Iyyoob 34
1 Eliihuun akkana jedhe:
| ויען אליהוא ויאמר׃ |
2 “Yaa ogeeyyii, dubbii koo dhagaʼaa; beektonnis na dhaggeeffadhaa.
| שמעו חכמים מלי וידעים האזינו לי׃ |
3 Akkuma arrabni nyaata afaaniin qabu, gurris dubbii calalaatii.
| כי אזן מלין תבחן וחך יטעם לאכל׃ |
4 Waan qajeelaa taʼe ofii keenyaaf haa filannu; waan gaariis tokkummaadhaan haa barannu.
| משפט נבחרה לנו נדעה בינינו מה טוב׃ |
5 “Iyyoob akkana jedha; ‘Ani qajeelaa dha; Waaqni garuu murtii qajeelaa narraa fudhate.
| כי אמר איוב צדקתי ואל הסיר משפטי׃ |
6 Ani utuman nama dhugaa taʼee jiruu, akka sobduuttin herregame; ani yakka qabaachuu baadhu illee xiyyi isaa madaa hin fayyineen na madeesseera.’
| על משפטי אכזב אנוש חצי בלי פשע׃ |
7 Namni akka bishaaniitti tuffii dhugu, kan akka Iyyoob eenyu?
| מי גבר כאיוב ישתה לעג כמים׃ |
8 Inni warra hammina hojjetu wajjin walii gala; jalʼoota wajjinis tokkummaa qabaata.
| וארח לחברה עם פעלי און וללכת עם אנשי רשע׃ |
9 Inni, ‘Waaqa gammachiisuu yaaluun, namaaf faayidaa tokko iyyuu hin qabu’ jedhaatii.
| כי אמר לא יסכן גבר ברצתו עם אלהים׃ |
10 “Kanaafuu isin yaa hubattoota, na dhagaʼaa. Waan hamaa hojjechuun Waaqa irraa, dogoggoruunis Waaqa Waan Hunda Dandaʼu irraa haa fagaatu.
| לכן אנשי לבב שמעו לי חללה לאל מרשע ושדי מעול׃ |
11 Inni namaaf akkuma hojii isaatti gatii ni kenna; waan karaa isaatiif malus itti fida.
| כי פעל אדם ישלם לו וכארח איש ימצאנו׃ |
12 Dhugumaan Waaqni hammina hin hojjetu; Waaqni Waan Hunda Dandaʼu murtii qajeelaa hin jalʼisu.
| אף אמנם אל לא ירשיע ושדי לא יעות משפט׃ |
13 Eenyutu lafa irratti isa muude? Eenyutus addunyaa guutuu isatti kenne?
| מי פקד עליו ארצה ומי שם תבל כלה׃ |
14 Utuu inni hafuura isaa deebisee fudhatee, hafuura baafatu illee gara ofii isaatti deebifatee,
| אם ישים אליו לבו רוחו ונשמתו אליו יאסף׃ |
15 silaa sanyiin namaa hundi walumaan bada; namnis biyyootti deebiʼa ture.
| יגוע כל בשר יחד ואדם על עפר ישוב׃ |
16 “Ati yoo hubannaa qabaatte waan kana dhagaʼi; waan ani jedhus dhaggeeffadhu.
| ואם בינה שמעה זאת האזינה לקול מלי׃ |
17 Namni murtii qajeelaa jibbu bulchuu dandaʼaa? Atis isa qajeelaa fi humna qabeessa sanatti murtaa?
| האף שונא משפט יחבוש ואם צדיק כביר תרשיע׃ |
18 Kan moototaan, ‘Isin faayidaa hin qabdan;’ jedhee qondaaltotaanis, ‘Isin hamoo dha’ jedhu isa mitii?
| האמר למלך בליעל רשע אל נדיבים׃ |
19 Inni ilmaan moototaatiif illee hin looguu; sooreyyii fi hiyyeeyyii wal hin caalchisu; hundi isaanii hojii harka isaatii.
| אשר לא נשא פני שרים ולא נכר שוע לפני דל כי מעשה ידיו כלם׃ |
20 Isaan halkan walakkaa tasa duʼu; namoonni hollatanii dhumu; jajjaboonnis utuma harki namaa isaan hin tuqin ni badu.
| רגע ימתו וחצות לילה יגעשו עם ויעברו ויסירו אביר לא ביד׃ |
21 “Iji isaa karaa namootaa irra jira; inni tarkaanfii isaanii hunda ni arga.
| כי עיניו על דרכי איש וכל צעדיו יראה׃ |
22 Iddoon warri waan hamaa hojjetan itti dhokatan, dukkanni yookaan gaaddisni guddaan hin jiru.
| אין חשך ואין צלמות להסתר שם פעלי און׃ |
23 Akka inni murtiidhaaf fuula isaa duratti dhiʼaatuuf, Waaqni nama kam iyyuu hin beellamu.
| כי לא על איש ישים עוד להלך אל אל במשפט׃ |
24 Inni gaaffii tokko malee namoota jajjaboo ni burkuteessa; warra biraa immoo iddoo isaanii ni kaaʼa.
| ירע כבירים לא חקר ויעמד אחרים תחתם׃ |
25 Inni sababii hojii isaanii beekuuf, halkan keessa isaan garagalcha; isaanis ni barbadaaʼu.
| לכן יכיר מעבדיהם והפך לילה וידכאו׃ |
26 Sababii jalʼina isaaniitiifis inni iddoo namni hundi argutti isaan adaba;
| תחת רשעים ספקם במקום ראים׃ |
27 kunis waan isaan isa duukaa buʼuu irraa garagalanii karaa isaa hunda dhiisaniif.
| אשר על כן סרו מאחריו וכל דרכיו לא השכילו׃ |
28 Isaan akka inni iyya rakkattootaa dhagaʼuuf, akka iyyi hiyyeeyyii fuula isaa duratti dhagaʼamu godhaniiru.
| להביא עליו צעקת דל וצעקת עניים ישמע׃ |
29 Yoo inni calʼise garuu, eenyutu isatti muruu dandaʼa? Yoo inni fuula isaa dhokfates eenyutu isa arguu dandaʼa? Taʼus inni namaa fi saba illee ni toʼata;
| והוא ישקט ומי ירשע ויסתר פנים ומי ישורנו ועל גוי ועל אדם יחד׃ |
30 kunis akka namni Waaqaaf hin bulle mootii hin taanee fi akka isaan sabaaf kiyyoo hin keenyeefii dha.
| ממלך אדם חנף ממקשי עם׃ |
31 “Namni tokko Waaqaan akkana jedha haa jennu; ‘Ani yakka hojjedheera; garuu itti hin deebiʼu.
| כי אל אל האמר נשאתי לא אחבל׃ |
32 Waan ani arguu hin dandeenye na barsiisi; ani yoon dogoggora hojjedhee jiraadhe, lammata itti hin deebiʼu.’
| בלעדי אחזה אתה הרני אם עול פעלתי לא אסיף׃ |
33 Waaqni sababii ati qalbii jijjiirrachuu didduuf akkuma yaada keetiitti gatii siif baasaa? Situ murteessuu qaba malee ana miti; kanaafuu ati waan beektu natti himi.
| המעמך ישלמנה כי מאסת כי אתה תבחר ולא אני ומה ידעת דבר׃ |
34 “Namoonni hubannaa qaban ni dubbatu; namoonni ogeeyyiin na dhagaʼanis akkana jedhu;
| אנשי לבב יאמרו לי וגבר חכם שמע לי׃ |
35 ‘Iyyoob beekumsa malee dubbata; dubbiin isaas hubannaa cimaa hin qabu.’
| איוב לא בדעת ידבר ודבריו לא בהשכיל׃ |
36 Iyyoob sababii akka nama hamaatti deebii kenneef maaloo utuu hamma dhumaatti qoramee jiraatee!
| אבי יבחן איוב עד נצח על תשבת באנשי און׃ |
37 Inni cubbuu isaa irratti fincila dabala; tuffiidhaan gidduu keenyatti harka dhaʼa; Waaqa irrattis waan baayʼee dubbata.”
| כי יסיף על חטאתו פשע בינינו יספוק וירב אמריו לאל׃ |
