Banzembo 139

1 Wuta na buku ya mokambi ya bayembi. Nzembo ya Davidi. Yawe, omonaka mozindo ya bomoi na ngai mpe oyebi ngai malamu;

Para el músico principal. Un salmo de David. Yahvé, tú me has buscado, y tú me conoces.

2 oyebi tango navandaka mpe tango natelemaka. Liboso na ngai kokanisa, ososolaka mabongisi na ngai;

Tú sabes que me siento y me levanto. Percibes mis pensamientos desde lejos.

3 omonaka tango natambolaka mpe tango nalalaka, oyebi mozindo ya banzela na ngai nyonso.

Buscas mi camino y mi descanso, y están familiarizados con todos mis caminos.

4 Pamba te, oh Yawe, liboso ete liloba ekoma na lolemo na ngai, omiyebelaka yango.

Porque no hay una palabra en mi lengua, pero he aquí, Yahvé, que tú lo sabes todo.

5 Ozali pene ngai, na liboso mpe na sima, mpe osimbi ngai na loboko na Yo.

Me rodeas por detrás y por delante. Me pusiste la mano encima.

6 Solo, boyebi oyo ya kokamwa elekelaka ngai, ezali likolo makasi, nakoki kososola yango te.

Este conocimiento me supera. Es elevado. No puedo conseguirlo.

7 Nakende wapi mpo na kokima Molimo na Yo? Nakima wapi mpo na kozala mosika na Yo?

¿A dónde podría ir desde tu Espíritu? ¿O dónde podría huir de tu presencia?

8 Soki namati na likolo, ozali kuna; soki nakeyi na mboka ya bakufi, ozali lisusu kuna. (Sheol h7585)

Si subo al cielo, tú estás allí. Si hago mi cama en el Seol, ¡he aquí que estás tú! (Sheol h7585)

9 Soki nazwi mapapu ya lipekapeka mpo na kokende kovanda mosika ya ebale monene,

Si tomo las alas de la aurora, y se asientan en los confines del mar,

10 kuna mpe loboko na Yo ekotambolisa ngai, loboko na Yo ya mobali ekosimba ngai makasi.

hasta allí me llevará tu mano, y tu mano derecha me sostendrá.

11 Soki nalobi: « Tembe te, molili ekobomba ngai penza; tika ete pole ekoma butu zingazinga na ngai! »

Si digo: “Seguramente las tinieblas me abrumarán. La luz que me rodea será la noche”.

12 Epai na Yo, butu ezalaka molili te, butu ezalaka na pole lokola moyi, pole mpe molili ezali ndenge moko.

ni siquiera la oscuridad se esconde de ti, pero la noche brilla como el día. La oscuridad es como la luz para ti.

13 Ezali Yo nde okelaki mozindo ya bomoto na ngai, obombaki ngai kati na libumu ya mama na ngai.

Porque tú formaste mi ser más íntimo. Me tejiste en el vientre de mi madre.

14 Nasanzolaka Yo, pamba te osala ngai kitoko makasi. Misala na Yo ezali ya kokamwa; ngai, nayebi yango malamu.

Te daré las gracias, porque estoy hecho de manera temible y maravillosa. Sus obras son maravillosas. Mi alma lo sabe muy bien.

15 Na miso na Yo, nzoto na ngai ezalaki ya kobombama te tango osalaki ngai na esika ebombama, tango otongaki ngai kati na mozindo ya mabele.

Mi marco no se ocultó de ti, cuando me hicieron en secreto, tejidas en las profundidades de la tierra.

16 Tango nazalaki nanu na lolenge te, ozalaki komona ngai; mpe omikomelaki kati na buku na Yo mikolo nyonso oyo obongisaki mpo na bomoi na ngai liboso ete moko te kati na yango ezala.

Tus ojos vieron mi cuerpo. En su libro estaban todos escritos, los días que fueron ordenados para mí, cuando todavía no había ninguno.

17 Oh Nzambe, tala ndenge ezali pasi mpo na ngai kososola makanisi na Yo! Tala ndenge motango na yango ezali ebele!

¡Qué preciosos son para mí tus pensamientos, Dios! ¡Qué enorme es su suma!

18 Nameki kotanga yango, ezali ebele koleka motango ya bambuma ya zelo. Nalamuki, nazali kaka elongo na Yo.

Si quisiera contarlos, son más numerosos que la arena. Cuando me despierto, todavía estoy contigo.

19 Oh Nzambe, soki kaka ozalaki na Yo koboma moto mabe! Bino basopi makila ya bato, bokende mosika na ngai!

Si tú, Dios, mataras a los malvados. ¡Aléjense de mí, sanguinarios!

20 Bayini na Yo basalelaka Kombo na Yo mpo na kosala mabongisi ya mabe, batangaka Kombo na Yo mpo na kokosa.

Porque hablan contra ti con maldad. Tus enemigos toman tu nombre en vano.

21 Yawe, ndenge nini nayina te banguna na Yo, ndenge nini nayoka batelemeli na Yo nkele te?

Yahvé, ¿no odio a los que te odian? ¿No estoy afligido por los que se levantan contra ti?

22 Nayinaka bango makasi; nazwaka bango lokola banguna na ngai.

Los odio con un odio perfecto. Se han convertido en mis enemigos.

23 Oh Nzambe, kundola mpe yeba mozindo ya motema na ngai, meka ngai mpe yeba makambo oyo ezali kotungisa ngai!

Escúchame, Dios, y conoce mi corazón. Pruébame y conoce mis pensamientos.

24 Tala soki nazali kotambola na nzela mabe mpe tambolisa ngai na nzela ya tango nyonso!

Mira si hay algún camino perverso en mí, y guíame por el camino eterno.