תהילים 37
| לדוד אל-תתחר במרעים אל-תקנא בעשי עולה | 1 |
Mikitahlou te chung a lungkham dan, thildihlou bolte jong thangse hih in.
| כי כחציר מהרה ימלו וכירק דשא יבולון | 2 |
Ajeh chu amaho khu hamhing banga molloi diu, nipilai pahchaho banga goplha loidiu ahi.
| בטח ביהוה ועשה-טוב שכן-ארץ ורעה אמונה | 3 |
Yahweh Pakai chu tahsa inlang thilpha bollin. Chutileh gamsunga lungmongin chengin natin nakhan touding ahi.
| והתענג על-יהוה ויתן-לך משאלת לבך | 4 |
Yahweh Pakai a kipah jingin, chutileh aman nalung sunga nangai chatchan napehding ahi.
| גול על-יהוה דרכך ובטח עליו והוא יעשה | 5 |
Nabol natoh jouse Yahweh Pakai a pelut jengin, ama chu tahsanin chutileh aman nakithopi ding ahi.
| והוציא כאור צדקך ומשפטך כצהרים | 6 |
Aman nathem na chu khovah banga muthimlah a avahdoh sahding ahi. Chuleh nachanchin jong sunlai nisa banga avahdoh sahding ahi.
| דום ליהוה-- והתחולל-לו אל-תתחר במצליח דרכו באיש עשה מזמות | 7 |
Yahweh Pakai masangah lungneng chan ngahhat in Aman ahintoh ding chu ngah hat in. Mi giloute ahaotheiukhu lungkhampi hih un, athilse gon ujong lunghimo peh hih in.
| הרף מאף ועזב חמה אל-תתחר אך-להרע | 8 |
Lungchom lunghan bolhih in! Lung sat a kon in jong kihei mangin. Nalung lhaso hih in hichun thilse lamma bou napui lut ding ahi.
| כי-מרעים יכרתון וקוי יהוה המה יירשו-ארץ | 9 |
Ajeh chu migiloute kisumang ding ahin, amavang Yahweh Pakai tahsan a dingdet ho chun gamsung alodiu ahi.
| ועוד מעט ואין רשע והתבוננת על-מקומו ואיננו | 10 |
Migilou hohi gangtah a mangthah diu ahin, amaho chu hol le jonglechun mangthai ding ahitaove.
| וענוים יירשו-ארץ והתענגו על-רב שלום | 11 |
Kisunem tah a umhon gamsung alodiu ahin, lungmong tah leh ninglhing tah a inchengdiu ahi.
| זמם רשע לצדיק וחרק עליו שניו | 12 |
Mi gilouten Elohim Pathen ngaisah miho douna ahinbol diu; Amahon engset sanna ahin nelpehdiu ahi.
| אדני ישחק-לו כי-ראה כי-יבא יומו | 13 |
Hinlah Yahweh Pakai in amaho chu ahin nuisat in, ajeh chu aman achung thu kitanna ding nikhou ahunglhun chu amui.
| חרב פתחו רשעים-- ודרכו קשתם להפיל עני ואביון לטבוח ישרי-דרך | 14 |
Mi-engsen hon mivaicha ho leh suhgam theija umte that dingin achemjam u hin asatdoh un, athalpiu hin loisal uvintin, thilpha bolte chu ahin suhmang gotdiu ahi.
| חרבם תבוא בלבם וקשתותם תשברנה | 15 |
Hinlah achemjam un amaho lungchang asutpai johding chuleh athalpiu chu bong ding ahi.
| טוב-מעט לצדיק-- מהמון רשעים רבים | 16 |
Ase bola thil tampi neisangin Elohim Pathen mite hia lhomcha nei aphachomjoi.
| כי זרועות רשעים תשברנה וסומך צדיקים יהוה | 17 |
Ajeh chu migiloute hatna chu kisumang ding, Pahen mite vang Yahweh Pakai in avenbit jing ding ahi.
| יודע יהוה ימי תמימם ונחלתם לעולם תהיה | 18 |
Ani ania Yahweh Pakai in themmona neilou hochu avetsui ding, chule amahon tonsotna mang louding gou chu alodiu ahi.
| לא-יבשו בעת רעה ובימי רעבון ישבעו | 19 |
Amahochu hahsat nikho jongleh kijumso loudiu kel lhah nikho jong leh angaichat ho anei teidiu ahi.
| כי רשעים יאבדו ואיבי יהוה כיקר כרים כלו בעשן כלו | 20 |
Migiloute mangthai diu ahi, Yahweh Pakai dougal miho jong loulaija pahcha tobang ahiuve-mei banga hung mang loi diu ahi.
| לוה רשע ולא ישלם וצדיק חונן ונותן | 21 |
Migilouten asumpa lah u anungsah ngaipouvin, Elohim Pathen mite vang hongphal tah a peh jeng ahiuve.
| כי מברכיו יירשו ארץ ומקלליו יכרתו | 22 |
Yahweh Pakai phatthei changhon gamsung alodiu ahin, aman asapset ho vang mangthah diu ahi.
| מיהוה מצעדי-גבר כוננו ודרכו יחפץ | 23 |
Elohim Pathen mite, Yahweh Pakai in akalsondan avetpeh in, ahinkho mandan jouse aman akipapin ahi.
| כי-יפל לא-יוטל כי-יהוה סומך ידו | 24 |
Amaho chu kipal jongleu lhupai loudiu, ajeh chu Yahweh Pakai in akhut in atuh jing ui.
| נער הייתי-- גם-זקנתי ולא-ראיתי צדיק נעזב וזרעו מבקש-לחם | 25 |
Phat khat lai chun khangdong kahin tun kateh tai, ahin Elohim Pathen mite paidoh a aumlam kahepon, achateo jong khutdon apangkhapouve.
| כל-היום חונן ומלוה וזרעו לברכה | 26 |
Elohim Pathen miten khotona neitah in sumpa ahomjiuvin, chuleh achateojong phatthei achang jiuve.
| סור מרע ועשה-טוב ושכן לעולם | 27 |
Thilse akonin kiheidoh in thilpha bol in, chutileh tonsot a gamsunga nachen ding ahi.
| כי יהוה אהב משפט ולא-יעזב את-חסידיו לעולם נשמרו וזרע רשעים נכרת | 28 |
Ajeh chu Yahweh Pakai in thudih bou adei in, Elohim Pathen in acha teu jong donlou a akoi louhel ding ahi. Aman ahoibit jing ding, Gitlou bol chate vang mangthah diu ahi.
| צדיקים יירשו-ארץ וישכנו לעד עליה | 29 |
Elohim Pathen chaten gamsung alodiu ahin, tonsotna cheng jingdiu ahi.
| פי-צדיק יהגה חכמה ולשונו תדבר משפט | 30 |
Elohim Pathen mite kamsunga thudih apotjin adihle adihlou ahilthem jiuve.
| תורת אלהיו בלבו לא תמעד אשריו | 31 |
Elohim Pathen Dan chu amaho changval din akisan un, hijeh a chu Ama lampi a konna vah lonle loudiu ahi.
| צופה רשע לצדיק ומבקש להמיתו | 32 |
Migilou ten Elohim Pathen mite achanglhi leuvin, suhmang nading lampi ahol jiuve.
| יהוה לא-יעזבנו בידו ולא ירשיענו בהשפטו | 33 |
Hinlah Yahweh Pakai in migiloute alolhin sah louhel ding Elohim Pathen in mikitah te patepna a aum tengu le themmo achan louhel ding ahi.
| קוה אל-יהוה ושמר דרכו וירוממך לרשת ארץ בהכרת רשעים תראה | 34 |
Yahweh Pakai ah kinem jingin. Alamlhong achun ching thei tah in lamjot in. Aman nadopsang a agam leiset nalosah ding ahi. Migilou te manthahvang namu ding ahi.
| ראיתי רשע עריץ ומתערה כאזרח רענן | 35 |
Keiman migilou le khotonabei te Lebanon gama Ceder thingphung phatah banga akhantouvu kamui.
| ויעבר והנה איננו ואבקשהו ולא נמצא | 36 |
Ahin kanungvet kitle, ana beisoh taove! Ken kahol le vang in kamudoh joutapoi!
| שמר-תם וראה ישר כי-אחרית לאיש שלום | 37 |
Milungtheng holeh miphaho khu veovin, chamna adei hochu amakhouva thilphatah in angah jing ui.
| ופשעים נשמדו יחדו אחרית רשעים נכרתה | 38 |
Hinla thilse bolte suhmanga umdiu ahi; amahon khonung hinkho aneipouve.
| ותשועת צדיקים מיהוה מעוזם בעת צרה | 39 |
Yahweh Pakai in mikitah te chu ahuhdoh jin; boina nikho hoa jong Amahi akulpiu ahi.
| ויעזרם יהוה ויפלטם יפלטם מרשעים ויושיעם--כי-חסו בו | 40 |
Aman amaho chu akithopin, migiloutea kon in ahuhdohjin ahi. Aman amahochu ahuhdoh in, amahon ama a lungmon na anei un ahi.
