תהילים 76

1 למנצח בנגינת מזמור לאסף שיר נודע ביהודה אלהים בישראל גדול שמו׃

Wuta na buku ya mokambi ya bayembi. Ezali ya koyemba na lindanda. Nzembo ya Azafi. Nzambe ayebani kati na Yuda; Kombo na Ye ezali monene kati na Isalaele.

2 ויהי בשלם סכו ומעונתו בציון׃

Ndako na Ye ya kapo ezali na Salemi; mpe esika na Ye ya kovanda ezali na Siona.

3 שמה שבר רשפי קשת מגן וחרב ומלחמה סלה׃

Ezali kuna nde abukaki makonga ya makasi, banguba, mipanga mpe bibundeli nyonso ya bitumba.

4 נאור אתה אדיר מהררי טרף׃

Ozali kongenga lokola mwinda, otonda na lokumu koleka bangomba ya babotoli bomengo ya bitumba.

5 אשתוללו אבירי לב נמו שנתם ולא מצאו כל אנשי חיל ידיהם׃

Bilombe nyonso ya mpiko bakweyisamaki, balalaki pongi na bango ya suka; basoda nyonso bakokaki lisusu te kotombola maboko.

6 מגערתך אלהי יעקב נרדם ורכב וסוס׃

Nzambe ya Jakobi, na kanda na Yo, bato oyo babundaka likolo ya bampunda elongo na bampunda bakweyi na somo.

7 אתה נורא אתה ומי יעמד לפניך מאז אפך׃

Solo, ozali somo! Nani akokoka kotelema liboso na Yo soki osiliki?

8 משמים השמעת דין ארץ יראה ושקטה׃

Wuta na likolo, osalaka ete mokano na Yo eyokana na matoyi ya bato; mokili ekomaka na kobanga mpe evandaka kimia

9 בקום למשפט אלהים להושיע כל ענוי ארץ סלה׃

tango, Yo Nzambe, otelemaka mpo na kosambisa mpe kobikisa banyokolami nyonso ya mokili.

10 כי חמת אדם תודך שארית חמת תחגר׃

Pamba te kanda makasi ya bato esanzolaka Yo, mpe olataka kanda ya batikali.

11 נדרו ושלמו ליהוה אלהיכם כל סביביו יובילו שי למורא׃

Epai ya Yawe, Nzambe na bino, bopesa bilaka mpe bokokisa yango. Tika ete bato nyonso oyo bazingeli Ye bamemela Nzambe ya somo makabo!

12 יבצר רוח נגידים נורא למלכי ארץ׃

Abukaka lolendo ya bakambi, mpe bakonzi ya mokili babangaka Ye.