Sams-Zgame 132

1 Ra Anumzamoka Devitinku'ene, agrama maka knazampima manino e'neazankura kaganera okanio.

A Song of the going up. Lord, give thought to David, and to all his troubles;

2 Israeli vahe'mofo Hankavenentake Anumzamoka Deviti'ma huvempagema kagrite'ma hu'neana,

How he made an oath to the Lord, and gave his word to the great God of Jacob, saying,

3 amanage huno hu'ne, nagra nonirega vu'na, siparera uomasegahue huno hu'ne.

Truly, I will not come into my house, or go to my bed,

4 Nagra atre'nugeno navumo'a toko nosanige'na, navua kesuraki'na omase manine'na,

I will not give sleep to my eyes, or rest to my eyeballs,

5 Ra Anumzana Israeli vahe'mokizmi hankavenentake Anumzamo'ma manisania nona kite'na, mani frua hugahue hu'ne.

Till I have got a place for the Lord, a resting-place for the great God of Jacob.

6 Tagra Efrata (Betlehemi) kumate'ma manineta huhagerafi huvempage vogisimofo agenkea antahiteta, vuta Ja'ari mopafi me'negeta ome ke'none.

We had news of it at Ephrathah: we came to it in the fields of the wood.

7 Anante tagra huta, enketa Anumzamo'ma nemania nontega vuta, Agrama nemania kini tra'mofo agiafi monora huntesanune huta hu'none.

Let us go into his tent; let us give worship at his feet.

8 Ra Anumzamoka otinka Kagri hankavema huhamprino me'nea huhagerafi huvempage vogisimo'ma, Kagrama mani fruma hanana nompima nevanigenka, Kagrane enka ana nompinka umarerio.

Come back, O Lord, to your resting-place; you and the ark of your strength.

9 Kagri pristi vahe'mo'za za'za kukenama hiaza huza fatgo avu'ava zana eri nehankre'za, Kagri'ma hankavetiza kamage'ma nentaza vahe'mo'za, ranke hu'za zagamera nehu'za musenkasea hugahaze.

Let your priests be clothed with righteousness; and let your saints give cries of joy.

10 Kagri eri'za ne' Devitinku kagesa nentahinka, Kagraka'ama masavema frentenka huhampari'nana kini nera kamefira huomio.

Because of your servant David, do not give up your king.

11 Ra Anumzamo'a Devitina hankave huvempage hunte'neankino, ana huvempagea eri otregahie. Ana huvempa kema hu'neana, kagrama kasezmante'nana mofavre nagapinti mago'mofo huhampri antesnugeno kagri nona erino kinia manigahie, huno hu'ne.

The Lord gave a true oath to David, which he will not take back, saying, I will give your kingdom to the fruit of your body.

12 Hagi kagri ne'mofavre naga'mo'zama, nagrama huhagerafi'noa huvempa kene, kasegenema amage'ma antesageno'a, zamagripinti'ma fore hu anante anante'ma hu'za vanaza mofavre naga'mo'za kinia mani vava hu'za vugahaze.

If your children keep my word, and the teachings which I will give them, their children will be rulers of your kingdom for ever.

13 Na'ankure Ra Anumzamo'a Saion kuma hunehamprino, Nagri kuma mesie huno hu'ne.

For the Lord's heart is on Zion, desiring it for his resting-place.

14 Ra Anumzamo'a huno, ana kumara nagrama mani fru hanua kuma mevava hugahie. Na'ankure ana kumakura tusiza huno navenesianki'na, anampi nagra manigahue.

This is my rest for ever: here will I ever be; for this is my desire.

15 Ana kumapi vahe'mo'zama nazankuro atupa'ma hanaza zana, amne zamazeri knare nehu'na, ana kumapima zamunte omane vahe'ma mani'naza vahera ne'zana zami'nuge'za nezamu hugahaze.

My blessing will be on her food; and her poor will be full of bread.

16 Hagi Jerusalemima nemaniza pristi vahera za'za kukenama hiaza huna vahe'ma zmaguvazi zana eri hankre zamantegahue. Ana nehanuge'za hankaveti'za namage'ma nentaza vahe'mo'za, ranke hu'za zagamera nehu'za musenkasea hugahaze.

Her priests will be clothed with salvation; and her saints will give cries of joy.

17 Hanki Nagra Devitina hankave'a amigahue. Nagrama masavema taginte'na huhamprinte'noa ne'mo nagri vahe'mofo tavira manigahie.

There I will make the horn of David fertile: I have made ready a light for my king.

18 Nagra agri ha' vahera zamagaze zanu refite zmantegahue. Hianagi agra hihamu masa'ane kini ne' efore hugahie.

His haters will be clothed with shame; but I will make his crown shining.