Zabura 122

1 Waƙar haurawa. Ta Dawuda. Na yi farin ciki tare da waɗanda suka ce da ni, “Bari mu tafi gidan Ubangiji.”

שיר המעלות לדוד שמחתי באמרים לי בית יהוה נלך׃

2 Ƙafafunmu suna tsaye a ƙofofinki, ya Urushalima.

עמדות היו רגלינו בשעריך ירושלם׃

3 An gina Urushalima kamar birnin da aka yi a harhaɗe wuri guda.

ירושלם הבנויה כעיר שחברה לה יחדו׃

4 A can ne kabilu suke haurawa, kabilan Ubangiji, don su yabi sunan Ubangiji bisa ga farillan da aka ba wa Isra’ila.

ששם עלו שבטים שבטי יה עדות לישראל להדות לשם יהוה׃

5 A can kursiyoyin shari’a yake tsaye, kursiyoyin gidan Dawuda.

כי שמה ישבו כסאות למשפט כסאות לבית דויד׃

6 Ku yi addu’a don salamar Urushalima, “Bari waɗanda suke ƙaunarki su zauna lafiya.

שאלו שלום ירושלם ישליו אהביך׃

7 Bari salama ta kasance a katangarki zaman lafiya kuma a fadodinki.”

יהי שלום בחילך שלוה בארמנותיך׃

8 Saboda’yan’uwana da kuma abokaina, zan ce, “Salama tă kasance tare da ke.”

למען אחי ורעי אדברה נא שלום בך׃

9 Saboda gidan Ubangiji Allahnmu, zan nemi wadatarki.

למען בית יהוה אלהינו אבקשה טוב לך׃