Zabbuli 47

1 Ya Mukulu wa Bayimbi. Zabbuli ya Batabani ba Koola. Mukube mu ngalo mmwe amawanga gonna; muyimuse amaloboozi muyimbire nnyo Katonda ennyimba ez’essanyu;

למנצח לבני-קרח מזמור ב כל-העמים תקעו-כף הריעו לאלהים בקול רנה

2 Mukama Ali Waggulu Ennyo wa ntiisa. Ye Kabaka afuga ensi yonna.

כי-יהוה עליון נורא מלך גדול על-כל-הארץ

3 Yatujeemululira abantu, n’atujeemululira amawanga ne tugafuga.

ידבר עמים תחתינו ולאמים תחת רגלינו

4 Yatulondera omugabo gwaffe, Yakobo gw’ayagala mwe yeenyumiririza.

יבחר-לנו את-נחלתנו את גאון יעקב אשר-אהב סלה

5 Katonda alinnye waggulu ng’atenderezebwa mu maloboozi ag’essanyu eringi. Mukama alinnye nga n’amakondeere gamuvugira.

עלה אלהים בתרועה יהוה בקול שופר

6 Mutendereze Katonda, mumutendereze. Mumutendereze Kabaka waffe, mumutendereze.

זמרו אלהים זמרו זמרו למלכנו זמרו

7 Kubanga Katonda ye Kabaka w’ensi yonna, mumutendereze ne Zabbuli ey’ettendo.

כי מלך כל-הארץ אלהים-- זמרו משכיל

8 Katonda afuga amawanga gonna; afuga amawanga ng’atudde ku ntebe ye entukuvu.

מלך אלהים על-גוים אלהים ישב על-כסא קדשו

9 Abakungu bannaggwanga bakuŋŋanye ng’abantu ba Katonda wa Ibulayimu; kubanga Katonda y’afuga abakulembeze b’ensi. Katonda agulumizibwenga nnyo.

נדיבי עמים נאספו-- עם אלהי אברהם כי לאלהים מגני-ארץ-- מאד נעלה