Dagiti Salmo 20

1 Tulungannaka koma ni Yahweh iti aldaw ti riribuk; salaknibannaka koma ti nagan ti Dios ni Jacob

To the Chief Musician. A Melody of David. Yahweh answer thee, in the day of distress, The Name of the God of Jacob give thee safety;

2 ken mangibaon koma iti tulong manipud iti nasantoan a lugar a mangsaranay kenka nga aggapu iti Sion.

Send thy help out of the sanctuary, and, out of Zion, sustain thee;

3 Malagipna koma dagiti amin a datonmo ken awatenna ti datonmo a napuuran. (Sela)

Remember every present of thine, and, thine ascending-sacrifice, esteem. (Selah)

4 Patganna koma ti tarigagay ta pusom ken tungpalenna koma dagiti amin a panggepmo.

Give thee according to thy heart, and, all thy purposes, fulfil.

5 Ket agrag-okaminto iti panagballigim, ken, iti nagan ti Diostayo, itag-ayminto dagiti bandera. Patgan koma ni Yahweh dagiti amin a dawdawatmo.

We will shout aloud in thy salvation, and, in the Name of our God, shall we become great, Yahweh fulfil all thy petitions.

6 Ita, ammokon nga ispalento ni Yahweh ti pinulutanna; sungbatannanto isuna manipud iti nasantoan a langitna babaen iti pigsa ti makannawan nga imana a mangisalakan kenkuana.

Now, do I know that Yahweh, hath saved, his Anointed One, —He answereth him out of his holy heavens, by the mighty saving deeds of his own right hand.

7 Agtalek dagiti dadduma kadagiti karwahe ken dagiti dadduma kadagiti kabalio, ngem umawagtayo kenni Yahweh a Diostayo.

These, by chariots, and, those, by horses, but, we, by the Name of Yahweh our God, will prevail.

8 Mapaibabadanto ken mapasagda, ngem bumangontayonto ken agtakder a sililinteg!

They, have bowed down and fallen, but, we, have arisen, and stand upright.

9 O Yahweh, ispalem ti ari; tulungannakami no umawagkami.

Yahweh, hath saved the king. Answer us, then, on the day when we call.