איוב 30
| ועתה שחקו עלי-- צעירים ממני לימים אשר-מאסתי אבותם-- לשית עם-כלבי צאני | 1 |
Ita, dagiti ub-ubing ngem siak ket awan ti ar-aramidenda no di ti manglais kaniak- dagitoy nga agtutubo a dagiti ammada ket pinagkedkedak koma nga agtrabaho a kadua dagiti asok iti arbanko.
| גם-כח ידיהם למה לי עלימו אבד כלח | 2 |
Pudno, ti kinapigsa dagiti ima ti amada, kasano koma a natulongandak - dagiti lallaki a ti kinapigsa ti kinalakayda ket napukawen?
| בחסר ובכפן גלמוד הערקים ציה--אמש שואה ומשאה | 3 |
Narapisda gapu iti kinapanglaw ken bisin; nagkibkibda iti namaga a daga idiay kasipngetan ti let-ang ken iti disso nga awan matagtagitaona.
| הקטפים מלוח עלי-שיח ושרש רתמים לחמם | 4 |
Nagpag-utda kadagiti naraboy a mulmula; dagiti ramut ti buyboy ti nagbalin a taraonda.
| מן-גו יגרשו יריעו עלימו כגנב | 5 |
Napapanawda manipud kadagiti tattao a nangpukkaw kadakuada, a kasla iti panangpukkaw iti maysa a tao iti agtatakaw.
| בערוץ נחלים לשכן חרי עפר וכפים | 6 |
Isu a nagnaedda kadagiti tanap nga asideg iti karayan, kadagiti rukib ken kadagiti dadakkel a bato.
| בין-שיחים ינהקו תחת חרול יספחו | 7 |
Aggaraigida a kasla kadagiti asno iti nagbabaetan dagiti naraboy a mulmula; naguummongda iti sirok dagiti narabuy a mulmula.
| בני-נבל גם-בני בלי-שם-- נכאו מן-הארץ | 8 |
Kaputotan ida dagiti maag, wen, dagiti awan serserbina a tattao; napapanawda iti daga babaen kadagiti saplit.
| ועתה נגינתם הייתי ואהי להם למלה | 9 |
Ngem ita, pinagbalindak dagiti annakda a lallaki a pakasaritaan para iti kanta ti panglais; pudno, maysaak itan a paga-angawan kadakuada.
| תעבוני רחקו מני ומפני לא-חשכו רק | 10 |
Karuroddak ken ad-adaywandak; kanayonda a tuptupraan ti rupak.
| כי-יתרו (יתרי) פתח ויענני ורסן מפני שלחו | 11 |
Ta pinugsat ti Dios ti tali ti panak ket pinarigatnak, ken isu a napukaw amin ti panagteppel dagitoy a tattao iti sangoanak.
| על-ימין פרחח יקומו רגלי שלחו ויסלו עלי ארחות אידם | 12 |
Iti makannawan nga imak ken tumakder dagiti naranggas a tattao; pappapanawendak ken igabsuonda kaniak dagiti wagas ti panangdadaelda.
| נתסו נתיבתי להותי יעילו לא עזר למו | 13 |
Daddadaelenda ti dalanko; iyas-asidegda ti didigra kaniak, lallaki nga awan ti uray maysa a manganawa kadakuada.
| כפרץ רחב יאתיו תחת שאה התגלגלו | 14 |
Umaydak darupen a kasla maysa nga armada manipud iti nalawa nga abot iti pader ti siudad; itulidda dagiti bagbagida kaniak iti katingngaan ti pannakadadael.
| ההפך עלי בלהות תרדף כרוח נדבתי וכעב עברה ישעתי | 15 |
Ti buteng ti nanglapunos kaniak; naipanaw ti dayawko a kasla intayab ti angin; napukaw ti kinarang-ayko a kasla ulep.
| ועתה--עלי תשתפך נפשי יאחזוני ימי-עני | 16 |
Ita, maibukbukbok ti biagko manipud iti kaunggak; dagiti aldaw ti panagsagsagaba ti nangtengngel kaniak.
| לילה--עצמי נקר מעלי וערקי לא ישכבון | 17 |
Iti rabii, agut-ot dagiti tulangko; saan a sumardeng ti ut-ot a kasla mangkibkibkib kaniak.
| ברב-כח יתחפש לבושי כפי כתנתי יאזרני | 18 |
Ginammatan ti kinapigsa ti Dios ti pagan-anayko; naiputipot daytoy kaniak a kasla iti kwelyo ti nagayad a pagan-anayko.
| הרני לחמר ואתמשל כעפר ואפר | 19 |
Impalladawnak iti kapitakan; nagbalinak a kasla tapok ken dapu.
| אשוע אליך ולא תענני עמדתי ותתבנן בי | 20 |
Immasugak kenka, O Dios, ngem dinak sungsungbatan; timmakderak, ket kimmitaka laeng kaniak.
| תהפך לאכזר לי בעצם ידך תשטמני | 21 |
Nagbaliwkan ket nagbalinka a naulpit kaniak; babaen iti bileg ti imam, pinarigatnak.
| תשאני אל-רוח תרכיבני ותמגגני תשוה (תשיה) | 22 |
Impangatonak iti angin ket impallatoknak daytoy; dinadaelnak iti bagio.
| כי-ידעתי מות תשיבני ובית מועד לכל-חי | 23 |
Ta ammok nga ipannakto iti patay, ti balay a nakaitudingan ti amin a sibibiag.
| אך לא-בעי ישלח-יד אם-בפידו להן שוע | 24 |
Nupay kasta, awan kadi ti tao a mangiyunnat iti imana a dumawat iti tulong no matinnag isuna? Awan kadi ti mariribukan a tao a dumawat iti tulong?
| אם-לא בכיתי לקשה-יום עגמה נפשי לאביון | 25 |
Saanak kadi a nagsangit para kenkuana a mariribukan? Saanak kadi a nagladingit para iti agkasapulan a tao?
| כי טוב קויתי ויבא רע ואיחלה לאור ויבא אפל | 26 |
Idi nagbirukak ti naimbag, ket dakes ti dimteng; idi nagurayak iti lawag, kinasipnget ketdi ti dimteng.
| מעי רתחו ולא-דמו קדמני ימי-עני | 27 |
Mariribukan ti pusok ken saan nga agtalna; dimteng kaniak dagiti aldaw ti pannakaparigat.
| קדר הלכתי בלא חמה קמתי בקהל אשוע | 28 |
Ngimmisiten ti kudilko ngem saan a gapu iti init; nagtakderak iti taripnong ket dimmawatak iti tulong.
| אח הייתי לתנים ורע לבנות יענה | 29 |
Kakabsatdak dagiti atap nga aso a kadua dagiti kullaaw.
| עורי שחר מעלי ועצמי-חרה מני-חרב | 30 |
Nangisit ti kudilko ken agregregda manipud iti bagik; kasla napuoran dagiti tulangko gapu iti pudot.
| ויהי לאבל כנרי ועגבי לקול בכים | 31 |
Ngarud, ti arpak ket nakatono kadagiti kanta a pangladingit, ti plautak a para iti panagkanta dagiti agdungdung-aw.
