Faarfannaa 2

1 Namoonni maaliif akkanumaan malatu? Saboonnis maaliif waan akkanumaan mariʼatu?

Why this turmoil of nations, this futile plotting of peoples,

2 Mootonni lafaa kaʼanii, bulchitoonnis Waaqayyoo fi Masiihii isaatiin mormuuf walitti qabaman;

with kings of the earth conspiring, and rulers consulting together, against the Lord and against his anointed,

3 isaanis, “Kottaa foncaa isaanii of irraa kukkunnaa; hidhaa isaaniis of irraa hiiknee gannaa” jedhu.

to snap their bonds and fling their cords away?

4 Inni samii keessa, teessoo irra taaʼee jiru ni kolfa; Gooftaanis isaanitti qoosa.

He whose throne is in heaven laughs, the Lord mocks them.

5 Innis aarii isaatiin isaan ifata; dheekkamsa isaatiinis isaan naasisa;

Then he speaks to them in his wrath, and in his hot anger confounds them.

6 innis, “Ani tulluu koo qulqulluu irra, Xiyoon irra, mootii koo teessifadheera” jedha.

“This my king is installed by me, on Zion my holy mountain.”

7 Ani seera Waaqayyoo nan labsa: innis akkana anaan jedhe; “Ati ilma koo ti; ani harʼa si dhalcheera.

I will tell of the Lord’s decree. He said to me: “You are my son, this day I became your father.

8 Na kadhadhu; ani saboota dhaala kee, handaara lafaas qabeenya kee godhee siifan kenna.

Only ask, and I make you the heir of the nations, and lord of the world to its utmost bounds.

9 Ati ulee sibiilaatiin isaan cabsita; akka qodaa supheettis isaan hurreessita.”

You will break them with sceptre of iron, shatter them like pottery.”

10 Kanaafuu yaa mootota, qalbeeffadhaa; bulchitoonni lafaas of eeggadhaa.

So now, you kings, be wise: be warned, you rulers of earth.

11 Sodaadhaan Waaqayyoon tajaajilaa; hollachaas gammadaa.

Serve the Lord in awe, kiss his feet with trembling,

12 Akka inni hin aarreef, isinis akka karaa irratti hin badneef ilma isaa dhungadhaa; dheekkamsi isaa dafee bobaʼaatii. Warri isatti kooluu galan hundi eebbifamoo dha.

lest, angry, he hurl you to ruin; for soon will his fury blaze. Happy all who take refuge in him.