Resansman 33
1 Sa se vwayaj a fis Israël yo sou sila yo te sòti nan peyi Égypte la pa lame pa yo, anba direksyon Moïse avèk Aaron.
Men non tout kote moun Izrayèl yo te pase depi apre yo tout te soti kite peyi Lejip tankou yon lame, avèk Moyiz ak Arawon alatèt yo.
2 Moïse te ekri yon rapò pou montre pwent kòmansman nan vwayaj yo selon kòmand SENYÈ a, e sa yo se vwayaj selon pwent kòmansman sila yo.
Dapre lòd Seyè a te bay Moyiz, chak kote yo te rive, li te make non kote a anvan yo reprann vwayaj yo.
3 Yo te vwayaje soti nan Ramsès nan premye mwa a, sou kenzyèm jou a. Nan jou apre Pak la, fis Israël yo te soti avèk gwo kouraj devan zye a tout Ejipsyen yo,
Moun pèp Izrayèl yo te kite lavil Ranmsès jou ki te kenzyèm jou nan premye mwa a, yon jou apre premye Fèt Delivrans lan. Yo soti kite peyi a devan je tout moun peyi Lejip yo san pesonn pa di yo anyen.
4 pandan tout Ejipsyen yo t ap antere tout premye ne ke SENYÈ a te frape detwi pami yo. SENYÈ a te osi egzekite jijman sou dye ki te pou yo.
Lè sa a, moun peyi Lejip yo t'ap antere premye pitit gason yo. Se Seyè a menm ki te touye yo. Se konsa li te fè wè li gen plis pouvwa pase bondye moun peyi Lejip yo
5 Alò, fis a Israël yo te vwayaje soti Ramsès pou te fè kan nan Succoth.
Moun pep Izrayèl yo kite lavil Ranmsès, yo rive yon kote ki rele Soukòt. Se la yo moute kan yo.
6 Yo te vwayaje soti Succoth pou te fè kan nan Etham, ki sou kote dezè a.
Apre sa, yo kite Soukòt, y' al moute kan yo Etam ki sou limit dezè a.
7 Yo te vwayaje soti Etham pou te vire fè bak jis nan Pi-Hahiroth, ki anfas Baal-Tsephon, e yo te vin fè kan devan Migdol.
Yo kite Elam, yo tounen sou Pi ayiwòt, ki anfas Baal-Sefon, bò solèy leve, epi yo moute kan yo devan Migdòl.
8 Yo te vwayaje soti devan Pi-Hahiroth. Yo te pase nan mitan lanmè a pou rive nan dezè a, yo te vwayaje pandan twa jou nan dezè Étham an, e yo te vin fè kan nan Mara.
Yo kite Pi ayiwòt, yo travèse Lanmè Wouj la, yo rive nan dezè a. Yo pase twa jou ap mache nan dezè Etam lan, yo rive Mara kote yo moute kan yo.
9 Yo te vwayaje soti Mara pou te rive nan Élim. Nan Élim, te gen douz sous dlo, swasann-dis pye palmis, e yo te fè kan an.
Yo kite Mara, yo rive Elim kote ki te gen douz sous dlo ak swasanndis pye palmis. Yo moute kan yo la.
10 Yo te vwayaje soti nan Élim, pou te fè kan bò kote Lamè Wouj.
Yo kite Elim, y' al moute kan yo toupre Lanmè Wouj la.
11 Yo te vwayaje soti Lamè Wouj pou te fè kan nan dezè Tsin nan.
Yo kite Lanmè Wouj, y' al moute kan yo nan dezè Zin lan.
12 Yo te vwayaje soti nan dezè Tsin nan pou te fè kan nan Dophka.
Yo kite dezè Zin lan, y' al moute kan yo Dofka.
13 Yo te vwayaje soti nan Dophka pou te fè kan nan Alusch.
Yo kite Dofka, y' al moute kan yo Alouch.
14 Yo te vwayaje soti Alusch pou te fè kan nan Rephidim. Se te la ke pèp la pa t gen dlo pou bwè a.
Yo kite Alouch, y' al moute kan yo Refidim kote pèp la pa t' jwenn dlo pou yo bwè a.
15 Yo te vwayaje soti nan Rephidim pou te fè kan nan dezè Sinaï a.
Yo kite Refidim, y' al moute kan yo nan dezè Sinayi a.
16 Yo te vwayaje soti nan dezè Sinaï a pou te fè kan nan Kibroth-Hattaava.
Yo kite dezè Sinayi a, y' al moute kan yo Simityè Grangou.
17 Yo te vwayaje soti nan Kibroth-Hattaava pou te fè kan nan Hatséroth.
Yo kite Simityè Grangou, y' al moute kan yo Azewòt.
18 Yo te vwayaje soti nan Hatséroth pou te fè kan nan Rithma.
Yo kite Azewòt, y' al moute kan yo Ritma.
19 Yo te vwayaje soti nan Rithma pou te fè kan nan Rimmon-Pérets.
Yo kite Ritma, y' al moute kan yo Rimonn Perèz.
20 Yo te vwayaje soti nan Rimmon-Pérets pou te fè kan nan Libna.
Yo kite Rimonn Perèz, y' al moute kan yo Libna.
21 Yo te vwayaje soti nan Libna pou te fè kan nan Rissa.
Yo kite Libna, y' al moute kan yo Risa.
22 Yo te vwayaje soti nan Rissa pou te fè kan nan Kehélatha.
Yo kite Risa, y' al moute kan yo Keyelata.
23 Yo te vwayaje soti nan Kehélatha pou te fè kan nan Schapher.
Yo kite Keyelata, y' al moute kan yo sou mòn Chefè a.
24 Yo te vwayaje soti nan Mòn Schapher pou te fè kan nan Harda.
Yo kite mòn Chefè a, y' al moute kan yo Arada.
25 Yo te vwayaje soti nan Harda pou te fè kan nan Makhéloth.
Yo kite Arada, y' al moute kan yo Makelòt.
26 Yo te vwayaje soti nan Makhéloth pou te fè kan nan Tahath.
Yo kite Makelòt, y' al moute kan yo Tayat.
27 Yo te vwayaje soti nan Tahath pou te fè kan nan Tarach.
Yo kite Tayat, y' al moute kan yo Tara.
28 Yo te vwayaje soti nan Tarach pou te fè kan nan Mithka.
Yo kite Tara, y' al moute kan yo Mitka.
29 Yo te vwayaje soti nan Mithka pou te fè kan nan Haschmona.
Yo kite Mitka, y' al moute kan yo Asmona.
30 Yo te vwayaje soti nan Haschmona pou te fè kan nan Moséroth.
Yo kite Asmona, y' al moute kan yo Mosewòt.
31 Yo te vwayaje soti nan Moséroth pou te fè kan nan Bené-Jaakan.
Yo kite Mosewòt, y' al moute kan yo Benè-Jakan.
32 Yo te vwayaje soti nan Bené-Jaakan pou te fè kan nan Hor-Guidgad.
Yo kite Benè-Jakan, y' al moute kan yo Ogidgad.
33 Yo te vwayaje soti nan Hor-Guidgad pou te fè kan nan Jothbatha.
Yo kite Ogidgad, y' al moute kan yo Jotbata.
34 Yo te vwayaje soti nan Jothbatha pou te fè kan nan Abrona.
Yo kite Jotbata, y' al moute kan yo Abwona.
35 Yo te vwayaje soti nan Abrona pou te fè kan nan Etsjon-Guéber.
Yo kite Abwona, y' al moute kan yo Ezyongebè.
36 Yo te vwayaje soti nan Etsjon-Guéber pou te fè kan nan dezè a Tsin nan: sa vle di, Kadès.
Yo kite Ezyongebè, y' al moute kan yo nan dezè Zin lan, ki vle di Kadès.
37 Yo te vwayaje soti nan Kadès pou te fè kan nan Mòn Hor, nan lizyè peyi Édom an.
Yo kite Kadès, y' al moute kan yo sou mòn Or, toupre fwontyè peyi Edon an.
38 Konsa, Aaron, prèt la, te monte nan Mòn Hor selon lòd SENYÈ a, e li te mouri la nan karantyèm ane apre fis Israël yo te sòti nan peyi Égypte la, nan premye jou sou senkyèm mwa a.
Dapre lòd Seyè a te bay la, Arawon, prèt la, moute sou tèt mòn lan. Se la li mouri. Lè sa a, moun pèp Izrayèl yo te gen trantnevan kat mwa yon jou depi yo te soti kite peyi Lejip.
39 Aaron te gen san-venn-twazan lè li te mouri sou Mòn Hor a.
Lè Arawon mouri sou mòn Or la, li te gen sanvenntwazan sou tèt li.
40 Alò, Kananeyen an, wa a Arad ki te rete Negev la nan peyi Canaran an, te tande ke fis Israël yo t ap pwoche.
Wa Arad, yon moun Kanaran ki te rete nan pati sid peyi Kanaran yo rele Negèv la, vin konnen moun Izrayèl yo t'ap rive.
41 Alò, yo te vwayaje soti nan Mòn Hor pou te fè kan nan Tsalmona.
Se konsa, moun Izrayèl yo kite Mòn Or la, y' al moute kan yo Zalmona.
42 Yo te vwayaje soti nan Tsalmona pou te fè kan nan Punon.
Yo kite Zalmona, y' al moute kan yo Pounon.
43 Yo te vwayaje soti nan Punon pou te fè kan nan Oboth.
Yo kite Pounon, y' al moute kan yo Obòt.
44 Yo te vwayaje soti nan Oboth pou te fè kan nan Ijjé-Abarim nan lizyè Moab la.
Yo kite Obòt, y' al moute kan yo Ije abrarim nan peyi Moab la.
45 Yo te vwayaje soti nan Ijjé-Abarim pou te fè kan nan Dibon-Gad.
Yo kite Ije abrarim nan peyi Moab la, y' al moute kan yo Dibon Gad.
46 Yo te vwayaje soti nan Dibon-Gad pou te fè kan nan Almon-Diblathaïm.
Yo kite Dibon Gad, y' al moute kan yo Almon-Diblatayim.
47 Yo te vwayaje soti nan Almon-Diblathaïm pou te fè kan nan mòn Abarim yo devan Nebo.
Yo kite Almon-Diblatayim, y' al moute kan yo sou mòn Abarim yo, anfas Mòn Nebò, bò solèy leve.
48 Yo te vwayaje soti nan mòn Abarim yo pou te fè kan nan plèn a Moab yo akote Jourdain an, anfas Jéricho.
Yo kite mòn Abarim yo, y' al moute kan yo nan plenn Moab yo, lòt bò larivyè Jouden, anfas lavil Jeriko.
49 Yo te fè kan akote Jourdain an, soti nan Beth-Jeschimoth pou jis rive nan Abel-Sittim nan plèn a Moab yo.
Yo te moute kan yo nan tout plenn Moab yo, toupre larivyè Jouden an, depi Bèt ayechimòt jouk Abèl-Chitim.
50 Alò, SENYÈ a te pale avèk Moïse nan plèn a Moab yo akote Jourdain an anfas Jéricho. Li te di:
Antan yo la nan plenn Moab yo, toupre larivyè Jouden, anfas lavil Jeriko, Seyè a pale ak Moyiz, li di l' konsa:
51 Pale avèk fis Israël yo e di yo, “Lè nou fin travèse Jourdain an pou antre nan peyi Canaran an,
-Men sa pou ou di moun pèp Izrayèl yo pou mwen. Lè n'a janbe lòt bò larivyè Jouden pou nou antre nan peyi Kanaran an,
52 alò, nou va chase deyò tout abitan nan peyi a soti devan nou. Nou va detwi tout zidòl taye an wòch pa yo, detwi tout imaj fonn yo, e kraze nèt tout wo plas yo.
se pou nou mete tout moun ki rete nan peyi a deyò. N'a kraze tout estati zidòl yo fè nan moul, osinon ki fèt ak wòch, n'a demoli mete atè dènye kay kote moun yo fè sèvis pou bondye yo.
53 “Konsa, nou va pran posesyon peyi a pou viv ladann. Paske Mwen te bay peyi a a nou pou posede li.
N'a pran peyi a pou nou, n'a rete ladan l' paske se mwen menm ki ban nou li pou bitasyon nou.
54 Nou va eritye teren an pa tiraj osò selon fanmi nou yo. Pou pi gran fanmi yo, eritaj la va vin plis, pou pi piti yo, nou va bay mwens nan eritaj la. Nenpòt lè tiraj osò a tonbe sou nenpòt fanmi, sila a va pou li. Nou va eritye pa tribi a zansèt nou yo.
N'a tire osò pou nou ka separe l' bay chak branch fanmi pa yo. N'a bay branch fanmi ki anpil la yon gwo pòsyon. N'a bay branch fanmi ki pa anpil la yon ti pòsyon. Chak branch fanmi va resevwa pòsyon ki va vin pou l' a. Se konsa n'a separe tè a bay chak branch fanmi zansèt nou yo pa yo.
55 “Men si nou pa pouse mete deyò, tout abitan peyi a devan nou, alò, li va vin rive ke sila ke nou kite pami nou yo, va vin pike zye nou. Yo va devni tankou pikan bò kote nou, e yo va twouble nou nan peyi kote nou rete a.
Men, si nou pa mete moun ki rete nan peyi a deyò, sa ki va rete yo pral ban nou gwo pwoblèm. Y'ap tankou yon pay ki tonbe nan je nou, osinon tankou pikan k'ap pike nou nan tout kò nou. Yo pral tounen yon tizon pou nou lè n'a fin tabli nan peyi a.
56 Epi li va rive ke sa M te anvizaje fè yo, M ap vin fè l nou.”
Lè sa a, sa m' te fè lide fè yo a, se nou m'ap fè l'.
