Iyyoob 11

1 Zoofaari Naaʼimaatichi akkana jedhee deebise:

And Zophar the Naamathite answered and said,

2 “Dubbiiwwan kunneen hundi deebii argachuu hin qabanii? Dubbii baayʼisuun qajeelaa nama godhaa?

Should not the multitude of words be answered? and should a man of much talk be justified?

3 Of jajuun kee afaan nama qabachiisaa? Yommuu ati qoostu namni si ifatu hin jiruu?

Should thy fictions make men hold their peace? and shouldest thou mock, and no one make [thee] ashamed?

4 Ati Waaqaan, ‘Barsiisni koo qulqulluu dha; ani fuula kee duratti hirʼina hin qabu’ jetta.

For thou sayest, My doctrine is pure, and I am clean in thine eyes.

5 Maaloo utuu Waaqni sitti dubbatee, utuu afaan isaas sitti saaqqatee

But oh that God would speak, and open his lips against thee;

6 icciitii ogummaa siif ibsee ani akkamin hawwa! Ogummaan dhugaan bifa lama qabaatii. Kanaafuu Waaqni cubbuu kee muraasa akka siif irraanfate beeki.

And that he would shew thee the secrets of wisdom, how that they are the double of what is realised; and know that God passeth by [much] of thine iniquity!

7 “Icciitii Waaqaa qorattee bira gaʼuu yookaan yaada Waaqa Waan Hunda Dandaʼuu qorattee bira gaʼuu dandeessaa?

Canst thou by searching find out God? canst thou find out the Almighty to perfection?

8 Isaan samiiwwan caalaa ol fagaatu; ati maal gochuu dandeessa? Qilee awwaalaa caalaas gad fagaatu; ati maal beekuu dandeessa? (Sheol h7585)

[It is as] the heights of heaven; what wilt thou do? deeper than Sheol; what canst thou know? (Sheol h7585)

9 Safarri isaa lafa caalaa dheerata; galaana caalaa balʼata.

The measure thereof is longer than the earth, and broader than the sea.

10 “Yoo inni dhufee mana hidhaatti si galche, yoo waldaa murtiis walitti qabe eenyutu isa dhowwuu dandaʼa?

If he pass by, and shut up, and call to judgment, who can hinder him?

11 Dhugumaan inni sobdoota ni beeka; inni yommuu jalʼina argutti hin qalbeeffatuu?

For he knoweth vain men, and seeth wickedness when [man] doth not consider it;

12 Yoo harreen diidaa nama taʼee dhalate malee gowwaan ogeessa taʼuu hin dandaʼu.

Yet a senseless man will make bold, though man be born [like] the foal of a wild ass.

13 “Taʼus yoo ati yaada kee gara isaatti deebiftee harka kees gara isaatti diriirsite,

If thou prepare thy heart and stretch out thy hands toward him,

14 cubbuu harka kee keessa jiru yoo of irraa fageessite, akka wanni hamaanis dunkaana kee keessa hin jiraanne yoo goote,

If thou put far away the iniquity which is in thy hand, and let not wrong dwell in thy tents;

15 ati qaanii tokko malee fuula kee ol qabachuu dandeessa; sodaa tokko malees jabaattee dhaabatta.

Surely then shalt thou lift up thy face without spot, and thou shalt be stedfast and shalt not fear:

16 Ati dhugumaan rakkina kee ni irraanfatta; akkuma lolaa darbeettis ni lakkoofta.

For thou shalt forget misery; as waters that are passed away shalt thou remember it;

17 Jireenyi kee aduu saafaa caalaa ifa; dukkanni isaas akkuma barii ganamaa taʼa.

And life shall arise brighter than noonday; though thou be enshrouded in darkness, thou shalt be as the morning,

18 Waan abdiin jiruuf ati hin sodaattu; naannoo kee ni ilaalta; nagaadhaanis ni boqotta.

And thou shalt have confidence, because there shall be hope; and having searched about [thee], thou shalt take rest in safety.

19 Ati ni rafta; namni tokko iyyuu si hin sodaachisu; namoonni baayʼeenis fuula kee barbaadu.

Yea, thou shalt lie down, and none shall make thee afraid; and many shall seek thy favour.

20 Iji hamootaa ni dadhaba; karaan ittiin baqatanis isaan jalaa bada; abdiin isaaniis duʼa qofa.”

But the eyes of the wicked shall fail, and [all] refuge shall vanish from them, and their hope [shall be] the breathing out of life.