Ayuba 5
1 “Ka yi kira in kana so, amma wa zai amsa maka? Wurin waɗanne tsarkaka za ka juya?
| קרא-נא היש עונך ואל-מי מקדשים תפנה |
2 Fushi yana kashe wawa, ƙyashi kuma yana kashe marar azanci.
| כי-לאויל יהרג-כעש ופתה תמית קנאה |
3 Ni ma na ga wawa yana cin gaba, amma nan da nan gidansa ya zama la’ananne.
| אני-ראיתי אויל משריש ואקוב נוהו פתאם |
4 ’Ya’yansa suna cikin hatsari, ba wanda zai tsaya musu a gaban alƙali,
| ירחקו בניו מישע וידכאו בשער ואין מציל |
5 mayunwata sun kwashe girbinsa, har abubuwan da suke cikin ƙaya, masu jin ƙishirwa kuma suna zuba ido ga dukiyarsa.
| אשר קצירו רעב יאכל--ואל-מצנים יקחהו ושאף צמים חילם |
6 Gama ba daga cikin ƙasa wahala take fitowa ba, ko kuma bala’i daga ƙasa.
| כי לא-יצא מעפר און ומאדמה לא-יצמח עמל |
7 Duk da haka an haifi mutum don wahala ne, kamar yadda ba shakka tartsatsin wuta yake tashi.
| כי-אדם לעמל יולד ובני-רשף יגביהו עוף |
8 “Amma da a ce ni ne, da zan roƙi Allah; zan gaya masa damuwata.
| אולם--אני אדרש אל-אל ואל-אלהים אשים דברתי |
9 Yana yin abubuwan al’ajabi waɗanda ba a ganewa, mu’ujizai waɗanda ba a ƙirgawa.
| עשה גדלות ואין חקר נפלאות עד-אין מספר |
10 Yana zuba ruwan sama a ƙasa; yana zuba ruwa a gonaki.
| הנתן מטר על-פני-ארץ ושלח מים על-פני חוצות |
11 Yana ɗaukaka masu sauƙinkai, yana kāre waɗanda suke makoki.
| לשום שפלים למרום וקדרים שגבו ישע |
12 Yana dagula shirye-shiryen masu wayo don kada su yi nasara cikin abubuwan da suke shirin yi.
| מפר מחשבות ערומים ולא-תעשנה ידיהם תשיה |
13 Yana kama masu wayo cikin wayonsu, yana kawar da shirye-shiryensu ba za su yi nasara ba.
| לכד חכמים בערמם ועצת נפתלים נמהרה |
14 Da rana sukan yi karo da duhu; da rana ma suna lallube kamar a duhun dare suke.
| יומם יפגשו-חשך וכלילה ימששו בצהרים |
15 Yana ceton matalauta daga takobin da za tă kashe su da shi; yana cetonsu daga hannun waɗanda suka fi su ƙarfi.
| וישע מחרב מפיהם ומיד חזק אביון |
16 Saboda haka matalauta suna da bege, rashin gaskiya kuma ta yi shiru.
| ותהי לדל תקוה ועלתה קפצה פיה |
17 “Mai albarka ne wanda Allah yake yi masa gyara in mutumin ya yi kuskure; saboda haka kada ka guje wa horon Maɗaukaki.
| הנה אשרי אנוש יוכחנו אלוה ומוסר שדי אל-תמאס |
18 Ko da yake yana sa ciwo, shi ne kuma yake warkar da ciwon; ciwon da ya ji maka, shi da kansa zai warkar da shi.
| כי הוא יכאיב ויחבש ימחץ וידו תרפינה |
19 Zai cece ka daga bala’o’i guda shida; har bakwai ma ba abin da zai same ka.
| בשש צרות יצילך ובשבע לא-יגע בך רע |
20 Lokacin yunwa yana tsare ka daga mutuwa, a cikin yaƙi kuma yana kāre ka daga sarar takobi.
| ברעב פדך ממות ובמלחמה מידי חרב |
21 Zai kāre ka daga ɓata suna, kuma ba ka bukata ka ji tsoro in hallaka ta zo.
| בשוט לשון תחבא ולא-תירא משד כי יבוא |
22 Za ka yi wa hallaka da yunwa dariya; kuma ba ka bukata ka ji tsoron manyan namun jeji.
| לשד ולכפן תשחק ומחית הארץ אל-תירא |
23 Gama za ka zauna lafiya da duwatsu a gonaki, kuma manyan namun jeji za su yi zaman salama da kai.
| כי עם-אבני השדה בריתך וחית השדה השלמה-לך |
24 Za ka zauna lafiya a cikin tenti naka, za ka ƙirga kayanka za ka samu kome na nan.
| וידעת כי-שלום אהלך ופקדת נוך ולא תחטא |
25 Za ka san cewa’ya’yanka za su zama da yawa, zuriyarka kuma kamar ciyawa a ƙasa.
| וידעת כי-רב זרעך וצאצאיך כעשב הארץ |
26 Za ka yi kyakkyawan tsufa kafin ka mutu, kamar yadda ake tara dammuna a lokacin girbi.
| תבוא בכלח אלי-קבר כעלות גדיש בעתו |
27 “Mun yi nazarin wannan, kuma gaskiya ne. Saboda haka ka ji, ka kuma yi amfani da shi.”
| הנה-זאת חקרנוה כן-היא שמענה ואתה דע-לך |
