Faarfannaa 2

1 Namoonni maaliif akkanumaan malatu? Saboonnis maaliif waan akkanumaan mariʼatu?

למה רגשו גוים ולאמים יהגו-ריק

2 Mootonni lafaa kaʼanii, bulchitoonnis Waaqayyoo fi Masiihii isaatiin mormuuf walitti qabaman;

יתיצבו מלכי-ארץ-- ורוזנים נוסדו-יחד על-יהוה ועל-משיחו

3 isaanis, “Kottaa foncaa isaanii of irraa kukkunnaa; hidhaa isaaniis of irraa hiiknee gannaa” jedhu.

ננתקה את-מוסרותימו ונשליכה ממנו עבתימו

4 Inni samii keessa, teessoo irra taaʼee jiru ni kolfa; Gooftaanis isaanitti qoosa.

יושב בשמים ישחק אדני ילעג-למו

5 Innis aarii isaatiin isaan ifata; dheekkamsa isaatiinis isaan naasisa;

אז ידבר אלימו באפו ובחרונו יבהלמו

6 innis, “Ani tulluu koo qulqulluu irra, Xiyoon irra, mootii koo teessifadheera” jedha.

ואני נסכתי מלכי על-ציון הר-קדשי

7 Ani seera Waaqayyoo nan labsa: innis akkana anaan jedhe; “Ati ilma koo ti; ani harʼa si dhalcheera.

אספרה אל-חק יהוה אמר אלי בני אתה--אני היום ילדתיך

8 Na kadhadhu; ani saboota dhaala kee, handaara lafaas qabeenya kee godhee siifan kenna.

שאל ממני--ואתנה גוים נחלתך ואחזתך אפסי-ארץ

9 Ati ulee sibiilaatiin isaan cabsita; akka qodaa supheettis isaan hurreessita.”

תרעם בשבט ברזל ככלי יוצר תנפצם

10 Kanaafuu yaa mootota, qalbeeffadhaa; bulchitoonni lafaas of eeggadhaa.

ועתה מלכים השכילו הוסרו שפטי ארץ

11 Sodaadhaan Waaqayyoon tajaajilaa; hollachaas gammadaa.

עבדו את-יהוה ביראה וגילו ברעדה

12 Akka inni hin aarreef, isinis akka karaa irratti hin badneef ilma isaa dhungadhaa; dheekkamsi isaa dafee bobaʼaatii. Warri isatti kooluu galan hundi eebbifamoo dha.

נשקו-בר פן-יאנף ותאבדו דרך-- כי-יבער כמעט אפו אשרי כל-חוסי בו