תהילים 118
| הודו ליהוה כי טוב כי לעולם חסדו׃ | 1 |
Пәрвәрдигарға тәшәккүр ейтиңлар, чүнки У меһривандур; Униң меһир-муһәббити мәңгүдур!
| יאמר נא ישראל כי לעולם חסדו׃ | 2 |
Исраил: «Униң меһир-муһәббити мәңгүдур» — десун!
| יאמרו נא בית אהרן כי לעולם חסדו׃ | 3 |
Һарун җәмәти: «Униң меһир-муһәббити мәңгүдур» — десун!
| יאמרו נא יראי יהוה כי לעולם חסדו׃ | 4 |
Пәрвәрдигардин қорқидиғанлар: «Униң меһир-муһәббити мәңгүдур» — десун!
| מן המצר קראתי יה ענני במרחב יה׃ | 5 |
Қистақта қелип Яһға нида қилдим; Яһ җавап берип, мени кәңри-азатиликтә турғузди.
| יהוה לי לא אירא מה יעשה לי אדם׃ | 6 |
Пәрвәрдигар мән тәрәптидур, мән қорқмаймән; Инсан мени немә қилалисун?
| יהוה לי בעזרי ואני אראה בשנאי׃ | 7 |
Пәрвәрдигар маңа ярдәм қилғучилар арисида болуп, мениң тәрипимдидур; Өчмәнлиримниң мәғлубийитини көримән.
| טוב לחסות ביהוה מבטח באדם׃ | 8 |
Пәрвәрдигарни башпанаһим қилиш, Инсанға тайиништин әвзәлдур;
| טוב לחסות ביהוה מבטח בנדיבים׃ | 9 |
Пәрвәрдигарни башпанаһим қилиш, Әмирләргә тайиништин әвзәлдур.
| כל גוים סבבוני בשם יהוה כי אמילם׃ | 10 |
Барлиқ әлләр мени қоршивалди; Бирақ Пәрвәрдигарниң нами билән уларни һалак қилимән;
| סבוני גם סבבוני בשם יהוה כי אמילם׃ | 11 |
Улар мени қоршивалди; бәрһәқ, қоршивалди; Бирақ Пәрвәрдигарниң нами билән мән уларни һалак қилимән;
| סבוני כדבורים דעכו כאש קוצים בשם יהוה כי אמילם׃ | 12 |
Улар һәриләрдәк мени қоршивалди; Улар йеқилған янтақ отидәк тезла өчүрүлиду; Чүнки Пәрвәрдигарниң нами билән мән уларни һалак қилимән.
| דחה דחיתני לנפל ויהוה עזרני׃ | 13 |
Сән [дүшмән] мени зәрб билән иттәрдиң, Жиқилғили тас қалдим; Бирақ Пәрвәрдигар маңа ярдәмдә болди.
| עזי וזמרת יה ויהי לי לישועה׃ | 14 |
Күчүм вә нахшам болса Яһдур; У мениң ниҗатлиғим болди!
| קול רנה וישועה באהלי צדיקים ימין יהוה עשה חיל׃ | 15 |
Һәққанийларниң чедирлирида шатлиқ вә ниҗатлиқниң тәнтәнилири яңритилмақта; Пәрвәрдигарниң оң қоли зәпәр қучмақта!
| ימין יהוה רוממה ימין יהוה עשה חיל׃ | 16 |
Пәрвәрдигарниң оң қоли егиз көтирилгән! Пәрвәрдигарниң оң қоли зәпәр қучмақта!
| לא אמות כי אחיה ואספר מעשי יה׃ | 17 |
Мән өлмәймән, бәлки яшаймән, Яһниң қилғанлирини җакалаймән.
| יסר יסרני יה ולמות לא נתנני׃ | 18 |
Пәрвәрдигар маңа қаттиқ тәрбийә бәргән болсиму, Бирақ У мени өлүмгә тапшурмиди.
| פתחו לי שערי צדק אבא בם אודה יה׃ | 19 |
Һәққанийәт дәрвазилирини маңа ечип бериңлар; Мән киримән, Яһни мәдһийиләймән.
| זה השער ליהוה צדיקים יבאו בו׃ | 20 |
Бу Пәрвәрдигарниң дәрвазисидур; Һәққанийлар буниңдин кириду!
| אודך כי עניתני ותהי לי לישועה׃ | 21 |
Мән саңа тәшәккүр ейтимән; Чүнки Сән маңа җавап қайтурдуң, Һәм мениң ниҗатлиғим болдуң.
| אבן מאסו הבונים היתה לראש פנה׃ | 22 |
Тамчилар ташливәткән таш болса, Буҗәк теши болуп тикләнди.
| מאת יהוה היתה זאת היא נפלאת בעינינו׃ | 23 |
Бу иш Пәрвәрдигардиндур, Бу көзимиз алдида карамәт болди.
| זה היום עשה יהוה נגילה ונשמחה בו׃ | 24 |
Бу Пәрвәрдигар яратқан күндур; Биз униңда шатлинип хурсән болимиз.
| אנא יהוה הושיעה נא אנא יהוה הצליחה נא׃ | 25 |
Қутқузғайсән, и Пәрвәрдигар, Сәндин өтүнимән; Сәндин өтүнимән, бизни яшнатқайсән!
| ברוך הבא בשם יהוה ברכנוכם מבית יהוה׃ | 26 |
Пәрвәрдигарниң намида Кәлгүчигә мубарәк болсун! Биз Пәрвәрдигарниң өйидә туруп саңа «Мубарәк!» дәп товлидуқ.
| אל יהוה ויאר לנו אסרו חג בעבתים עד קרנות המזבח׃ | 27 |
Пәрвәрдигар Тәңридур; У үстимизгә нур бәргән; Һейтлиқ қурбанлиқни танилар билән бағлаңлар, — Қурбангаһниң мүңгүзлиригә илип бағлаңлар.
| אלי אתה ואודך אלהי ארוממך׃ | 28 |
Сән мениң Илаһимдурсән, Мән Саңа тәшәккүр ейтимән; Мениң Худайим, мән Сени улуқлаймән.
| הודו ליהוה כי טוב כי לעולם חסדו׃ | 29 |
Пәрвәрдигарға тәшәккүр ейтиңлар; Чүнки У меһривандур; Униң меһир-муһәббити мәңгүдур!
