Psalmorum 146

1 Alleluia, Aggaei, et Zachariae.

alleluia Aggei et Zacchariae

2 Lauda anima mea Dominum, laudabo Dominum in vita mea: psallam Deo meo quamdiu fuero. Nolite confidere in principibus:

lauda anima mea Dominum laudabo Dominum in vita mea psallam Deo meo quamdiu fuero nolite confidere in principibus

3 in filiis hominum, in quibus non est salus.

in filiis hominum quibus non est salus

4 Exibit spiritus eius, et revertetur in terram suam: in illa die peribunt omnes cogitationes eorum.

exibit spiritus eius et revertetur in terram suam in illa die peribunt omnes cogitationes eorum

5 Beatus, cuius Deus Iacob adiutor eius, spes eius in Domino Deo ipsius:

beatus cuius Deus Iacob adiutor eius spes eius in Domino Deo ipsius

6 qui fecit caelum et terram, mare, et omnia, quae in eis sunt.

qui fecit caelum et terram mare et omnia quae in eis

7 Qui custodit veritatem in saeculum, facit iudicium iniuriam patientibus: dat escam esurientibus. Dominus solvit compeditos:

qui custodit veritatem in saeculum facit iudicium iniuriam patientibus dat escam esurientibus Dominus solvit conpeditos

8 Dominus illuminat caecos. Dominus erigit elisos, Dominus diligit iustos.

Dominus inluminat caecos Dominus erigit adlisos Dominus diligit iustos

9 Dominus custodit advenas, pupillum et viduam suscipiet: et vias peccatorum disperdet.

Dominus custodit advenas pupillum et viduam suscipiet et viam peccatorum disperdet

10 Regnabit Dominus in saecula Deus tuus Sion, in generatione et generationem.

regnabit Dominus in saecula Deus tuus Sion in generationem et generationem