Salamo 111

1 Haleloia. Hidera an’ i Jehovah amin’ ny foko rehetra aho, Eo amin’ ny fivorian’ ny marina sy ny fiangonan-dehibe.

Hallelujah! I will celebrate Jehovah with [my] whole heart, in the council of the upright, and in the assembly.

2 Lehibe ny asan’ i Jehovah, Ka dinihin’ izay rehetra mankasitraka azy.

Great are the works of Jehovah; sought out of all that delight in them.

3 Madera sady malaza ny asany; Ary ny fahamarinany maharitra mandrakizay.

His work is majesty and splendour, and his righteousness abideth for ever.

4 Manao izay hahatsiarovana ny fahagagana ataony Izy; Miantra sy mamindra fo Jehovah.

He hath made his wonders to be remembered: Jehovah is gracious and merciful.

5 Nomeny hanina izay matahotra Azy; Tsarovany mandrakizay ny fanekeny.

He hath given meat unto them that fear him; he is ever mindful of his covenant.

6 Ny herin’ ny asany nasehony tamin’ ny olony. Tamin’ ny nanomezany azy ny lovan’ ny jentilisa.

He hath shewn his people the power of his works, to give them the heritage of the nations.

7 Ny asan’ ny tànany dia fahamarinana sy fitsarana; Mahatoky avokoa ny didiny rehetra;

The works of his hands are truth and judgment; all his precepts are faithful:

8 Mitoetra mafy mandrakizay doria ireny, Fa natao tamin’ ny fahamarinana sy ny fahitsiana.

Maintained for ever and ever, done in truth and uprightness.

9 Manatitra fanavotana ho an’ ny olony Izy; Efa nanorina ny fanekeny ho mandrakizay Izy; Masìna sy mahatahotra ny anarany.

He sent deliverance unto his people; he hath commanded his covenant for ever: holy and terrible is his name.

10 Ny fahatahorana an’ i Jehovah no fiandoham-pahendrena; Fahalalana tsara no ananan’ izay rehetra mankatò izany; Maharitra mandrakizay ny fiderana Azy.

The fear of Jehovah is the beginning of wisdom; a good understanding have all they that do [his precepts]: his praise abideth for ever.