Lododowo 6
1 Vinye, ne ède megbe na wò aƒelika, eye nèsi akpe tsɔ do ŋugbee na ame tutɔ,
| בני אם-ערבת לרעך תקעת לזר כפיך |
2 ne ŋugbe si nèdo zu mɔ me nèɖo eye wò numenyawo bla wò la,
| נוקשת באמרי-פיך נלכדת באמרי-פיך |
3 ekema vinye, wɔ esia ne nàtsɔ aɖe ɖokuiwòe, esi nège ɖe hawòvi ƒe asi me ta. Yi nàbɔbɔ ɖokuiwò, ɖe kuku na hawòvi la amenubletɔe!
| עשה זאת אפוא בני והנצל-- כי באת בכף-רעך לך התרפס ורהב רעיך |
4 Wò ŋkuwo megadɔ alɔ̃ o eye wò aɖaba megadɔ akɔlɔ̃e o.
| אל-תתן שנה לעיניך ותנומה לעפעפיך |
5 Ɖe ɖokuiwò le eƒe asi me abe ale si sãde sina le adela ƒe asi me ene alo abe ale si xevi dona le xevimɔtrela ƒe kamɔ mee ene.
| הנצל כצבי מיד וכצפור מיד יקוש |
6 Wò, kuviatɔ, yi anyidi gbɔ; kpɔ eƒe mɔwo ɖa, eye nàdze nunya!
| לך-אל-נמלה עצל ראה דרכיה וחכם |
7 Gbeɖela loo dzikpɔla alo dziɖula aɖeke mele esi o,
| אשר אין-לה קצין-- שטר ומשל |
8 gake le dzomeŋɔli la eƒoa eƒe nuhiahiãwo nu ƒu eye wòƒoa eƒe nuɖuɖu nu ƒu le nuŋeɣi.
| תכין בקיץ לחמה אגרה בקציר מאכלה |
9 Wò, kuviatɔ va se ɖe ɣe ka ɣi nàmlɔ afi ma? Ɣe ka ɣi nànyɔ tso alɔ̃ me?
| עד-מתי עצל תשכב מתי תקום משנתך |
10 Dɔ alɔ̃ vie, dɔ akɔlɔ̃e sẽe, ŋlɔ wò abɔwo nàdzudzɔ vie,
| מעט שנות מעט תנומות מעט חבק ידים לשכב |
11 tete ahedada aƒo ɖe dziwò abe adzodala ene eye hiã abe aʋakalẽtɔ si bla akpa ene.
| ובא-כמהלך ראשך ומחסרך כאיש מגן |
12 Yakame kple ame baɖa si le yiyim kple alakpadada,
| אדם בליעל איש און הולך עקשות פה |
13 le ŋku tem, tsɔ afɔ le dzesi fiam eye wòtsɔ eƒe asi le nya gblɔmii,
| קרץ בעינו מלל ברגלו מרה באצבעתיו |
14 ame si ɖoa nu vɔ̃ɖi, beble le eƒe dzi me, eye ɣe sia ɣi wòdea dzre aƒe la
| תהפכות בלבו--חרש רע בכל-עת מדנים (מדינים) ישלח |
15 eya ta gbegblẽ aƒo ɖe edzi kpoyi eye woatsrɔ̃ eya amea zi ɖeka, naneke maɖee le eme o.
| על-כן--פתאם יבוא אידו פתע ישבר ואין מרפא |
16 Nu adree Yehowa tsri, eye nu adree nye nu siwo wònyɔa ŋui:
| שש-הנה שנא יהוה ושבע תועבות (תועבת) נפשו |
17 dadaŋkuwo, alakpaɖe, asi siwo kɔa ʋu maɖifɔ ɖi,
| עינים רמות לשון שקר וידים שפכות דם-נקי |
18 dzi si ɖoa nu vɔ̃ɖiwo, afɔ siwo ɖea abla ɖe vɔ̃wɔwɔ ŋuti
| לב--חרש מחשבות און רגלים ממהרות לרוץ לרעה |
19 aʋatsoɖaseɖila si kɔa alakpa ɖi, kple ŋutsu si dea dzre nɔviwo dome.
| יפיח כזבים עד שקר ומשלח מדנים בין אחים |
20 Vinye, lé fofowò ƒe sededewo me ɖe asi eye mègagblẽ dawò ƒe nufiame ɖi o.
| נצר בני מצות אביך ואל-תטש תורת אמך |
21 Bla wo ɖe wò dzi ŋuti tegbee eye nàsae ɖe wò kɔ ŋuti.
| קשרם על-לבך תמיד ענדם על-גרגרתך |
22 Ne èle zɔzɔm la, woafia mɔ wò, ne èle alɔ̃ dɔm la, woadzɔ ŋuwò eye ne ènyɔ la, woaƒo nu na wò
| בהתהלכך תנחה אתך-- בשכבך תשמר עליך והקיצות היא תשיחך |
23 elabena sedede siawo nye akaɖi, nufiafia sia nye kekeli eye ɖɔɖɔɖo si amehehe hena vɛ la nye agbe ƒe mɔ,
| כי נר מצוה ותורה אור ודרך חיים תוכחות מוסר |
24 esi aɖe wò tso nyɔnu ahasitɔ ƒe asi me kple srɔ̃nyɔnu dzego la ƒe aɖe ŋanɛ ƒe asi me.
| לשמרך מאשת רע מחלקת לשון נכריה |
25 Eƒe tugbedzedze megana eƒe nu nadzro wò le wò dzi me alo nàna eƒe ŋku mawo nalé wò o,
| אל-תחמד יפיה בלבבך ואל-תקחך בעפעפיה |
26 elabena gbolo aɖi gbɔ̃ wò, nànɔ abe abolo ko ene eye nyɔnu ahasitɔ aɖe agbe le mewò.
| כי בעד-אשה זונה עד-ככר-לחם ואשת איש-- נפש יקרה תצוד |
27 Ɖe ŋutsu aɖe aɖe dzo ɖe atata eye eƒe awuwo nagbe fiafia?
| היחתה איש אש בחיקו ובגדיו לא תשרפנה |
28 Ɖe ŋutsu aɖe azɔ le dzoka xɔxɔ dzi eye eƒe afɔwo nagbe fiafia?
| אם-יהלך איש על-הגחלים ורגליו לא תכוינה |
29 Nenemae wòanɔ na ŋutsu si dɔna kple ŋutsu bubu srɔ̃, womagbe tohehe na ame si ka asi eŋuti o.
| כן--הבא אל-אשת רעהו לא-ינקה כל-הנגע בה |
30 Womedoa vlo fiafitɔ ne efi fi be wòatsɔ atsi eƒe dɔwuame nu, ne dɔ la ewum o
| לא-יבוזו לגנב כי יגנוב-- למלא נפשו כי ירעב |
31 gake ne wolée la, ele nɛ be wòaɖo nua teƒe zi adre, esia ana eƒe kesinɔnu siwo katã le esi le eƒe aƒe me la navɔ le esi.
| ונמצא ישלם שבעתים את-כל-הון ביתו יתן |
32 Ke ame si wɔ ahasi kple srɔ̃tɔ la mebua ta me o eye ame si wɔnɛ la gblẽa eɖokui dome.
| נאף אשה חסר-לב משחית נפשו הוא יעשנה |
33 Ƒoƒo kple kɔ kple vlododo nye etɔ gome eye womaɖe eƒe ŋukpe ɖa akpɔ gbeɖe o
| נגע-וקלון ימצא וחרפתו לא תמחה |
34 elabena ŋuʋaʋã ana srɔ̃ŋutsu ƒe dɔmedzoe nafla eye ne ele hlɔ̃ biam la, makpɔ nublanui o.
| כי-קנאה חמת-גבר ולא-יחמול ביום נקם |
35 Maxɔ avulénu aɖeke o, eye maxɔ zãnu aɖeke hã o, aleke gbegbee wòloloe hã.
| לא-ישא פני כל-כפר ולא-יאבה כי תרבה-שחד |
