Salamo 34
1 Andriañeko an-tsà an-tsà t’Iehovà, am-bavako ao nainai’e ty fandrengeañ’ aze.
| לדוד-- בשנותו את-טעמו לפני אבימלך ויגרשהו וילך ב אברכה את-יהוה בכל-עת תמיד תהלתו בפי |
2 Mirenge am’ Iehovà ty troko; ie ho janjiñe’ o tretram-poo le hifalea’e.
| ביהוה תתהלל נפשי ישמעו ענוים וישמחו |
3 Antao hañonjoñe Iehovà, hitrao-pibango i Tahina’ey.
| גדלו ליהוה אתי ונרוממה שמו יחדו |
4 Nitsoeheko t’Iehovà, le tinoi’e, fonga nafaha’e amako ty fangebahebako.
| דרשתי את-יהוה וענני ומכל-מגורותי הצילני |
5 Niandra ama’e iereo le niloeloe, tsy ho kolopofen-kameñarañe ka ty tarehe’ iareo.
| הביטו אליו ונהרו ופניהם אל-יחפרו |
6 Nitoreo ty rarake, naho nijanjiñ’ aze t’Iehovà, vaho rinomba’e amo hasotria’e iabio.
| זה עני קרא ויהוה שמע ומכל-צרותיו הושיעו |
7 Mitobe mañohoke o mpañeveñe ama’eo ty anjeli’ Iehovà, vaho haha’e.
| חנה מלאך-יהוה סביב ליראיו ויחלצם |
8 Tsopeho vaho mahaisaha te soa t’Iehovà; fale t’indaty mitsolok’ ama’e!
| טעמו וראו כי-טוב יהוה אשרי הגבר יחסה-בו |
9 Mañeveña am’ Iehovà, ry navahe’eo! amy te tampe-draha irieñe ze mañeveñ’ ama’e.
| יראו את-יהוה קדשיו כי-אין מחסור ליראיו |
10 Mete mililitse vaho mifeake ty kerè o liona tora’eo; fe tsy ho po-kasoa o mitsoek’ Iehovào.
| כפירים רשו ורעבו ודרשי יהוה לא-יחסרו כל-טוב |
11 Mb’etoa, ry anake, tsendreño; hatoroko anahareo ty fañeveñañe am’ Iehovà.
| לכו-בנים שמעו-לי יראת יהוה אלמדכם |
12 Ia t’indaty misalala ho veloñe, naho mpitea andro, hahaisaha’e ty hasoa?
| מי-האיש החפץ חיים אהב ימים לראות טוב |
13 Afofio ami’ty raty ty famele’o, naho o soñi’oo tsy hivolam-pìtake.
| נצר לשונך מרע ושפתיך מדבר מרמה |
14 Iholiaro ty raty, le anò ty soa; mitsoeha filongoañe—le heaño.
| סור מרע ועשה-טוב בקש שלום ורדפהו |
15 Miatreke o vantañeo ty fihaino’ Iehovà, naho o fitoreo’eo o ravembia’eo.
| עיני יהוה אל-צדיקים ואזניו אל-שועתם |
16 Atreatrè’ Iehovà an-daharañe o mpanao ratio; aitoa’e an-tane atoy ty fitiahiañe iareo.
| פני יהוה בעשי רע להכרית מארץ זכרם |
17 Mikaike, le mijanjiñe t’Iehovà, ie haha’e amo hasotriañe iabio.
| צעקו ויהוה שמע ומכל-צרותם הצילם |
18 Marine’ ty mikoretse añ’arofo t’Iehovà, vaho rombahe’e o demok’ an-trok’aoo.
| קרוב יהוה לנשברי-לב ואת-דכאי-רוח יושיע |
19 Maro ty mañembetse o vañoñeo, fe avotso’ Iehovà ama’e iaby.
| רבות רעות צדיק ומכלם יצילנו יהוה |
20 Ambena’e iaby o taola’eo, leo raike tsy rifotse.
| שמר כל-עצמותיו אחת מהנה לא נשברה |
21 Havetra’ ty haratiañe ty lo-tsereke, vaho hafàtse ze malaiñe o vantañeo.
| תמותת רשע רעה ושנאי צדיק יאשמו |
22 Jebañe’ Iehovà ty fiai’ o mpitoro’eo, leo raik’ amo mitsolok’ ama’eo tsy hafàtse.
| פדה יהוה נפש עבדיו ולא יאשמו כל-החסים בו |
