Iyyoob 13
1 “Waan kana hunda iji koo argeera; gurri koos dhagaʼee hubateera.
| הן כל ראתה עיני שמעה אזני ותבן לה׃ |
2 Waan isin beektan anis beeka; ani isinii gad miti.
| כדעתכם ידעתי גם אני לא נפל אנכי מכם׃ |
3 Ani garuu Waaqa Waan Hunda Dandaʼutti nan dubbadha; waaʼee dhimma koos Waaqatti falmuu nan barbaada.
| אולם אני אל שדי אדבר והוכח אל אל אחפץ׃ |
4 Isin garuu sobaan nama faaltu; hundi keessan abbootii qorichaa kanneen faayidaa hin qabnee dha!
| ואולם אתם טפלי שקר רפאי אלל כלכם׃ |
5 Isin yoo cal jettan maal qaba! Wanni sun ogummaa isiniif taʼa.
| מי יתן החרש תחרישון ותהי לכם לחכמה׃ |
6 Amma falmii koo dhagaʼaa; kadhannaa afaan kootiis dhaggeeffadhaa.
| שמעו נא תוכחתי ורבות שפתי הקשיבו׃ |
7 Isin jalʼinaan Waaqaaf dubbattuu? Gowwoomsaadhaanis isaaf odeessituu?
| הלאל תדברו עולה ולו תדברו רמיה׃ |
8 Isaaf ni loogduu? Waaqaafis ni falmituu?
| הפניו תשאון אם לאל תריבון׃ |
9 Yoo inni isin qore wanni gaariin isin irraa argamaa? Isin akka nama gowwoomsitan, isa gowwoomsuu dandeessuu?
| הטוב כי יחקר אתכם אם כהתל באנוש תהתלו בו׃ |
10 Yoo isin dhoksaadhaan loogii hojjettan, inni dhugumaan isinitti dheekkama.
| הוכח יוכיח אתכם אם בסתר פנים תשאון׃ |
11 Surraan isaa isin hin sodaachisuu? Sodaachisuun isaa isinitti hin dhagaʼamuu?
| הלא שאתו תבעת אתכם ופחדו יפל עליכם׃ |
12 Fakkeenyi keessan fakkeenya daaraa ti; daʼoon keessanis daʼoo suphee ti.
| זכרניכם משלי אפר לגבי חמר גביכם׃ |
13 “Akka ani dubbadhuuf isin cal jedhaa; ergasii wanni barbaade natti haa dhufu.
| החרישו ממני ואדברה אני ויעבר עלי מה׃ |
14 Ani maaliifin foon koo ilkaan kootiin, lubbuu koos harka kootiin qabadha?
| על מה אשא בשרי בשני ונפשי אשים בכפי׃ |
15 Yoo inni na ajjeese iyyuu ani isa nan abdadha; waaʼee dhimma kootii illee fuula isaa duratti nan falmadha.
| הן יקטלני לא איחל אך דרכי אל פניו אוכיח׃ |
16 Kun fayyina koo ni taʼa; warri Waaqatti hin bulle fuula isaa duratti dhiʼaachuu hin dandaʼaniitii!
| גם הוא לי לישועה כי לא לפניו חנף יבוא׃ |
17 Dubbii koo qalbeeffadhaa dhaggeeffadhaa; waan ani jedhus gurri keessan haa dhagaʼu.
| שמעו שמוע מלתי ואחותי באזניכם׃ |
18 Kunoo ani himata koo qopheeffadheera; akka inni murtii qajeelaa naa kennus nan beeka.
| הנה נא ערכתי משפט ידעתי כי אני אצדק׃ |
19 Namni na himatu jiraa? Yoo jiraate, ani nan calʼisa; nan duʼas.
| מי הוא יריב עמדי כי עתה אחריש ואגוע׃ |
20 “Yaa Waaqayyo, ati wantoota kanneen lamaan naa kenni malee ani fuula kee duraa hin dhokadhu.
| אך שתים אל תעש עמדי אז מפניך לא אסתר׃ |
21 Harka kee narraa fageessi; sodaachisni kees na hin rifachiisin.
| כפך מעלי הרחק ואמתך אל תבעתני׃ |
22 Ergasii na waami; anis nan owwaadha; yookaan nan dubbadha; ati immoo deebii naa kennita.
| וקרא ואנכי אענה או אדבר והשיבני׃ |
23 Ani balleessaa fi cubbuu hammamin hojjedhe? Yakka kootii fi cubbuu koo na beeksisi.
| כמה לי עונות וחטאות פשעי וחטאתי הדיעני׃ |
24 Ati maaliif fuula kee dhokfattee akka diinaatti na ilaalta?
| למה פניך תסתיר ותחשבני לאויב לך׃ |
25 Baala qilleensi harcaase ni ciccirtaa? Habaqii gogaa ni ariitaa?
| העלה נדף תערוץ ואת קש יבש תרדף׃ |
26 Ati waan ittiin na hadheessitu natti barreessitaatii; cubbuu dargaggummaa kootiis na dhaalchifta.
| כי תכתב עלי מררות ותורישני עונות נעורי׃ |
27 Miilla koo jirma gidduu galchita; faana miilla kootiitti mallattoo gootee karaa koo hunda xiyyeeffattee duukaa buuta.
| ותשם בסד רגלי ותשמור כל ארחותי על שרשי רגלי תתחקה׃ |
28 “Namnis akkuma waan bososeetti, akkuma wayyaa biliin nyaateetti ni dhuma.
| והוא כרקב יבלה כבגד אכלו עש׃ |
