichitya pamberi pake; pandinofunga nezvose izvi, ndomutya.
| על כן מפניו אבהל אתבונן ואפחד ממנו׃ |
16 Mwari akaita kuti mwoyo wangu unete; Wamasimba Ose akandivhundutsa.
| ואל הרך לבי ושדי הבהילני׃ |
17 Kunyange zvakadaro rima harina kuita kuti ndinyarare, iro rima guru rinofukidza chiso changu.
| כי לא נצמתי מפני חשך ומפני כסה אפל׃ |
