Engero 14
1 Omukazi ow’amagezi yeezimbira ennyumba ye, naye omusirusiru eyiye agyemenyera n’emikono gye.
| חכמות נשים בנתה ביתה ואולת בידיה תהרסנו׃ |
2 Omuntu atambulira mu bugolokofu atya Mukama, naye ow’amakubo amakyamu anyooma Mukama.
| הולך בישרו ירא יהוה ונלוז דרכיו בוזהו׃ |
3 Ebigambo by’omusirusiru bye bimuviirako okukubwa, naye eby’abatuukirivu binaabakuumanga.
| בפי אויל חטר גאוה ושפתי חכמים תשמורם׃ |
4 Awataba nte nnume ezirima ebyagi biba bikalu, naye emmere ennyingi eva mu maanyi gaazo.
| באין אלפים אבוס בר ורב תבואות בכח שור׃ |
5 Omujulizi ow’amazima talimba, naye ow’obulimba ayogera bya bulimba.
| עד אמונים לא יכזב ויפיח כזבים עד שקר׃ |
6 Omukudaazi anoonya amagezi n’atagalaba, naye okumanya kwanguyira omuntu ategeera.
| בקש לץ חכמה ואין ודעת לנבון נקל׃ |
7 Teweeretereza muntu musirusiru, kubanga tewali by’amagezi biva mu kamwa ke.
| לך מנגד לאיש כסיל ובל ידעת שפתי דעת׃ |
8 Omutegeevu mugezi kubanga afaayo okutegeera by’akola, naye atalina magezi musirusiru kubanga yeerimba nti amanyi.
| חכמת ערום הבין דרכו ואולת כסילים מרמה׃ |
9 Abasirusiru banyooma okugololwa nga bakoze ensobi, naye abalongoofu baagala emirembe.
| אולים יליץ אשם ובין ישרים רצון׃ |
10 Buli mutima gumanya okulumwa kwagwo, tewali ayinza kugusanyukirako.
| לב יודע מרת נפשו ובשמחתו לא יתערב זר׃ |
11 Ennyumba y’abakozi b’ebibi erizikirizibwa, naye eweema y’abatuukirivu erikulaakulana.
| בית רשעים ישמד ואהל ישרים יפריח׃ |
12 Waliwo ekkubo erirabika nga ttuufu eri omuntu, naye ng’enkomerero yaalyo kufa.
| יש דרך ישר לפני איש ואחריתה דרכי מות׃ |
13 Enseko zandibaawo naye ng’omutima gujjudde ennaku, era n’enkomerero y’essanyu eyinza okufuuka obuyinike.
| גם בשחוק יכאב לב ואחריתה שמחה תוגה׃ |
14 Omuntu atalina kukkiriza alisasulwa empeera emusaanira olw’ebikolwa bye, n’omuntu omulungi naye alisasulwa eyiye.
| מדרכיו ישבע סוג לב ומעליו איש טוב׃ |
15 Ow’amagezi amatono amala gakkiriza buli kigambo ky’awulira, naye omuntu omutegeevu yeegendereza amakubo ge.
| פתי יאמין לכל דבר וערום יבין לאשרו׃ |
16 Omuntu ow’amagezi atya Mukama n’aleka okukola ebibi, naye omusirusiru yeepankapanka era teyeegendereza.
| חכם ירא וסר מרע וכסיל מתעבר ובוטח׃ |
17 Omuntu asunguwala amangu akola eby’obusirusiru, n’omukalabakalaba akyayibwa.
| קצר אפים יעשה אולת ואיש מזמות ישנא׃ |
18 Abatalina magezi basikira butaliimu, naye abategeevu batikkirwa engule ey’okumanya.
| נחלו פתאים אולת וערומים יכתרו דעת׃ |
19 Abakozi b’ebibi balivuunamira abatuukirivu, n’aboonoonyi ne bavuunama mu miryango gy’abatuukirivu.
| שחו רעים לפני טובים ורשעים על שערי צדיק׃ |
20 Omwavu alagajjalirwa abantu nga ne muliraanwa we omutwaliddemu, naye abagagga baba n’emikwano mingi.
| גם לרעהו ישנא רש ואהבי עשיר רבים׃ |
21 Anyooma muliraanwa we akola kibi, naye alina omukisa oyo asaasira abaavu.
| בז לרעהו חוטא ומחונן עניים אשריו׃ |
22 Abateekateeka okukola ebibi, tebawaba? Naye okwagala n’amazima binaabeeranga n’abo abateesa okukola obulungi.
| הלוא יתעו חרשי רע וחסד ואמת חרשי טוב׃ |
23 Buli mulimu ogukolebwa n’amaanyi gubaako amagoba, naye okwogera obwogezi kireeta bwavu bwokka.
| בכל עצב יהיה מותר ודבר שפתים אך למחסור׃ |
24 Abagezi bafuna engule ey’obugagga, naye obusirusiru bw’abatalina magezi buzaala busirusiru.
| עטרת חכמים עשרם אולת כסילים אולת׃ |
25 Omujulizi ow’amazima awonya obulamu bw’abantu, naye omujulizi ow’obulimba aba mulimba.
| מציל נפשות עד אמת ויפח כזבים מרמה׃ |
26 Atya Mukama alina ekiddukiro eky’amaanyi, era n’abaana be balibeera n’obuddukiro.
| ביראת יהוה מבטח עז ולבניו יהיה מחסה׃ |
27 Okutya Mukama ye nsulo y’obulamu, kuleetera omuntu okwewala emitego gy’okufa.
| יראת יהוה מקור חיים לסור ממקשי מות׃ |
28 Ekitiibwa kya kabaka kiri mu kuba n’abantu bangi, naye omukulembeze ataba n’abantu abeera mu kabi.
| ברב עם הדרת מלך ובאפס לאם מחתת רזון׃ |
29 Omuntu omugumiikiriza aba n’okutegeera kungi, naye oyo asunguwala amangu ayolesa obusirusiru.
| ארך אפים רב תבונה וקצר רוח מרים אולת׃ |
30 Omutima ogulina emirembe guwangaaza omuntu, naye obuggya buvunza amagumba ge.
| חיי בשרים לב מרפא ורקב עצמות קנאה׃ |
31 Omuntu atulugunya abaavu anyooma oyo eyabatonda, naye buli abakwatirwa ekisa, agulumiza Katonda.
| עשק דל חרף עשהו ומכבדו חנן אביון׃ |
32 Akacwano bwe kajja, omukozi w’ebibi agwa, naye omutuukirivu ne mu kufa aba n’obuddukiro.
| ברעתו ידחה רשע וחסה במותו צדיק׃ |
33 Amagezi gabeera mu mutima gw’omuntu alina okutegeera, era yeeyoleka ne mu basirusiru.
| בלב נבון תנוח חכמה ובקרב כסילים תודע׃ |
34 Obutuukirivu buzimba eggwanga, naye ekibi kiswaza abantu ab’engeri zonna.
| צדקה תרומם גוי וחסד לאמים חטאת׃ |
35 Kabaka asanyukira omuddu akola eby’amagezi, naye obusungu bwa kabaka bunaabuubuukiranga ku oyo akola ebiswaza.
| רצון מלך לעבד משכיל ועברתו תהיה מביש׃ |
