Faarfannaa 116
1 Ani Waaqayyoon nan jaalladha; inni sagalee waammata kootii naa dhagaʼeeraatii.
| אהבתי כי-ישמע יהוה-- את-קולי תחנוני |
2 Sababii inni gurra isaa gara kootti deebiseef, ani hamman lubbuun jiraadhutti isa nan waammadha.
| כי-הטה אזנו לי ובימי אקרא |
3 Kiyyoon duʼaa na marse; dhiphinni Siiʼoolis na qabate; ani rakkinaa fi gaddaan nan moʼame. (Sheol h7585)
| אפפוני חבלי-מות--ומצרי שאול מצאוני צרה ויגון אמצא (Sheol h7585) |
4 Anis, “Yaa Waaqayyo na oolchi!” jedhee maqaa Waaqayyoo nan waammadhe.
| ובשם-יהוה אקרא אנה יהוה מלטה נפשי |
5 Waaqayyo arjaa fi qajeelaa dha; Waaqni keenya gara laaffessa.
| חנון יהוה וצדיק ואלהינו מרחם |
6 Waaqayyo garraamota ni eega; yeroo ani baayʼee rakkadhetti isatu na gargaare.
| שמר פתאים יהוה דלתי ולי יהושיע |
7 Yaa lubbuu ko, boqonnaa keetti deebiʼi; Waaqayyo waan gaarii siif godheeraatii.
| שובי נפשי למנוחיכי כי-יהוה גמל עליכי |
8 Ati yaa Waaqayyo lubbuu koo duʼa irraa, ija koo imimmaan irraa, miilla koo gufachuu irraa waan oolchiteef,
| כי חלצת נפשי ממות את-עיני מן-דמעה את-רגלי מדחי |
9 ani biyya warra jiraatoo keessa, fuula Waaqayyoo dura nan jiraadha.
| אתהלך לפני יהוה-- בארצות החיים |
10 Ani yeroo, “Ani baayʼee dhiphadheera” jedhetti, amantii koo eeggadheera.
| האמנתי כי אדבר אני עניתי מאד |
11 Ani yommuun burjaajaʼetti, “Namni hundinuu sobduu dha” nan jedhe.
| אני אמרתי בחפזי כל-האדם כזב |
12 Waan gaarii inni naa godhe hundaaf, ani Waaqayyoof maalan deebisa?
| מה-אשיב ליהוה-- כל-תגמולוהי עלי |
13 Ani xoofoo fayyinaa ol kaasee maqaa Waaqayyoo nan waammadha.
| כוס-ישועות אשא ובשם יהוה אקרא |
14 Fuula saba isaa hundumaa duratti, ani wareega koo Waaqayyoof nan galcha.
| נדרי ליהוה אשלם נגדה-נא לכל-עמו |
15 Duuti qulqulloota isaa, fuula Waaqayyoo duratti ulfina qaba.
| יקר בעיני יהוה-- המותה לחסידיו |
16 Yaa Waaqayyo, ani dhugumaan tajaajilaa kee ti; ani tajaajilaa kee ilma tajaajiltuu keetii ti; ati foncaa koo narraa hiikteerta.
| אנה יהוה כי-אני עבדך אני-עבדך בן-אמתך פתחת למוסרי |
17 Ani aarsaa galataa siif nan dhiʼeessa; maqaa Waaqayyoos nan waammadha.
| לך-אזבח זבח תודה ובשם יהוה אקרא |
18 Iddoo sabni isaa hundi jirutti, ani wareega koo Waaqayyoof nan galcha;
| נדרי ליהוה אשלם נגדה-נא לכל-עמו |
19 yaa Yerusaalem si keessatti, oobdii mana Waaqayyoo irrattis nan galcha. Haalleluuyaa.
| בחצרות בית יהוה-- בתוככי ירושלם הללו-יה |
