Amahubo 106
1 Dumisani uThixo. Bongani uThixo, ngoba ulungile; uthando lwakhe lumi lanini.
| הללויה הודו ליהוה כי טוב כי לעולם חסדו׃ |
2 Ngubani ongamemezela imisebenzi emikhulu kaThixo loba atsho ngokugcweleyo udumo lwakhe na?
| מי ימלל גבורות יהוה ישמיע כל תהלתו׃ |
3 Babusisiwe labo abahlala besenza ngendlela enhle, abahlezi besenza okulungileyo.
| אשרי שמרי משפט עשה צדקה בכל עת׃ |
4 Ungikhumbule, Thixo, nxa usuveza umusa ebantwini bakho, woza ungisize nxatshana usubasindisa,
| זכרני יהוה ברצון עמך פקדני בישועתך׃ |
5 ukuze lami ngikholise ukuphumelela kwalabo obakhethileyo, ukuze ngabelwe entokozweni yesizwe sakho ngihlanganyele lelifa lakho ekudumiseni.
| לראות בטובת בחיריך לשמח בשמחת גויך להתהלל עם נחלתך׃ |
6 Sonile, njengalokho abakwenzayo okhokho bethu; senzile okubi senza izinto ezimbi.
| חטאנו עם אבותינו העוינו הרשענו׃ |
7 Lapho okhokho bethu beseGibhithe, kabayinakanga imimangaliso yakho; kabazikhumbulanga izenzo zakho zomusa ezinengi, bahlamuka besolwandle, uLwandle oluBomvu.
| אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃ |
8 Kodwa wabasindisa ngenxa yebizo lakhe, ukuze amandla akhe amakhulu aziwe.
| ויושיעם למען שמו להודיע את גבורתו׃ |
9 Walukhuza uLwandle oluBomvu, loma qha; wabahola badabula ezinzikini njengasenkangala.
| ויגער בים סוף ויחרב ויוליכם בתהמות כמדבר׃ |
10 Wabasindisa esandleni sesitha; wabahlenga esandleni sesitha.
| ויושיעם מיד שונא ויגאלם מיד אויב׃ |
11 Amanzi asibekela izitha zabo, kakho loyedwa wazo owasindayo.
| ויכסו מים צריהם אחד מהם לא נותר׃ |
12 Lapho-ke base bezikholwa izithembiso zakhe bahlabelela indumiso yakhe.
| ויאמינו בדבריו ישירו תהלתו׃ |
13 Kodwa baphanga bakukhohlwa lokho ayekwenzile kabaze balindela ukweluleka kwakhe.
| מהרו שכחו מעשיו לא חכו לעצתו׃ |
14 Enkangala bakhulelwa yizinkanuko zabo; khona emqothwini bamlinga uNkulunkulu.
| ויתאוו תאוה במדבר וינסו אל בישימון׃ |
15 Ngakho wabapha lokho abakucelayo, kodwa wabathela ngomkhuhlane ocikizayo.
| ויתן להם שאלתם וישלח רזון בנפשם׃ |
16 Ezihonqweni basuka babalomhawu loMosi njalo lango-Aroni, owayengcwelisiwe kuThixo.
| ויקנאו למשה במחנה לאהרן קדוש יהוה׃ |
17 Umhlaba wavuleka waginya uDathani; wagqibela ixuku lika-Abhiramu.
| תפתח ארץ ותבלע דתן ותכס על עדת אבירם׃ |
18 Umlilo walavuza phakathi kwabalandeli babo; ilangabi labatshisa ababi.
| ותבער אש בעדתם להבה תלהט רשעים׃ |
19 EHorebhi benza ithole, bakhonza isithombe esenziwe ngensimbi.
| יעשו עגל בחרב וישתחוו למסכה׃ |
20 Badela ukuKhazimula kwabo bakhetha isithombe senkunzi edla utshani.
| וימירו את כבודם בתבנית שור אכל עשב׃ |
21 Bakhohlwa uNkulunkulu owabasindisayo, owayenze izinto ezinkulu eGibhithe,
| שכחו אל מושיעם עשה גדלות במצרים׃ |
22 imimangaliso elizweni likaHamu lezenzo ezibabazekayo ngasoLwandle oluBomvu.
| נפלאות בארץ חם נוראות על ים סוף׃ |
23 Ngakho wathi uzababhubhisa aluba kungesuMosi, owakhethwayo wakhe, owema phambi kwakhe ukuvalela ulaka lwakhe ukuze angababhubhisi.
| ויאמר להשמידם לולי משה בחירו עמד בפרץ לפניו להשיב חמתו מהשחית׃ |
24 Kwathi njalo baleyisa ilizwe elihle; kabasikholwanga isithembiso sakhe.
| וימאסו בארץ חמדה לא האמינו לדברו׃ |
25 Bakhonona besemathenteni abo kabaze bamlalela uThixo.
| וירגנו באהליהם לא שמעו בקול יהוה׃ |
26 Ngakho wafunga kubo ephakamise isandla sakhe ukuthi wayezabenza bafele enkangala,
| וישא ידו להם להפיל אותם במדבר׃ |
27 enze izizukulwane zabo ziqedwe ngabezizwe zihlakazeke emazweni wonke.
| ולהפיל זרעם בגוים ולזרותם בארצות׃ |
28 Bazibopha ingathi kusejogweni kuBhali wasePheyori badla imihlatshelo eyayinikelwe kubonkulunkulu abangaphiliyo;
| ויצמדו לבעל פעור ויאכלו זבחי מתים׃ |
29 bamthukuthelisa uThixo ngezenzo zabo ezimbi; kwavela isifo phakathi kwabo.
| ויכעיסו במעלליהם ותפרץ בם מגפה׃ |
30 Kodwa uFinehasi wema wancenga isifo sadeda.
| ויעמד פינחס ויפלל ותעצר המגפה׃ |
31 Lokhu kwenza kuthiwe wayelungile kwaziswa izizukulwane zonke ezizayo.
| ותחשב לו לצדקה לדר ודר עד עולם׃ |
32 Bamzondisa uThixo ngasemthonjeni weMeribha, uhlupho lwase lusehlela uMosi ngenxa yabo;
| ויקציפו על מי מריבה וירע למשה בעבורם׃ |
33 ngoba bahlamukela uMoya kaNkulunkulu, uMosi waze wakhupha amazwi amabi ngezindebe zakhe.
| כי המרו את רוחו ויבטא בשפתיו׃ |
34 Kabababhubhisanga abantu bezizwe njengalokhu ababekulaywe nguThixo,
| לא השמידו את העמים אשר אמר יהוה להם׃ |
35 kodwa baphithikana labezizwe bathatha imikhuba yazo.
| ויתערבו בגוים וילמדו מעשיהם׃ |
36 Bakhonza izithombe zazo, kwaba yisifu kubo.
| ויעבדו את עצביהם ויהיו להם למוקש׃ |
37 Benza imihlatshelo ngamadodana abo lamadodakazi abo emadimonini.
| ויזבחו את בניהם ואת בנותיהם לשדים׃ |
38 Bachitha igazi elalingelacala, igazi lamadodana lamadodakazi abo, abenza ngabo imihlatshelo yezithombe zaseKhenani, ilizwe langcola ngegazi labo.
| וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃ |
39 Bazingcolisa ngalokho abakwenzayo; ngezenzo zabo baziphatha njengeziphingi.
| ויטמאו במעשיהם ויזנו במעלליהם׃ |
40 Ngakho uThixo wabathukuthelela abantu bakhe wanengwa yilifa lakhe.
| ויחר אף יהוה בעמו ויתעב את נחלתו׃ |
41 Wabanikela kwabezizwe, izitha zabo zabusa phezu kwabo.
| ויתנם ביד גוים וימשלו בהם שנאיהם׃ |
42 Izitha zabo zabancindezela zababeka ngaphansi kwamandla azo.
| וילחצום אויביהם ויכנעו תחת ידם׃ |
43 Izikhathi ezinengi wabakhulula, kodwa babezimisele ukuhlamuka bacikizeka ngenxa yesono sabo.
| פעמים רבות יצילם והמה ימרו בעצתם וימכו בעונם׃ |
44 Kodwa wananzelela ukuhlupheka kwabo esezwile ukukhala kwabo;
| וירא בצר להם בשמעו את רנתם׃ |
45 ngenxa yokubahawukela wakhumbula isivumelwano sakhe, kwathi ngothando lwakhe olukhulu wadeda.
| ויזכר להם בריתו וינחם כרב חסדו׃ |
46 Wenza bonke labo ababebathumbile ukuthi babelesihawu kubo.
| ויתן אותם לרחמים לפני כל שוביהם׃ |
47 Sisindise, Oh Thixo Nkulunkulu wethu, usiqoqe usikhulule phakathi kwezizwe, ukuze silibonge ibizo lakho elingcwele sijabule ekukudumiseni.
| הושיענו יהוה אלהינו וקבצנו מן הגוים להדות לשם קדשך להשתבח בתהלתך׃ |
48 Kabongwe uThixo, uNkulunkulu ka-Israyeli, kusukela nini kuze kube nininini. Akuthi bonke abantu bathi, “Ameni!” Dumisani uThixo.
| ברוך יהוה אלהי ישראל מן העולם ועד העולם ואמר כל העם אמן הללו יה׃ |
