Faarfannaa 147
1 Haalleluuyaa. Faarfannaadhaan Waaqa galateeffachuun akkam gaarii dha; isa galateeffachuun akkam gammachiisaa fi kan maluu dha!
Praise ye Jah! For [it is] good to praise our God, For pleasant — comely [is] praise.
2 Waaqayyo Yerusaalemin ni ijaara; Israaʼeloota boojiʼamanis walitti qaba.
Building Jerusalem [is] Jehovah, The driven away of Israel He gathereth.
3 Warra garaan cabe ni fayyisa; madaa isaaniis walitti hodha.
Who is giving healing to the broken of heart, And is binding up their griefs.
4 Inni baayʼina urjiiwwanii ni beeka; tokkoo tokkoo isaaniis maqaa maqaadhaan waama.
Appointing the number of the stars, To all them He giveth names.
5 Gooftaan keenya guddaa dha; humni isaas jabaa dha; hubannaan isaas dhuma hin qabu.
Great [is] our Lord, and abundant in power, Of His understanding there is no narration.
6 Waaqayyo warra gad qabaman ni jiraachisa; hamoota garuu lafatti darbata.
Jehovah is causing the meek to stand, Making low the wicked unto the earth.
7 Galata galchaa Waaqayyoon faarfadhaa; baganaadhaanis Waaqa keenyaaf weeddisaa.
Answer ye to Jehovah with thanksgiving, Sing ye to our God with a harp.
8 Inni samiiwwani duumessaan haguuga; lafaafis bokkaa kenna; tulluuwwan irrattis marga biqilcha.
Who is covering the heavens with clouds, Who is preparing for the earth rain, Who is causing grass to spring up [on] mountains,
9 Horiidhaaf waan isaan dheedan, yommuu ilmaan arraagessaa iyyanitti nyaata isaaniif ni kenna.
Giving to the beast its food, To the young of the ravens that call.
10 Inni jabina fardaatti hin gammadu; yookaan miilli namaa isa hin gammachiisu;
Not in the might of the horse doth He delight, Not in the legs of a man is He pleased.
11 Waaqayyo warra isa sodaatanitti, warra araara isaa abdatanitti ni gammada.
Jehovah is pleased with those fearing Him, With those waiting for His kindness.
12 Yaa Yerusaalem, Waaqayyoon galateeffadhu; Yaa Xiyoon Waaqa kee galateeffadhu.
Glorify, O Jerusalem, Jehovah, Praise thy God, O Zion.
13 Inni danqaraa karra keetii ni jabeessaatii; ijoollee kees si keessatti eebbisa.
For He did strengthen the bars of thy gates, He hath blessed thy sons in thy midst.
14 Daarii keetiif nagaa kenna; qamadii qulqulluudhaanis si quubsa.
Who is making thy border peace, [With] the fat of wheat He satisfieth Thee.
15 Inni ajaja isaa gara lafaatti ni erga; dubbiin isaas ni ariifata.
Who is sending forth His saying [on] earth, Very speedily doth His word run.
16 Inni cabbii akkuma suufiitti diriirsa; qorras akkuma daaraatti bittinneessa.
Who is giving snow like wool, Hoar-frost as ashes He scattereth.
17 Dhagaa cabbii akkuma cirrachaa gad darbata. Dhaamocha isaa dura eenyutu dhaabachuu dandaʼa?
Casting forth His ice like morsels, Before His cold who doth stand?
18 Inni dubbii isaa ergee isaan baqsa; bubbee isaa ni kaasa; bishaanonnis ni yaaʼu.
He sendeth forth His word and melteth them, He causeth His wind to blow — the waters flow.
19 Inni dubbii isaa Yaaqoobitti, seeraa fi sirna isaa immoo Israaʼelitti mulʼiseera.
Declaring His words to Jacob, His statutes and His judgments to Israel.
20 Waan kana saba biraa tokkoof iyyuu hin goone; isaan seera isaa hin beekan. Haalleluuyaa.
He hath not done so to any nation, As to judgments, they have not known them. Praise ye Jah!
