מִשְׁלֵי 21

1 פלגי מים לב מלך ביד יהוה על כל אשר יחפץ יטנו׃

Ngoro ya mũthamaki ĩrĩ moko-inĩ ma Jehova; amĩroragia o kũrĩa ekwenda, o ta ũrĩa maaĩ moinithagĩrio mĩtaro-inĩ.

2 כל דרך איש ישר בעיניו ותכן לבות יהוה׃

Mũndũ oonaga mĩthiĩre yake yothe ĩrĩ mĩega, no Jehova athimaga ngoro.

3 עשה צדקה ומשפט נבחר ליהוה מזבח׃

Gwĩka ũrĩa kwagĩrĩire na ũrĩa ũrĩ kĩhooto nĩ gwĩtĩkagĩrwo nĩ Jehova gũkĩra kũruta igongona.

4 רום עינים ורחב לב נר רשעים חטאת׃

Maitho ma mwĩtũũgĩrio na ngoro ya mwĩtĩĩo, o icio tawa wa arĩa aaganu-rĩ, nĩ mehia!

5 מחשבות חרוץ אך למותר וכל אץ אך למחסור׃

Mĩbango ya arĩa marĩ kĩyo nĩĩrehaga uumithio, o ta ũrĩa ti-itherũ ihenya inene rĩrehaga ũthĩĩni.

6 פעל אוצרות בלשון שקר הבל נדף מבקשי מות׃

Kũgĩa na ũtonga na njĩra ya rũrĩmĩ rwa maheeni nĩ kĩbii gĩa gũthira, na nĩ mũtego wa gĩkuũ.

7 שד רשעים יגורם כי מאנו לעשות משפט׃

Haaro ya andũ arĩa aaganu ĩkaamakururia, ĩmeherie, nĩgũkorwo nĩmaregaga gwĩka ũrĩa kwagĩrĩire.

8 הפכפך דרך איש וזר וזך ישר פעלו׃

Njĩra ya mũndũ mũhĩtia nĩ njogomu, no mĩthiĩre ya mũndũ ũrĩa ũtarĩ mahĩtia nĩ mĩrũngarũ.

9 טוב לשבת על פנת גג מאשת מדונים ובית חבר׃

Nĩ kaba gũtũũra nyũmba-igũrũ, koine-inĩ, gũkĩra gũtũũra nyũmba thĩinĩ na mũtumia wa haaro.

10 נפש רשע אותה רע לא יחן בעיניו רעהו׃

Mũndũ ũrĩa mwaganu eriragĩria gwĩka o ũũru; ndaiguuagĩra mũndũ wa itũũra rĩake tha.

11 בענש לץ יחכם פתי ובהשכיל לחכם יקח דעת׃

Hĩndĩ ĩrĩa mũnyũrũrania aaherithio, arĩa maagĩte ũũgĩ nĩmohĩgaga; hĩndĩ ĩrĩa mũndũ mũũgĩ aataarwo nĩagĩĩaga na ũmenyo.

12 משכיל צדיק לבית רשע מסלף רשעים לרע׃

Ũrĩa Mũthingu, o we Ngai, nĩonaga nyũmba ya ũrĩa mwaganu, na akarehithĩria ũcio mwaganu mwanangĩko.

13 אטם אזנו מזעקת דל גם הוא יקרא ולא יענה׃

Mũndũ angĩhinga matũ ndakaigue kĩrĩro kĩa arĩa athĩĩni-rĩ, o nake agaakaya na ndone wa kũmwĩtĩka.

14 מתן בסתר יכפה אף ושחד בחק חמה עזה׃

Kĩheo kĩheanĩtwo na hitho nĩkĩhooreragia marakara, na ihaki ihithe nguo-inĩ rĩhooreragia mangʼũrĩ manene.

15 שמחה לצדיק עשות משפט ומחתה לפעלי און׃

Ituĩro rĩa kĩhooto rĩatuuo, rĩrehaga gĩkeno kũrĩ andũ arĩa athingu, no rĩrehaga kĩmako kũrĩ arĩa mekaga ũũru.

16 אדם תועה מדרך השכל בקהל רפאים ינוח׃

Mũndũ ũrĩa ũtiganaga na njĩra ya ũũgĩ, akaahurũkĩra kĩũngano-inĩ kĩa arĩa akuũ.

17 איש מחסור אהב שמחה אהב יין ושמן לא יעשיר׃

Mũndũ ũrĩa mwendi ikeno nĩagathĩĩna; ũrĩa wothe mwendi ndibei na maguta-rĩ, gũtirĩ hĩndĩ agaatonga.

18 כפר לצדיק רשע ותחת ישרים בוגד׃

Mũndũ ũrĩa mwaganu atuĩkaga irĩhi rĩa gũkũũra ũrĩa mũthingu, na ũrĩa ũtarĩ mwĩhokeku agatuĩka irĩhi rĩa gũkũũra ũrĩa mũrũngĩrĩru.

19 טוב שבת בארץ מדבר מאשת מדונים וכעס׃

Nĩ kaba gũtũũra werũ-inĩ, gũkĩra gũtũũra na mũtumia wa haaro na kũrakara narua.

20 אוצר נחמד ושמן בנוה חכם וכסיל אדם יבלענו׃

Thĩinĩ wa nyũmba ya mũndũ mũũgĩ nĩ kũrĩ mĩthemba yothe ya irio njega o na maguta, no mũndũ mũkĩĩgu arĩĩaga kĩrĩa gĩothe arĩ nakĩo.

21 רדף צדקה וחסד ימצא חיים צדקה וכבוד׃

Mũndũ ũrĩa ũthingataga ũthingu na wendani nĩagĩĩaga na muoyo, na ũgaacĩru, na gĩtĩĩo.

22 עיר גברים עלה חכם וירד עז מבטחה׃

Mũndũ mũũgĩ atharĩkagĩra itũũra inene rĩa andũ arĩa njamba, na akamomora kĩĩhitho kĩa hinya kĩrĩa mehokete.

23 שמר פיו ולשונו שמר מצרות נפשו׃

Mũndũ ũrĩa ũmenyagĩrĩra kanua gake na rũrĩmĩ rwake nĩeyeheragia mũtino-inĩ.

24 זד יהיר לץ שמו עושה בעברת זדון׃

Mũndũ mwĩtĩĩi na mwĩgereri, etagwo “Mũnyũrũria”; ekaga maũndũ make na mwĩtĩĩo mũnene.

25 תאות עצל תמיתנו כי מאנו ידיו לעשות׃

Merirĩria ma mũndũ kĩgũũta nĩmo makaamũũraga, tondũ moko make matiendaga kũruta wĩra.

26 כל היום התאוה תאוה וצדיק יתן ולא יחשך׃

Mũthenya wothe eriragĩria o makĩria, no arĩa athingu maheanaga mategũtara.

27 זבח רשעים תועבה אף כי בזמה יביאנו׃

Igongona rĩa mũndũ mwaganu nĩ kĩndũ kĩrĩ magigi: ĩ rĩtikĩrĩ magigi makĩria hĩndĩ ĩrĩa rĩrehetwo na ũhinga ngoro-inĩ!

28 עד כזבים יאבד ואיש שומע לנצח ידבר׃

Mũira wa maheeni nĩgũthira agaathira, nake ũrĩa ũmũthikagĩrĩria akaanangwo nginya tene.

29 העז איש רשע בפניו וישר הוא יכין דרכיו׃

Mũndũ mwaganu erũagĩrĩra na ũrũme, no mũndũ mũrũngĩrĩru nĩeciiragia ũhoro wa mĩthiĩre yake.

30 אין חכמה ואין תבונה ואין עצה לנגד יהוה׃

Gũtirĩ ũũgĩ, kana ũmenyi, kana kĩrĩra o na kĩrĩkũ kĩngĩhota gũũkĩrĩra Jehova.

31 סוס מוכן ליום מלחמה וליהוה התשועה׃

Mbarathi nĩĩharagĩrio nĩ ũndũ wa mũthenya wa mbaara, no ũhootani uumaga kũrĩ Jehova.