Jobho 23
1 Ipapo Jobho akapindura akati:
Then Job answered and said:
2 “Kunyange nanhasi ndinonyunyuta ndine shungu; ruoko rwake runondiremera kunyange ndiri pakugomera kwangu.
Still is my complaint bitter; But my wound is deeper than my groaning.
3 Dai chete ndaiziva kwandingamuwana; dai chete ndaigona kuenda kwaanogara!
O that I knew where I might find him! That I might go before his throne!
4 Ndaitaura hangu mhaka yangu pamberi pake, uye ndaizadza muromo wangu nenharo.
I would order my cause before him, And fill my mouth with arguments;
5 Ndaizoziva hangu zvaaizondipindura, uye ndaizocherechedza zvaaizoreva.
I should know what he would answer me, And understand what he would say to me.
6 Kuti aizondidzivisa nesimba guru here? Kwete, haaizondipomera mhaka.
Would he contend with me with his mighty power? No! he would have regard to me.
7 Ipapo munhu akarurama aigona kuzotaura mhaka yake pamberi pake, uye ndaizosunungurwa kubva pamutongi wangu nokusingaperi.
Then would an upright man contend with him, And I should be fully acquitted by my judge.
8 “Asi kana ndikaenda kumabvazuva, iye haako; kana ndikaenda kumavirira, handimuwani.
But, behold, I go eastward, and he is not there; And westward, but I cannot perceive him;
9 Paanenge ari pabasa nechokumusoro, handimuoni; paanotsaukira zasi, handikwanisi kumuona.
To the north, where he worketh, but I cannot behold him; He hideth himself on the south, and I cannot see him.
10 Asi iye anoziva nzira yandinofamba nayo; kana apedza kundiedza, ndichabuda ndava segoridhe.
But he knoweth the way which is in my heart; When he trieth me, I shall come forth as gold.
11 Tsoka dzangu dzakanyatsotevera paakatsika; ndakarambira panzira dzake ndisingambotsaukiri parutivi.
My feet have trodden in his steps; His way I have kept, and have not turned aside from it.
12 Handina kumbobva pamirayiro yemiromo yake; ndakakoshesa mashoko omuromo wake kupfuura chingwa changu chamazuva ose.
I have not neglected the precepts of his lips; Above my own law have I esteemed the words of his mouth.
13 “Asi iye anomira oga, uye ndiani angapikisana naye? Anoita zvaanoda.
But he is of one mind, and who can turn him? And what he desireth, that he doeth.
14 Anoita zvaakatema pamusoro pangu, uye urongwa huzhinji hwakadai achinahwo mudura rake.
He performeth that which is appointed for me; And many such things are in his mind!
15 Ndokusaka ndichitya pamberi pake; pandinofunga nezvose izvi, ndomutya.
Therefore I am in terror on account of him; When I consider, I am afraid of him.
16 Mwari akaita kuti mwoyo wangu unete; Wamasimba Ose akandivhundutsa.
For God maketh my heart faint; Yea, the Almighty terrifieth me;
17 Kunyange zvakadaro rima harina kuita kuti ndinyarare, iro rima guru rinofukidza chiso changu.
Because I was not taken away before darkness came, And he hath not hidden darkness from mine eyes.
