Faarfannaa 67

1 Dura Buʼaa Faarfattootaatiif. Miʼa ribuutiin. Faarfannaa. Waaqni garaa nuuf laafu; nu haa eebbisus; fuula isaas nurratti haa ibsu;

For the Leader; with string-music. A Psalm, a Song. God be gracious unto us, and bless us; may He cause His face to shine toward us; (Selah)

2 kunis akka karaan kee lafa irratti, fayyisuun kee immoo saboota hundumaa biratti beekamuuf.

That Thy way may be known upon earth, Thy salvation among all nations.

3 Yaa Waaqayyo, saboonni si haa jajatan; saboonni hundii si haa jajatan.

Let the peoples give thanks unto Thee, O God; let the peoples give thanks unto Thee, all of them.

4 Ati waan qajeelummaadhaan namoota bulchituuf, saboota lafa irraas waan geggeessituuf, saboonni haa gammadanis; ililchaniis haa faarfatan.

O let the nations be glad and sing for joy; for Thou wilt judge the peoples with equity, and lead the nations upon earth. (Selah)

5 Yaa Waaqayyo, saboonni si haa jajatan; saboonni hundii si haa jajatan.

Let the peoples give thanks unto Thee, O God; let the peoples give thanks unto Thee, all of them.

6 Lafti midhaan kenniteerti; Waaqayyo Waaqni keenyas nu eebbiseera.

The earth hath yielded her increase; may God, our own God, bless us.

7 Waaqni nu eebbiseera; handaarri lafaa hundi isa haa sodaatu.

May God bless us; and let all the ends of the earth fear Him.