Jobho 22
1 Ipapo Erifazi muTemani akapindura akati:
| ויען אליפז התמני ויאמר׃ |
2 “Ko, munhu angabatsira Mwari here? Kunyange munhu akachenjera angamubatsira here?
| הלאל יסכן גבר כי יסכן עלימו משכיל׃ |
3 Wamasimba Ose angawana mufaro weiko dai iwe wakarurama? Aibatsirwa neiko dai nzira dzako dzaiva dzakarurama?
| החפץ לשדי כי תצדק ואם בצע כי תתם דרכיך׃ |
4 “Imhaka yokumunamata kwako here zvaanokutsiura uyewo achikupa mhosva?
| המיראתך יכיחך יבוא עמך במשפט׃ |
5 Zvakaipa zvako hazvina kukura here? Handiti zvivi zvako hazviperi?
| הלא רעתך רבה ואין קץ לעונתיך׃ |
6 Wakakumbira rubatso kuhama dzako pasina; wakatorera vanhu nguo dzavo, uchivasiya vasina kupfeka.
| כי תחבל אחיך חנם ובגדי ערומים תפשיט׃ |
7 Wakanyima mvura vakaneta uye wakanyima vane nzara zvokudya,
| לא מים עיף תשקה ומרעב תמנע לחם׃ |
8 kunyange wakanga uri munhu ane simba, ane minda yake, uri munhu anokudzwa, agere pairi.
| ואיש זרוע לו הארץ ונשוא פנים ישב בה׃ |
9 Wakadzinga chirikadzi dzisina chinhu uye wakavhuna simba renherera.
| אלמנות שלחת ריקם וזרעות יתמים ידכא׃ |
10 Ndokusaka misungo yakakukomberedza, ndokusaka njodzi ichikuvhundutsa,
| על כן סביבותיך פחים ויבהלך פחד פתאם׃ |
11 ndokusaka kuine rima usingakwanisi kuona, uye mafashamu emvura achikufukidza.
| או חשך לא תראה ושפעת מים תכסך׃ |
12 “Ko, Mwari haazi kumusoro kwokudenga here? Tarira kukwirira kwakaita nyeredzi dzokumusoro-soro!
| הלא אלוה גבה שמים וראה ראש כוכבים כי רמו׃ |
13 Asi imi munoti, ‘Mwari anoziveiko? Ko, anotonga murima rakadai here?
| ואמרת מה ידע אל הבעד ערפל ישפוט׃ |
14 Makore matema anomufukidza, saka haationi paanofamba-famba padenderedzwa ramatenga.’
| עבים סתר לו ולא יראה וחוג שמים יתהלך׃ |
15 Ko, iwe ucharambira munzira yakare iya yakatsikwa navanhu vakaipa here?
| הארח עולם תשמר אשר דרכו מתי און׃ |
16 Ivo vakabvutwa nguva yavo isati yasvika, hwaro hwavo hwakakukurwa namafashamu.
| אשר קמטו ולא עת נהר יוצק יסודם׃ |
17 Vakati kuna Mwari, ‘Tisiyei takadaro! Wamasimba Ose angaiteiko kwatiri?’
| האמרים לאל סור ממנו ומה יפעל שדי למו׃ |
18 Sezvo ari iye akazadza dzimba dzavo nezvinhu zvakanaka, ndinomira kure namano avakaipa.
| והוא מלא בתיהם טוב ועצת רשעים רחקה מני׃ |
19 “Vakarurama vanoona kuparadzwa kwavo vagofara, vasina mhaka vanovaseka vachiti,
| יראו צדיקים וישמחו ונקי ילעג למו׃ |
20 ‘Zvirokwazvo vadzivisi vedu vaparadzwa, uye moto unopedza pfuma yavo.’
| אם לא נכחד קימנו ויתרם אכלה אש׃ |
21 “Zviise pasi paMwari ugova norugare naye, nenzira iyi kubudirira kuchasvika kwauri.
| הסכן נא עמו ושלם בהם תבואתך טובה׃ |
22 Gamuchira kurayira kunobva mumuromo make uye uchengete mashoko ake mumwoyo.
| קח נא מפיו תורה ושים אמריו בלבבך׃ |
23 Kana ukadzokera kuna Wamasimba Ose, uchadzoredzerwa: Kana ukabvisa zvakaipa uchizviisa kure netende rako,
| אם תשוב עד שדי תבנה תרחיק עולה מאהלך׃ |
24 uye ukaisa goridhe rako paguruva, iro goridhe rako rokuOfiri kumatombo okunzizi,
| ושית על עפר בצר ובצור נחלים אופיר׃ |
25 ipapo Wamasimba Ose achava goridhe rako, iyo sirivha yako yakanyatsosanangurwa.
| והיה שדי בצריך וכסף תועפות לך׃ |
26 Zvirokwazvo ipapo uchawana mufaro muna Wamasimba Ose, uye uchasimudzira chiso chako kuna Mwari.
| כי אז על שדי תתענג ותשא אל אלוה פניך׃ |
27 Uchanyengetera kwaari, uye achakunzwa, uye iwe uchazadzisa zvawakapika.
| תעתיר אליו וישמעך ונדריך תשלם׃ |
28 Zvaunotaura sechirevo zvichaitika, uye chiedza chichavhenekera panzira dzako.
| ותגזר אומר ויקם לך ועל דרכיך נגה אור׃ |
29 Vanhu pavanodzikiswa iwe ukati, ‘Vasimudzei!’ ipapo vakaderedzwa vachaponeswa.
| כי השפילו ותאמר גוה ושח עינים יושע׃ |
30 Achadzikinura kunyange uyo ane mhosva, acharwirwa kubudikidza nokuchena kwamaoko ako.”
| ימלט אי נקי ונמלט בבר כפיך׃ |
