Dagiti Salmo 81
1 Kantaanyo iti napigsa ti Dios a pigsatayo; idir-iyo ti ragsakyo a maipaay iti Dios ni Jacob.
| למנצח על-הגתית לאסף ב הרנינו לאלהים עוזנו הריעו לאלהי יעקב |
2 Agkantakayo ken tukarenyo ti pandereta, ti makaay-ayo ti unina a lira a mabuyogan iti arpa.
| שאו-זמרה ותנו-תף כנור נעים עם-נבל |
3 Puyotanyo ti tangguyob iti aldaw iti baro a bulan, iti aldaw ti kabus, inton mangrugi ti piestatayo.
| תקעו בחדש שופר בכסה ליום חגנו |
4 Ta daytoy ket linteg para iti Israel, maysa a bilin nga inted ti Dios ni Jacob.
| כי חק לישראל הוא משפט לאלהי יעקב |
5 Impaulogna daytoy a kas pagalagadan kenni Jose idi binusorna ti daga ti Egipto, a nakangngegak iti pagsasao a saanko nga ammo.
| עדות ביהוסף שמו-- בצאתו על-ארץ מצרים שפת לא-ידעתי אשמע |
6 “Inikkatko ti dadagsen iti abagana; nawaya-wayaan dagiti imana manipud iti panangig-iggemna iti basket.
| הסירותי מסבל שכמו כפיו מדוד תעברנה |
7 Iti panagtutuokyo, immawagkayo, ket tinulongankayo; sinungbatankayo manipud iti nasipnget nga ulep ti gurruod. Sinuotkayo kadagiti danum idiay Meriba. (Selah)
| בצרה קראת ואחלצך אענך בסתר רעם אבחנך על-מי מריבה סלה |
8 Dumngegkayo dakayo a tattaok, ta ballaagankayo, O Israel, no laeng koma ta dumngegkayo kaniak!
| שמע עמי ואעידה בך ישראל אם-תשמע-לי |
9 Masapul nga awan ti ganganaet a dios kadakayo; masapul a saanyo a dayawen ti aniaman a ganganaet a dios.
| לא-יהיה בך אל זר ולא תשתחוה לאל נכר |
10 Siak ni Yahweh a Diosyo, a nangiruar kadakayo manipud iti daga ti Egipto. Ingangam ta ngiwatmo, ket punnoek dayta.
| אנכי יהוה אלהיך-- המעלך מארץ מצרים הרחב-פיך ואמלאהו |
11 Ngem saan a dimngeg dagiti tattaok kadagiti sasaok; saannak nga impangag ti Israel.
| ולא-שמע עמי לקולי וישראל לא-אבה לי |
12 Isu nga inyawatko ida iti kinasukirda tapno maaramidda ti ipagarupda nga umno.
| ואשלחהו בשרירות לבם ילכו במועצותיהם |
13 No koma ta dumngeg kaniak dagiti tattaok; no koma ta magna dagiti tattaok kadagiti dalanko.
| לו--עמי שמע לי ישראל בדרכי יהלכו |
14 Ket dagus a parmekek dagiti kabusorda ken ibaw-ingko ti imak maibusor kadagiti mangidaddadanes kadakuada.
| כמעט אויביהם אכניע ועל צריהם אשיב ידי |
15 Agtigerger koma iti butengda dagiti manggurgura kenni Yahweh iti sangoananna! Maibabainda koma iti agnanayon.
| משנאי יהוה יכחשו-לו ויהי עתם לעולם |
16 Taraonakto ti Israel iti kasasayaatan a trigo; pennekenkayonto iti diro a naggapu kadagiti dadakkel a bato.”
| ויאכילהו מחלב חטה ומצור דבש אשביעך |
