Fakkeenya 14
1 Dubartiin ogeettiin mana ishee ijaarratti; gowwaan immoo harkuma isheetiin mana ofii diigdi.
| חכמות נשים בנתה ביתה ואולת בידיה תהרסנו |
2 Namni qajeelummaan jiraatu Waaqayyoon sodaata; kan karaan isaa jalʼaa taʼe garuu isa tuffata.
| הולך בישרו ירא יהוה ונלוז דרכיו בוזהו |
3 Afaan nama gowwaa dugda isaatti ulee of tuulummaa fida; arrabni ogeeyyii garuu isaan eega.
| בפי-אויל חטר גאוה ושפתי חכמים תשמורם |
4 Yoo qotiyyoon hin jirre, dallaan duwwaa taʼa; garuu humna qotiyyoo tokkootiin midhaan baayʼeen argama.
| באין אלפים אבוס בר ורב-תבואות בכח שור |
5 Dhuga baatuun amanamaan hin sobu; dhuga baatuun sobaa immoo dhara of keessaa gad naqa.
| עד אמונים לא יכזב ויפיח כזבים עד שקר |
6 Qoostuun namaa ogummaa barbaadee hin argatu; nama waa hubatuuf garuu beekumsi dadhabbii malee dhufa.
| בקש-לץ חכמה ואין ודעת לנבון נקל |
7 Ati nama gowwaa irraa fagaadhu; arraba isaa irraa beekumsa hin argattuutii.
| לך מנגד לאיש כסיל ובל-ידעת שפתי-דעת |
8 Ogummaan hubattootaa akka isaan karaa isaanii beekan isaan godha; gowwummaan gowwootaa garuu karaa irraa isaan balleessa.
| חכמת ערום הבין דרכו ואולת כסילים מרמה |
9 Gowwoonni cubbuutti qoosu; qajeeltota gidduutti garuu hawwii gaariitu argama.
| אולים יליץ אשם ובין ישרים רצון |
10 Garaan gadda ofii isaa ni beeka; namni biraa tokko iyyuu gammachuu isaa irraa hin qooddatu.
| לב--יודע מרת נפשו ובשמחתו לא-יתערב זר |
11 Manni nama hamaa ni bada; dunkaanni nama qajeelaa immoo ni daraara.
| בית רשעים ישמד ואהל ישרים יפריח |
12 Karaan qajeelaa namatti fakkaatu tokko jira; dhuma irratti garuu duʼatti nama geessa.
| יש דרך ישר לפני-איש ואחריתה דרכי-מות |
13 Kolfa keessatti iyyuu garaan nama dhukkubuu dandaʼa; gammachuunis gaddaan dhumuu dandaʼa.
| גם-בשחק יכאב-לב ואחריתה שמחה תוגה |
14 Namni hin amanamne gatii karaa isaa, namni gaariin immoo gatii hojii isaa argata.
| מדרכיו ישבע סוג לב ומעליו איש טוב |
15 Namni homaa hin beekne waan hunda amana; namni qalbii qabu garuu tarkaanfii isaa ilaallata.
| פתי יאמין לכל-דבר וערום יבין לאשרו |
16 Namni ogeessi of eeggata; waan hamaa irraas ni deebiʼa; gowwaan garuu waan hundatti jarjara; of illee hin eeggatu.
| חכם ירא וסר מרע וכסיל מתעבר ובוטח |
17 Namni dafee aaru gowwummaa hojjeta; namni daba hojjetu garuu ni jibbama.
| קצר-אפים יעשה אולת ואיש מזמות ישנא |
18 Namni homaa hin beekne gowwummaa dhaala; qalbeeffataan garuu beekumsa gonfata.
| נחלו פתאים אולת וערומים יכתרו דעת |
19 Namoonni hamoon fuula namoota gaarii duratti, jalʼoonnis karra qajeeltotaa duratti sagadu.
| שחו רעים לפני טובים ורשעים על-שערי צדיק |
20 Hiyyeeyyii olloonni isaanii iyyuu ni jibbu; sooreyyiin immoo michoota hedduu qabu.
| גם-לרעהו ישנא רש ואהבי עשיר רבים |
21 Namni ollaa isaa tuffatu cubbuu hojjeta; kan rakkataaf garaa laafu garuu eebbifamaa dha.
| בז-לרעהו חוטא ומחונן עניים (ענוים) אשריו |
22 Namni hammina yaadu karaa irraa hin baduu? Warri waan gaarii karoorsan garuu jaalalaa fi amanamummaa argatu.
| הלוא-יתעו חרשי רע וחסד ואמת חרשי טוב |
23 Jabaatanii hojjechuun hundi buʼaa buusa; oduun faayidaa hin qabne garuu hiyyummaa qofa fida.
| בכל-עצב יהיה מותר ודבר-שפתים אך-למחסור |
24 Gonfoon ogeeyyii qabeenya isaanii ti; gowwummaan gowwootaa garuu gowwummaa dhala.
| עטרת חכמים עשרם אולת כסילים אולת |
25 Dhuga baatuun dhugaa lubbuu baraara; dhuga baatuun sobaa immoo soba dubbata.
| מציל נפשות עד אמת ויפח כזבים מרמה |
26 Namni Waaqayyoon sodaatu daʼannoo jabaa qaba; ijoolleen isaas daʼoo argatu.
| ביראת יהוה מבטח-עז ולבניו יהיה מחסה |
27 Waaqayyoon sodaachuun burqaa jireenyaa ti; kiyyoo duʼaa irraas nama deebisa.
| יראת יהוה מקור חיים-- לסור ממקשי מות |
28 Ulfinni mootii tokkoo baayʼina uummata isaa ti; yoo uummanni hin jirre garuu ilmi mootiis ni bada.
| ברב-עם הדרת-מלך ובאפס לאם מחתת רזון |
29 Namni obsa qabu hubannaa guddaa qaba; kan dafee aaru garuu gowwummaa mulʼisa.
| ארך אפים רב-תבונה וקצר-רוח מרים אולת |
30 Garaan nagaa qabu dhagnaaf jireenya kenna; hinaaffaan garuu lafee tortorsa.
| חיי בשרים לב מרפא ורקב עצמות קנאה |
31 Namni hiyyeessa cunqursu kan isa Uume tuffata; namni hiyyeessaaf garaa laafu immoo Waaqa kabaja.
| עשק דל חרף עשהו ומכבדו חנן אביון |
32 Hamoonni jalʼinuma isaaniitiin badu; qajeeltonni garuu duʼa keessatti illee amanamummaa isaaniitiin daʼannoo argatu.
| ברעתו ידחה רשע וחסה במותו צדיק |
33 Ogummaan qalbii nama waa hubatuu keessa jirti; garaa gowwootaa keessatti garuu hin beekamtu.
| בלב נבון תנוח חכמה ובקרב כסילים תודע |
34 Qajeelummaan saba ol guddisa; cubbuun garuu saba kamiif iyyuu salphina.
| צדקה תרומם-גוי וחסד לאמים חטאת |
35 Mootiin tajaajilaa ogeessatti ni gammada; kan isa qaanessutti garuu ni dheekkama.
| רצון-מלך לעבד משכיל ועברתו תהיה מביש |
