תהילים 24
| לדוד מזמור ליהוה הארץ ומלואה תבל וישבי בה | 1 |
[Psalm lal David] Faclu ac koano ma lun LEUM GOD; Faclu ac elos nukewa su muta fac ma pac lun LEUM GOD.
| כי-הוא על-ימים יסדה ועל-נהרות יכוננה | 2 |
El tulokinya fin kof lulap ye faclu, Ac oakiya ke acn loal meoa.
| מי-יעלה בהר-יהוה ומי-יקום במקום קדשו | 3 |
Su ac fah ku in fanyak nu fineol sin LEUM GOD? Ac su ac ku in utyak nu in acn mutal sel?
| נקי כפים ובר-לבב אשר לא-נשא לשוא נפשי ולא נשבע למרמה | 4 |
El su nasnas pao ac mutal insia; El tia alu nu ke ma sruloala Ku orek wulela kikiap.
| ישא ברכה מאת יהוה וצדקה מאלהי ישעו | 5 |
LEUM GOD, su langoella, El ac fah akinsewowoyal ac fahkak lah wangin mwatal.
| זה דור דרשו מבקשי פניך יעקב סלה | 6 |
Mwet ouinge pa elos su sokol, Su suk in tuku nu ye mutun God lal Jacob.
| שאו שערים ראשיכם והנשאו פתחי עולם ויבוא מלך הכבוד | 7 |
Keyak sifowos, O kowos mutunpot; Ac srukak na nu lucng, kowos mutunpot omeet me, Tuh Tokosra lun wolana Elan utyak.
| מי זה מלך הכבוד יהוה עזוז וגבור יהוה גבור מלחמה | 8 |
Su Tokosra lun wolana? LEUM GOD su ku ac kulana, LEUM GOD su kutangla ke mweun.
| שאו שערים ראשיכם ושאו פתחי עולם ויבא מלך הכבוד | 9 |
Keyak sifowos, O kowos mutunpot; Ac srukak na nu lucng, kowos mutunpot omeet me, Tuh Tokosra lun wolana Elan utyak.
| מי הוא זה מלך הכבוד יהוה צבאות-- הוא מלך הכבוד סלה | 10 |
Su Tokosra lun wolana? LEUM GOD lun un mwe mweun — El pa Tokosra lun wolana!
