Job 28
1 “Oasr luf ma silver uh pukpukyak we; Oasr pac acn ma gold uh aknasnasyeyuk we.
| כי יש לכסף מוצא ומקום לזהב יזקו׃ |
2 Mwet uh pukanak osra liki ye fohk uh Ac munanla copper uh in kofelik ac sororla liki eot uh.
| ברזל מעפר יקח ואבן יצוק נחושה׃ |
3 Mwet uh suk pac acn ma lohsr oemeet in konauk ma oan we. Elos suk in acn loal lun faclu Ac pukanak yen lohsr uh in konauk eot uh.
| קץ שם לחשך ולכל תכלית הוא חוקר אבן אפל וצלמות׃ |
4 Loes liki acn ma mwet uh muta we — Acn ma falken mwet uh soenna fahsr we — Mwet uh pikin laf ye eol uh, Yen ma elos ac mukena orekma we. Elos ac atla na ke sucl uh ke elos ac orekma in luf uh.
| פרץ נחל מעם גר הנשכחים מני רגל דלו מאנוש נעו׃ |
5 Mwe mongo kapak infohk uh yak, A ye pacna infohk se inge Ma nukewa itungyuki ac musalsalu.
| ארץ ממנה יצא לחם ותחתיה נהפך כמו אש׃ |
6 Eot infohk uh oasr wek sapphire kac, Ac kutkut in faclu oasr gold kac.
| מקום ספיר אבניה ועפרת זהב לו׃ |
7 Won hawk uh tia ku in liye inkanek nu ke lufin puk ma saok uh, Won vulture tia pac wi sohksok fin acn inge.
| נתיב לא ידעו עיט ולא שזפתו עין איה׃ |
8 Wangin lion ku kutena kosro sulallal Wi forfor ke inkanek muku inge.
| לא הדריכהו בני שחץ לא עדה עליו שחל׃ |
9 “Mwet uh pikin eot ma arulana keke, Ac ikruiya eol uh ke elos pukanla pe eol uh.
| בחלמיש שלח ידו הפך משרש הרים׃ |
10 Ke elos ac putala lufin eot uh, Elos konauk wek na saok.
| בצורות יארים בקע וכל יקר ראתה עינו׃ |
11 Elos ac pikin nwe sun acn ma infacl uh soror we me, Ac oru tuh ma wikla oan yen lohsr uh in ku in liyeyuk.
| מבכי נהרות חבש ותעלמה יצא אור׃ |
12 Tusruktu, pia acn ma lalmwetmet uh ku in koneyukyak we? Kut ac luti ya kut in etala?
| והחכמה מאין תמצא ואי זה מקום בינה׃ |
13 “Lalmwetmet uh tia ma ac ku in koneyukyak yurin mwet uh; Wangin mwet etu lupan saokiya.
| לא ידע אנוש ערכה ולא תמצא בארץ החיים׃ |
14 Yen loal in meoa uh, ku inkof uh Fahk mu lalmwetmet uh tia koneyukyak we.
| תהום אמר לא בי היא וים אמר אין עמדי׃ |
15 Silver ac gold tia ku in sang moli.
| לא יתן סגור תחתיה ולא ישקל כסף מחירה׃ |
16 Gold ma wo oemeet, ku wek ma arulana saok, Tia ku in saok oana lalmwetmet uh.
| לא תסלה בכתם אופיר בשהם יקר וספיר׃ |
17 Lalmwetmet uh saok liki gold, Ac saok liki sufa orekla ke gold, ku glass ma wo emeet uh.
| לא יערכנה זהב וזכוכית ותמורתה כלי פז׃ |
18 Saok lun lalmwetmet uh yohk liki Ma saok inkof uh, ku wek crystal ac ruby.
| ראמות וגביש לא יזכר ומשך חכמה מפנינים׃ |
19 Wek topaz ac gold ma wo oemeet uh Tia ku in lumweyuk nu ke saok lun lalmwetmet uh.
| לא יערכנה פטדת כוש בכתם טהור לא תסלה׃ |
20 “Fin angan, na pia mutaweyen lalmwetmet? Kut ac luti ya kut in etala?
| והחכמה מאין תבוא ואי זה מקום בינה׃ |
21 Wangin ma oasr moul la ku in liye, Finne won ke pacl el sohksok uh el tia pac liye.
| ונעלמה מעיני כל חי ומעוף השמים נסתרה׃ |
22 Finne misa, ku mwe kunausla, Eltal fahk mu eltal lohng mukena ke srumunyuk.
| אבדון ומות אמרו באזנינו שמענו שמעה׃ |
23 “God mukena pa etu inkanek nu we, Ac etu lah lalmwetmet uh ac koneyukyak oya,
| אלהים הבין דרכה והוא ידע את מקומה׃ |
24 Mweyen El liye acn nukewa faclu, Ac liye ma nukewa ma oan ye kusrao.
| כי הוא לקצות הארץ יביט תחת כל השמים יראה׃ |
25 Ke God El sang ku nu sin eng uh, Ac wotela lah ac pia lupan meoa uh;
| לעשות לרוח משקל ומים תכן במדה׃ |
26 Ke pacl se God se sulela lah af uh ac kahkla oya, Ac inkanek ma pukunyeng in pulahl uh ac fahsr kac;
| בעשתו למטר חק ודרך לחזיז קלות׃ |
27 Pa ingan pacl se ma God El liye lalmwetmet, ac srikeya lupan woiya uh, Na El akkeyala.
| אז ראה ויספרה הכינה וגם חקרה׃ |
28 “God El fahk nu sin mwet uh, ‘Kowos fin ke lalmwetmet, kowos enenu in sunakin Leum. Ac kowos fin lungse etauk, kowos enenu in forla liki ma koluk.’”
| ויאמר לאדם הן יראת אדני היא חכמה וסור מרע בינה׃ |
