תהילים 112

1 הללו-יה אשרי-איש ירא את-יהוה במצותיו חפץ מאד

Yabi Ubangiji. Mai albarka ne mutumin da yake tsoron Ubangiji, wanda yakan sami farin ciki mai girma a umarnansa.

2 גבור בארץ יהיה זרעו דור ישרים יברך

’Ya’yansa za su zama manya a ƙasar; tsaran masu aikata gaskiya za su sami albarka.

3 הון-ועשר בביתו וצדקתו עמדת לעד

Wadata da arziki suna a cikin gidansa, adalcinsa zai dawwama har abada.

4 זרח בחשך אור לישרים חנון ורחום וצדיק

Ko a cikin duhu haske kan haskaka wa mai aikata gaskiya, mai alheri mai tausayi da kuma mai adalci.

5 טוב-איש חונן ומלוה יכלכל דבריו במשפט

Abu mai kyau zai zo masa shi da yake kyauta yake kuma ba da bashi hannu sake, shi da yake yin al’amuransa cikin gaskiya.

6 כי-לעולם לא-ימוט לזכר עולם יהיה צדיק

Tabbatacce ba zai taɓa jijjigu ba; za a tuna da mai adalci har abada.

7 משמועה רעה לא יירא נכון לבו בטח ביהוה

Ba zai ji tsoron labari marar daɗi ba; zuciyarsa tsayayyiya ce, tana dogara ga Ubangiji.

8 סמוך לבו לא יירא עד אשר-יראה בצריו

Zuciyarsa tana da kāriya, ba zai ji tsoro ba; a ƙarshe zai zama mai nasara a kan maƙiyansa.

9 פזר נתן לאביונים-- צדקתו עמדת לעד קרנו תרום בכבוד

Ya rarraba kyautansa ga matalauta, adalcinsa zai dawwama har abada; za a ɗaga ƙahonsa sama da bangirma.

10 רשע יראה וכעס-- שניו יחרק ונמס תאות רשעים תאבד

Mugun mutum zai gani yă kuma yi fushi, zai ciza haƙora yă kuma lalace; sha’awace-sha’awacen mugaye za su zo ga ƙarshe.