Salamo 114

1 Fony nivoaka avy tany Egypta ny Isiraely, Dia ny taranak’ i Jakoba avy tany amin’ ny firenena hafa fiteny,

When Israel went forth out of Egypt, the house of Jacob from a people of foreign language;

2 Joda no fitoerany masìna, Isiraely no fanjakany.

Judah became his sanctuary, Israel his dominion.

3 Ny ranomasina nahita ka nandositra; Ary niorika Jordana.

The sea saw it, and fled. The Jordan was driven back.

4 Ny tendrombohitra dia nifalihavanja tahaka ny ondrilahy, Ary ny havoana tahaka ny zanak’ ondry.

The mountains skipped like rams, the little hills like lambs.

5 Inona izato mahazo anao, ry ranomasina, no mandositra ianao? Ary ianao, ry Jordana, no miorika ianao?

What was it, you sea, that you fled? You Jordan, that you turned back?

6 Ary ianareo tendrombohitra, no mifalihavanja tahaka ny ondrilahy; Ary ianareo havoana, tahaka ny zanak’ ondry?

You mountains, that you skipped like rams; you little hills, like lambs?

7 Mihorohoroa eo anatrehan’ ny Tompo, ry tany, Dia eo anatrehan’ Andriamanitr’ i Jakoba.

Tremble, you earth, at the presence of the Lord, at the presence of the God of Jacob,

8 Izay mampody ny vatolampy ho rano monina Ary ny afovato ho loharano.

who turned the rock into a pool of water, the flint into a spring of waters.